صرخة عار(مكتملة)

الحلقة 26

صرخــة عـــار
الحلقة 26

في اليوم هذكي ما جاني حد ولا شفت حد مع أني كنت نستنى فيهم على أحر من الجمر يجوا يطمنوني......

في الحوش كانن البنات الثلاثه دلال ولمياء وصالحه في الدار..

طبعاً لمياء ردت فيها الروح وحبت تكلم خطيبها تتعذر بأي شئ...
خطيبها""ليث""

ليث:-هذا وين خطرت عليك.
لمياء:-الناس يسلموا قبل.
ليث:-السلام للي يستحقه بس ينقال.
لمياء:-قصدك أنا نستحقش؟؟
ليث:-اللي تقعد الفترة يلي أنتي قعدتيها من غير ما تكلم خطيبها وبدون أي سبب فما تستحق السلام..
لمياء:-باه يا ليث بارك الله فيك وأنا يلي نقول هذا خطيبي وحبيبي وحيفهمني.
لو عارف شنو ظروفي ما كنت قلت هكي.

ليث:-مهما كانن ظروفك ما لك الحق تقفلي موبايل وتفوتي الجامعة وأنتي عارفه أن هلك ما يخلوني نجيك.
لمياء تبكي:-أنا اصلا احتمال معش بنقرأ بابا مريض بين الحياة والموت جاته     جلطه وخذوه خوتي للأردن وتوا قاعد طايح لا يحكي لا يشكي لا يصبي.
بابا انتهى وبنقعد لا اب لا  أم  .

ليث:-الكلام هذا كله عارفه وعندي العلم بيه.
لمياء ارتبكت ووجها انحمر وحتى دموعها جفوا وخافت يقعد عارف أكثر من هكي..

ليث:-كنك سكتي؟؟؟؟؟؟
تحسابيني كيفك لا نهتم لا ندور؟؟؟
جيتكم في الحوش ولقيت شعيب وحكالي كل حاجة.

وقالي تبي لمياء؟؟؟؟؟
قلتله لأ لأني فعلاً ما نبيك.

لمياء تبكي:-شنو قصدك؟؟؟؟
كيف ما تبيني؟؟؟  بس أنا نبيك ومحتاجتلك.
ليث:-بس أنتي غلطتي في حقي وقصرتي.
لمياء:-أسفه والله أسفه معترفه بغلطي بس والله كنت متضايقه حتى من هلي ..

ليث:-توا تفرج ،،،وربي يشفيه بوك انشالله.
لمياء:-يااااارب.

ليث:-امتى تبي تجي للجامعه؟؟؟؟
مش حنسمحلك تبطلي..

لمياء ارتبكت:-الأسبوع الجاي ممكن وممكن معش نجي  بابا من يعانيه.

ليث:-وين خواتك وخوتك؟؟؟؟؟
أمتى يروحوا الصابر واختك؟؟؟؟

لمياء:-اه؟؟؟؟
مش عارفه والله.

ليث:-عطيني رقم الصابر.
لمياء:-مش عندي نكلموا فيه من شعيب،،،اتصل بشعيب وخوذه منه...

ليث:-اوووك...

انتهى الوضع بين لمياء وخطيبها بخير اطمنت وردتلها لروحها...

حتى صالحه جاها سالم بيردها بس طبعاً مزال الفترة هذي تقدرش تسيب بوي ولمياء لأن الوضع مزال جديد ع الجميع...

وأنا عد قاعده بروحي وخايفه وراسي بينفجر من التفكير وقاعده نضرب في أخماس بأسداس...

في اليوم الثاني في الصبح قبل حتى ما نفطر كنت في الحمام ،،،،طلعت لقيت حافظ قاعد...