صرخة عار(مكتملة)

الحلقة 19

صـــرخة عـــار
الحلقة 19

بعد مشيت لداري مطروده ومذلوله،،،دار الحديث هذا بين دلال ولمياء...

دلال:-شن تبي اديري توا؟؟؟؟
كان خليتيها تتصرف بروحها كان احسن.

لمياء:-لالا هذي تقعد هنا معش في طلوع من الحوش ناقصنا منها حاجات اخرى..

وطبعا كانت لمياء مزال ما حولت دبش الجامعه عدلت وشاحها وجت بتطلع.

دلال:-هييييي انتي انكلبتي ولا شن؟؟؟؟
تبي تمشي للعرب في هالقايله.

لمياء فنصت في دلال:-وقتك ووقت بصارتك.
ما هو فعلا اللي يده في النار مش زي اللي يده في الميه.

دلال:-شنو قصدك؟؟؟؟؟؟
اووووف نقولك حاجه ديري اللي تبيها.
تنحرررقي.

ومشت وسيبتها....

لمياء طلعت .....
و أنا قاعده في الدار وندعي انشالله ادير حل ياربي العيل يوم بعد يوم يكبر في بطني و تنزيلته كل يوم تصعب عن يوم.

من بين التفكير والبكاء شفت موبايلي يرن كان حافظ.

أنا:-ايوه.
حافظ:-وينك أنتي مش فاضيه؟؟؟؟

طبعا مزال واخذ على كلام إسراء اني أنا منفضش بكككككككل.
محد عارف الوضع الجديد.

أنا:-اها مكنتش فاضيه.
حافظ:-كيف حال العائلة الكريمه؟؟؟؟؟؟
أنا:-الحمدلله.
حافظ:-شن رأيك ندزلكم أمي وإسراء اليوم؟؟؟؟؟

أنا:-من جدك أنت؟؟؟؟؟؟
جرح أمي مزال ينزف وأنت تبيني ننخطب ونتزوج.
وبعدها خالتك يلي بين الحياة والموت.
معقوووووووووولة!!!!!!!!!!!!

حافظ:-مقلتش نبي نطلع فرح.
هي عبارة عن طلبه بس.

أنا:-مهما كان مزااااال مزاااال واجد.
حافظ:-باه يلي تريحك يا حواء.
بس اللي نبيك تعرفيه أني بدبت نتريحلك ونأخذ عليك.
أنا:-انشالله خير..
بعدها طولنا ونحنا نحكو عادي هو يحكيلي على نفسه وعلى شغله وحياته.

وأنا نحكيله على حياتي كلها ألا موضوع نزار ورقته ما فتحتها.....

بالنسبة للمياء مشت لإسراء في حوش هلها طبعا إسراء استقبلتها احسن استقبال وسألتها عليا....

وقعدن يهدرزن عادي،،،،،،،لعند ما حانت الفرصة على أساس ينقلن من بعضهن .

وخذت رقم ماهر....

طبعاً لمياء كانت ذكيه.....
عشان هكي محد شك فيها.....

نهت مهمتها وجت للحوش .....

كمل باقي يومنا وأنا حابسه روحي في الدار ولمياء ودلال يعانن في الحوش ..

على أساس طبعاً أني مريضه قدام بوي وخوتي.....

الليل ما رقدته بككككل من الألم ألم لا يطاق..

هل كل حامل تحس بالألم هذا؟؟؟؟؟؟
وإلا يلي حامل بالحرام بس؟؟؟؟؟؟؟