صرخة عار(مكتملة)

الحلقة 21

صــــرخة عــــار
الحلقة 21

الصابر وشعيب خافوا عليا واحد وقف جاب عبايه ورفعني،،،،،والثاني طلع ...

وصااااااااااااروخ للمستشفى....

وقت يلي كنا في الطريق وأنا في حالة الإغماء..

صالحه روحت للحوش مع راجلها ما لقيتني خااااااافت خاصة لما شافت موبايل الصابر قاعد...

اتصلت بـ شعيب...

صالحه:-ها يا شعيب وينك؟؟؟؟
شعيب:-حوااااء مرضت وداخت رفعناها أنا والصابر للمستشفى....

صالحه انصدمت وسكرت وطلعت نجررررري للشارع نلحق في سالم وقف سالم سيارته وركبت معاه...

سالم:-كنك أنتي انكلبتي؟؟؟؟؟
شن قالك الدكتور ع الحركه مش قالك وضع الجنين في خطر...

صالحه كانت داهشه وقلبها قريب يوقف من الخوف:-اسمع الله يربحك صاااااروخ للمستشفى رد بينا.....

سالم:-كنك شن في؟؟؟
صالحه:-سقد توا نحكيلك على الطريق...

                                                                     
سالم قعد يسوووووق بسرعه ،،،وصالحه حكتله القصه....

سالم طبعاً كانت ردة فعله قاسيه جداً بس بحكم أنهم في الطريق ما قدر يدير اكثر من هك...

صالحه دزت مسجات للمياء ودلال لأنها ما كانت قد الموقف....

جو للمستشفى وصالحه تجرررررررري وسالم وجه احمر وعروق وجه باينات من الخبر يلي جاه ..

وجوه الصابر وشعيب كانوا منفجعين على أختهم ومش عارفين شئ..

طلع الدكتور وبحت فيهم:-أنشالله تمام بس عندها هبوط في الضغط وكذلك الجنين وضعه مش تمام...

الصابر وشعيب بحتوا في بعضهم:-شنوووووووووووووو؟؟؟؟
الدكتور:-عفواً!!!!!!!!!!
مش متزوجه الحاله يلي جتنا....

صالحه:-اه لا لا متزوجه .
بس راجلها مسافر...

الدكتور مشى الأمر عادي ومشى...

أما الصابر جاء قرب من صالحه وكرها من ذراعها وهو يصرخ في وجها:-شنوو القصه يا بت الكلب .
احككككككككي....

صالحه دفت يد الصابر وقعمزت على الأرض وقعدت تبكي..

شعيب طلع موس من جيبه كان يأخذ فيه كمنظر ما كان يظن يوم أنه حيضطر أنه يقتل بيه.....ومن؟؟؟؟؟
أخته!!!!!!!!
وليييييش؟؟؟؟
عشان باعت شرفها....                 

طلع الموس وقال:-والله  نقتلها وجاء بيفتح باب الغرفة ويخش...

بس صالحه وسالم مسكوه ومنعوه....

صالحه من بين دموعها وتجدا في شعيب :-الله يربحك يا شعيب ما ديرنا فضيحه وسط المستشفى خلينا بس تطلع ودير يلي تبيه...