رحنا كل وحدة لخدمتها قضينا يوم عادي خدمة في خدمة انا كملت رسم المجموعة الشتائية. خاصني نكملها باسرع وقت خاصة كي زدت سمعت بلي المدير نتاع هذي الشركة الجديد راهو جاي لانو السيد محمد اوغلو مكانش يجي كامل للشركة طول فترة عملي و سمعت بلي توفى ربي يرحمو و جا فبلاصتو وليدو فهد اوغلو لي كان يقرا فالماريكان و باش يهتم بالاوضاع قالك صعيب بزاف و سمعت تانيك بلي حاوز بزاف خدامين كي معجباتوش خدمتهم خطأ صغير قادر يحاوز يا ميمتي هذا وين عرفت بلي دعواتك مستجابة و خرجت فيا 😢 ميرال pov: انا اليوم ماريحتش كامل انا نكمل عملية منا و هما يعيطولي لعملية وحدوخرا يعني واش نقول قظيت يومي غير من عملية لاخرى .. شيرازpov: انا شيراز حياتي gاع و انا نحلم اني نكون محامية و تحقق حلمي وليت اشهر محامية فالجزائر سيرتي على كل لسان احم احم لموهيم جوزت نهاري غير بهذوك الملفات و مزال ما بانت حتى قضية أوو لهذي درجة ناس مولاوش يصرالهم مشاكل قتلني الملل و قنطت فهذا البيرو خرى ... رحنا لدار بون حنا 3 عندنا طونوبيلاتنا الخاصة انا عندي فيراري حمرة راكم شايفينها من قبل هذيك نروحو فيها كي تكون السخانة في فصل الصيف و الخريف اما سيارت ميرال ني حابة نتفكر وقتاش ركبنا فيها ني تفكرت ولا مرة بحكم انو مولاتها تخاف تتوسخ على هذيك نخرجو فيها غير فتحواس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اما شيراز فسيارتها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نروحو فيها كي تكون الماء ياكل الماء فاليامات نتاع شتا و الثلج و الغبرة حنا قناعناها بسك طونوبيلتها سوداء متتوسخش 😈 لموهيم حتى وحد نهار جات وحد لعجوزة طبطب فدارنا فتحتلها انا الباب و ختكم كانت كي زوفري الميناج نتاع دار شافتني و قاتلي بنتي عيطي لماماك عيطت العقيلة و قاعدين يتسالمو و انا واقفة في وسطهم كي تمثال الحرية حتى نغزتني امي العزيزة و قاتلي بدلي حالتك رحت بدلت لبست سيرفات نواغ و هبطت نقرعج مي ماما بعثتني نطيب قهوة كحلة لهذيك لعجوزة بفف مجات طيب هذيك القهوة حتى غملت لتما و ديتها بزربة باش نكمل تقرعيج لكن لا حياة لمن تنادي لقيتهم معنقين بعضياتهم و يقولو ان شاء الله دخلني الوسواس خاصة هذيك لعجوزة قاعدة غير تكيل فيا من لفوق للتحت بما انو قعدت مقابلتها جاتها على سطاش 16 و انا نتأمل فيها شايفتها من قبل مي وين وين وين ؟؟ دربتلها تصويرة بالتخبية و طلعت للبيت كي الفرارة و دخلت للقروب ديالنا فالفايس و بعثتلهم التصويرة مزية لي لقيتهم اون لاين ريبل: اسمعو وين شفنا هذي المرا شيراز:استناي نا تان ني شايفتها مي وين ميرال:انا تان مي وين شفتها ايه شفتها حاطة العين غير على ريبل مي وين و نتفكرو حنا ونعيطو في نفس الوقت 3 ايه نهار العرس نتاع امينة بنت حومتناا ريبل: مي علاش جات علاواش تحوس شيراز:بلاك جات تخطبك لوليدها