صرخة عار(مكتملة)

الحلقة 10

صـــــــرخة عــــار
الحلقة 10

خشيت نجري لي دار لمياء وقفلت الباب وعزقت روحي على الأرض وبكيت بكيت بكيت مسحت كبدي......

معقوله أنا حواء ندير العار؟؟؟؟؟؟؟
أنا حواء الكبيرة العاقله الرازنه نجيب العار لهلي؟؟؟؟؟؟؟؟؟؟؟

بعد الصبر على البلاوي والقهاير وكله محتسبه اجري عند الله نضعف وندير هكي....

وقفت نمسح في دموعي.....
سمعت حد يدق على الباب.

بوي:-حواء حواء    أنتي يا بت
تعالي شوفي أمك يا مرزيه.

خفت يهد الباب على طلعت ومشيت.

خشيت على أمي في الدار:-نعم يمي كنك؟؟؟؟

أمي:-دواي  دواي يا حواء  دواي.

وكانت داهشه واصله حدها.

أنا:-كنه؟؟؟؟
كمل؟؟؟؟؟
ما كملش داسه منه .

أمي:-توا موعده.
نسيتي!!!!!!!!

أنا ملامح وجهي تغيرن من اول مرضت امي ما عمري نسيت دواها لحظه..

فعلاً هذا مؤشر خطير.

مشيت نجري عطيتها دواها.
وقعدت نعاني والجنون عيال الأفعى سهام تحويس وعرايك .....

خشيت لدار لقيت لمياء تقرأ بعد شافتني:-اااااففففففففف

بكره عندي امتحاااااان..

أنا:-وأقري ايش وراك.

لمياء:-ليش القطاطيس عيال خوك خلو الواحد يقرأ.

افففففف

ووقفت تجري:-توا نوريهم.

أنا مسكتها:-لا يا لمياء.
ردي بالك نسيتي شن دار فيا خوك لما ضربتهم.

لمياء:-هع
هذكي أنتي.
اما انا مزال ما خلقه ربي يلي يبي يضربني أو يهزبني سواء خوك ولا مراته.

وطلعت تجري طلعت وراها مسكت العيال عطتهم طريحه لو كان عطتها لواحد كبير ره مات..

وخشت لدار سيبتهم يصارخوا.....

مشيت وسيبتهم خشيت الحمام ادوشت وطلعت من الحمام مع خشت بوي....

ووقتها كانوا عيال الصابر مزالوا يتعايطوا..

بوي:-لؤ لؤ لؤ
كنهم هذوم كنهم؟؟؟؟
ره تبقى منك بس نكسر راسك تكسير..

أنا سكتت وقعدت خايفه ونرتعد،،،،،مع طلعت لمياء.

لمياء:-لا أنا ضربتهم هالقطاطيس نبي نقرأ وما سكتوا لحظه عندي امتحانات ونبي هدوء زي باقي العالم.
مفروض لعندها عيال تمسكهم.

وخشت الدار وطبقت الباب بقوة.ً

طبعاً بوي ما تكلمش خذا العيال وطلع:-توا نأخذهم نبرم بيهم شوي...