صرخة عار(مكتملة)

الحلقة 6

صرخة عار
الحلقة 6

نضت لقيت روحي على السرير في دارنا وجنبي صالحه ولمياء يوعن في..

صالحه:-كنك شن فيك؟؟؟؟
فجعتينا؟؟؟

أنا تقعدت وبحتت فيهن أوووول مره نحس بإهتمام في الحوش هذا،،يعنى لازم الواحد يدوخ بيش تصدقوا أنه تعبان.

صالحه:-هيييبي حواء كنك؟؟؟؟؟

أنا:-من خوك الصابر وباتك.

لمياء:-وكنهم يا حنه؟؟؟
أنا:-ضربوني وكسروني.

صالحه:-ايش السبب؟؟
أنا:-عشان العزومه يلي دايرينها قلت تعب
وشكيت اول مره نشكي في حياتي وعشان جبت سيرة سهام..

صالحه:-حتى أنتي الله يسامحك شن تبي في سيرتها؟؟؟

لمياء:-صدقت فيها خليها،،ولا كلام الحق وجاع على الأخ الصابر..

صالحه فنصت في لمياء:-انتي سكري فمك وعدي ضيفي عصير للوليه...

لمياء طلعت تنفخ وراقيلها...

صالحه:-حواء خليكي في حالك الله يربحك صبايا خوتك خطيهن عشان يفكك ربي من المشاكل...

أنا:-بس هذا ظلم ظلم ظلم..

وضميت وجهي بيدي وقعدت نبكي..

صالحه وقفت:-ما أصلا الحياة كلها ظلم في ظلم وأنتي خذيتي على الصبر لذلك خلي المركب سايره واسكتي..

وطلعت......

صبيت من السرير طلعت للحمام كان جسمي امكسر ما قبل قدرت نغسل ونبدل دبشي...

طلعت لقيت صالحه ولمياء ودلال في المطبخ يجهزن في عشاء العزومه...

دلال:-لابأس عليك يا حواء.
ما عمري سمعتك مريضه هههه.

قبل نبي نرد باحترام بس لما ضحكت مشيت وسيبتها،،                
                                                       
خشيت قعدت مع أمي وضيفتنا أسراء..

أمي:-قريب تكملي قرايتك؟؟
إسراء:-مزال سنتين بس ماهر ما عنده مشكله...

بعدها أمي رقدت وطلعنا انا وإسراء للصالة وطولنا ونحنا نهدرزو حكتلي على قصتها مع خطيبها كيف حبوا بعضهم قصتهم كانت رومانسيه تهبل،،بعدها قعدت تسأل في وأنا في حياتي ما في ولا حاجه تشرف لا حب لا قرايا لا راجل ولا شئ....

إسراء:-والله ربي يكون في عونك يا حواء،،،بس اجرك عظيم هذا كله رضا والدين..

وأنا مستعده نساعدك بلي تبيها وأي حاجه تبيها حاضر،،،
وتعالي زوريني ديما باستمرار مش من بعده حوشي...

أنا ابتسمت:-تمام..

انتهت العزومه وعدوا الضيوف وأنا ما درت شئ بس متكسره من الطريحه ما هو الصابر هرسني تهريس....

قررت أني نقعد في حالي خيرلي زي ما قالت صالحه المره هذي ضربني المره لأخره يقتلني..

باه وكان قتلني؟؟؟؟
شن نبي نخسر؟؟؟؟

عليش خايفه يعني؟؟؟؟؟؟؟

بالعكس بالك نتريح من هالعيشه ..

طول الليل ما رقدتش وأنا انفكر نحكي لإسراء على نزار يبي يشوفني ممكن هي تقدر تساعدني بس مزلت متحشمه منها..

وقعدت نستنى في رنه من نزار بس شئ قعد كم يوم لا رنه لا رساله وأنا ما عنديش رصيد ونرقا فوق ما نشوفش ننزل نسيق مش قاعد..
قعدت على نار منبش نخسره ما صدقت لقيت حد..

قعدت نفكر في حل ما في حل ألا أني مشيت سرقت موبايل لمياء ودزيت منه رصيد...

ومشيت جرررري للحمام ورنيت عليه.

نزار:-أيوووووه.
أنا:-وينك رايفت عليك.
نزار:-هههههههههههههههه
أنا:-كنك تضحك؟؟
وين معش نشوفش فيك؟؟
زعلان مني لا سمح الله.

نزار:-اها بصراحه ونفكر كل حد يمشي في طريق احسن.
أنا:-ليييييييش
لا ارجوك ما تسيبني.
نزار:-مالا نفذي طلبي وخلينا نتقابلوا.
أنا:-حاضر توا نفكر من عيوني.
توا نرد عليك بس نلقى حل.

نزار:-اسمعي عندك يومين بس بعدها خلاص..

أنا:-ان شاء الله..

سكر مني وقعدت أنا نعاني في مسؤلياتي ونفكر شن ندير.......

شن ندير ياربي؟؟؟؟؟
كيف نتصرف؟؟؟؟

لقيت فكره انشالله تنجح ،، مشيت درت نوع حلو عصريه وقلت نمشي نعطي جارتنا إسراء ونهدرز عندها..

طبعاً أمي حكت لبوي وعرفوا أني تصاحبت بيها وتقبلوا الموضوع ...

طبعاً كانت تسكن في العماره يلي بجنبنا زي عمارة نزار ....

رحبت بيا واستقبلتني وقعدنا هدرزه وجوها كان يهبل....

أنا:-نبي منك مساعده وبصراحه متحشمه منك.

إسراء:-لا ما تتحشمي بكككل يلي نقدر نديرها نديرها..

""_طبعاً كانت شافقه علي وعلى حالي لأبعد الحدود-""

أنا:-انا تعرفت على شاب ونبي نتقابل معاه ،ونبي عذر نطلع بيه من الحوش.

إسراء:-تمام قولي إنك عندي ولو حد سألني حنشهدلك.

أنا:-لالا هم مرات يجي حد يقولولك نبوها ضروري.

إسراء:-قصدك نطلعوا صح.

أنا:-صح..

المهم اتفقت معاها بكره على أساس أنا وهي ماشيين للسوق هي تمشي لهلها وأنا نمشي لموعدي...

اقتنعوا هلي بعد اتجدي واتردي..

بعد خذيت اذنهم خشيت دار لمياء نفتش في دبشها..

لمياء:-حوويوه.
أنا:-كنك؟؟؟؟؟؟؟
لمياء:-قوليلي؟؟؟؟؟؟؟؟؟؟
شن قصه الموبايل؟؟

أنا ارتبكت:-أي موبايل اسمعي خطي وجهي...

لمياء:-هههههههههههههههههه

اسمعي وخري بما أنك تبي تطلعي السوق خلى أنا نختار اللبسه على ذوقي.

اخترتلي لمياء لبسه منها على ذوقها وحددتها لي ......

مشيت رقدت وأنا فرحانه عشان بكره انوض بدري ونجهز روووووووحي....

انتظروووووووني..............
يــــــتبــع 😘❤
فووووت 🌟
تعلييييق 💭