ريبل:والله غير نقتل طاطاكم عقيلة ميرال:😂😂😂😂مبروك على زواج _______ نضت صباح ربي لقيت ماما موجدا الحالة الصالون انا نعرفتش باش تبليت زعما مزالني نحلم و لا سرقوني ني فدار وحدوخرا حتى نسمع لعياط فالكوزينة دخلت لقيت ماما تخدم فالحلوي و توجد فيها هي و خاوتي يعاونو فيها ياو منحكيلكمش وشمن جاراك العريان و جراك لمسكر و لبقلاوة انا تخلعت ريبل : وين واش كاين متقوليليش كاين عرس بفف تعيو لوكان قلتولي باش نوجد روحي و نعيط لميرال و شيراز باش يجو معايا عقيلة:واشبيك يا وجه الشر بلعقل حكمك حمار النهار ايا طيري بدلي و البسي قفطانك الحمر لي يجيك شباب و عيطي لميرال و شيراز يعاونوك ريبل :علاش ؟؟ عقيلة: متهبلينيش ايا غاولي و تيرات عليا بوحد لغراف طلعت للبيتي بعد مجاو ميرال و شيراز عونوني ميرال:واو نتاع صح واو كي زلة شيراز:تتزوجي بيا ا بب ريبل: بفف منيش حابة يخطبوني شيراز: شكون قالك افار نتاع زواج ميرال: ما تحرشيش شيراز باينة بلي راهم جايين يخطبوها ريبل : واش نديرر منيش حابة شيراز: واش راكي حابة تقعدي بايرة وقيل ريبل: ايا بلعي خير من نخصر لهدرة لختي انا مزال مكملتش الهدرة و طيح علينا ماما تشوف فيا و تزغرت ماما:ايا راهم فالصالون شوفي راجلك ميرال و شيراز غير يغمزو فيا باش نهدا هبطنا و انا نغلي و يريتني مدخلتش لعبد لي عذبني لسنوات و خصرلي لهدرة و عايرني لابس الكوستيم و مطلع شعرو و قاعد مع يماه و اختو و مرت خوه انعم وسيم بشحمو و لحمو ... انا نهدر بلعقل مع ميرال و شيراز غير هوما لي سمعوها ريبل: واش لبنات راكم تشوفو ولا لالا شيراز :what is it ????? ميرال: هاتفكم خارج نطاق التغطية يرجى اعادة المحاولة لاحقا و يماه غير شافتني طارت ليا تعنق و تبوس تقول مونك حنانة و قعدتني جنب كحل العفطة هذاك قعدت شادة روحي باش منتلاحش فوقو و نبرد دمي فيه و تخلاص عليا بكاش جريمة قتل قعدت هادئة و يماه و ختو غير يgصرو معايا و انا نرد كي لعgونة. و لا الكلبات نتاع ميرال و شيراز خراو بضحك ميرال شادة المخدة و مغطية وجها و تضحك كي شادي و مقدرتش تتنفس و لا شيراز هذيك غير مكلاه نحكو عليها وجها مطلس خدودها حمارو و عينيها حمارو بدموع دارو شكارة نتاع ضحك و انا نشوف فيهم و مخرجة عينية فيهم لكن لا حياة لمن تنادي و كنت راح نطرطق قدامهم لوكان منطقتش ماما ماما:ريبل اطلعي فرغيلهم القهوة فرغتلهم على زهري المسود و هذاك لخرى غير يتبع فيا و يشرب فالقهوة و انا غير نخزر فيه اشرب لي تشرب السم حتى سيد تحصلو 😂😂😂.... شحح و ناضو كامل يمدولو الما و يضربو فيه الضهرو باش تروح الشهقة بعد ما راحت هذيك الشهقة يا ريتو مات قاتلي ماما اطلعي لبيتك و ادي وسيم و اتفاهمو انا جاتني على 16 طلعتو الله الله للبيت انا قبلو و هو مورايا قاعد غير يخزر فيا كلاني بعينيه دخلتو للبيت و غلقتو بالمفتاح و ...... يتبع ...
