الاخوات الثلاث 💋

part 36

اصبحنا و اصبح الملك لله:
ميرالpov:
ضربتني الفطنة على 6 نتاع صبح منيش موالفاا  سبحان الله كي تكون عندي الخدمة و الشغل كامل يبدى بكري انا نوض دايمن روطار
تقلقت و تلمدت فالكوفيرطا و درت للجهة لي ملهيك و بعد لحضات دورتها ابتسامة و ابتسامة و لات لضحكة احح تفكرت عمر اي عمري ههه اسم يوالمو عمر عمري 
قعدت نص ساعة و نا ننطق فاسمو و مكرهتش حتى نقفز على الباب لي تخبط قلبي ضرب 360 ° ماشي غير وحدي حتى شيراز لي كانت مع احلام الوردية حسيت قلبها طار من بلاصتو  و ما تكون غير طاطا العلجة
شيرازpov:
قاعدة نوم فوحد لمنام و ماشي اي منام كيما موالفا مع راجلي و نشطحو و نتصدرو ياو هذي المرة نمت لعريس هارب و انا نجري موراه حتى نسمع زددف من الخلعة سوطيت احح ضهري راهو مدgدg  لي يشوفني يقول باتت راقدة فلرض ضربت طلة فالباب و نلقا العلجة بلبيجاما الطويلة نتاعها المتنوعة الالوان و لبينوار لي واصل حتى رجليها  و فو لارا الحمرة لي كنت نمسح بيها الغبرة وشمن نهار غلطت اعباد الله حسباتلي شيفونة مسحت بيها الغبرة كي كنا فدزاير المهم كانت واقفة قدام الباب قلبي قريب ما حبس
...............
لعلجة:اجروو نوضو خامرينلي هنايا ناس ناضو و عاودو ولاو يرقدو
ميرال:اه كيفاش ناضوو و عاودو ولاو
شيراز:واش راكي تخرفي ديجا شحال راهي ساعة
العلجة (نحات بليغتها و خبطت بيها شيراز )موليتيش تستحي يا الكلبة كي تشوفي فيا عجوزة ني نبانلك نخرف
ميرال:(حاكمة الحيط و تاكل فضفرتيها خايفة لوكان تجي دالتها)
شيراز:ماما ...يماااا..احح....حوو...وجعتيني ماما متنسايش بلي مزالي مريضة لبارح كنت فسبيطار ..اعع
العلجة:ايه منسيتش و منسيتش تان بلي هربتووو من دار
و سوطات تعض و تقرص و شيراز تعيط  شكون الطخان لي وصلكم تسوفجتو نا بنتي ولات قحبة تهرب من دار
ميرالpov:خليتهم يضاربو و قلعت نجري خفت تجي دالتي و تخلاص عليا فالانعاش مع ريبل  اه ريبل مسكينة  ربي يشافيها دخلت لتوالات قضيت حاجتي و غسلت سناني و وجهي و هبط للكوزينة لقيت ماما فطيمة و طاطا عقيلة يعمرو فالبايط و يديرو فالقفة مشفتش مليح واش كانو يحطو لمحت غير وحد لباطة فيها محاجب
ريبل:صباح الخير
لي فلكوزينة:صباح النور
قعدت فطابلة نستقهوا مع طاطا رشيدة و عمو كمال و عمو عبد القادر و يسرى و الاطفال مزالهم راقدين
ميرال:واش راكم ديروو
فطيمة:هذي الماكلة للمصابين دياولنا
ميرال :راكم رايحين
عقيلة:وي . رشيدة ختي البسي حيجابك  باش نروحو الوقت هذيك هيا
ميرال: و طاطا العلجة و ماما
فطيمة:راح نقعدو هنا فدار  نخملوها و نتوما راكم عيانين ريحو شوية
ميرال:نو انا نروح
فطيمة:وين تروحي هبلتي
ميرال: منها نوصلكم انا و نروح نشوف خدمتي براكات ماصرالي والو غير تخبشت هذا مكان
كمال:وي وصليهم بنتي انا نروح لشركة نشوف الشركة نتاع ريان و خدمتو
عقيلة:اوكي
ميرال:ماما
فطيمة(تغلق فلبايط ):مممم
ميرال:خويا عبدو وين راه
)ملاحظة:خو ميرال اسمو عبدو و خو شيراز اسمو عبدو يعني كاين 2 عبدوات)
فطيمة:عندو شغل قالك كي نكملو يجي يتفاهم مع عزرينك كان حاب يجي يشنقك انا منعتو قتلو مزال لحال خليها تبرا من الاصابات دياولها و عاود زيد ديرلها وحدخرين   غير وجدي روحك منا و رايح فأي لحظة قادرا تموتي
.الماكلة حصلتلي محبتش تهبط حصلت  من كثرة الاكشن لي فهدرة ماما
ركبنا فطنوبيل  و انا مزالي تحت تأثير الصدمة عمو عبد القادر راكب  معايا من لقدام قالك يروح يشوف بنتو طاح عليهم لاموغ و عقيلة و رشيد ملور مع القفة لي معمرا بايط شكون راح يكلهم كامل منعرف
بعد نص ساعة وصلنا لسبيطار حطيتهم
_____________
ميرال:استناو هنا مع القفة نروح نحط طونوبيل فالباركينغ و نجي بلاكو تزغدو دقيقة و نولي
عقيلة:وعلاش حتى نستناوك  نعرفو طريق
ميرال:نخاف ميخلوكمش دخلو القفة امالا استناوني
عقيلة:ايه روحي روحي رانا نعرفو صلاحنا
راحت ميرال تحط طونوبيلتها  و خلات القافية تستنا قدام لباب يتبعو لي خارج و لي داخل بعينيهم
عقيلة:بفف طولت امش ندخلو
رشيدة:صح ايا ديجا راهي و 2 دقايق هي قالتلنا دقيقة و نولي
عبد القادر:ايا ندخلو
دخلو يطابعو بالقفف هذوك حبسهم وحد رجل الامن
الامن(بالتركية): وين بها ممنوع القفات داخل سبيطار حتى تكون عندكم رخسة الدخول و لا اعفاء من عند مدير
عقيلة:هذا واش راه يهدر
رشيدة: و الله منعرف  البارح سلكونا شيراز و ميرال و يسرى هدرو بهذي اللغة مي رانا وحدنا حنا منعرفوش هذي اللغة )
عبد القادر:لوكان خير ستنينا ميرال
عقيلة:روحو تزمرو درك نتفاهم معاه انا بعدو لهيك تشو اششش اششش
الامن:وين مدام ني نهدر معاك
عقيلة:A B C  احمد مونج تفاحة
سيد قعد حل فمو
رشيدة:واش راكي ديري
عقيلة:ني نهدر معاه باللغة ديالو
عبد القادر:ني عرفت وشمن اللغة راهو يهدر غيير بعدي راهو يهدر بالتركية علا حساب معلوماتي
رشيدة:و تعرف التركية
عقيلة: و انت وين تعرف
عبد القادر (بالافتخار 😂دار عفسة عظيمة):كنت نشوف مسلسلات تراكا في باطل وقيل
عقيلة(حشمت و دارت لرشيدة):شوفي راجلي يهدر تركية و نا لا خبر كل 5 سنين نكتشف موهبة جديد ايا فريهالنا
عبد القادر:بعدو شوية بعدو لهيك
الامن:مزالكم هنا متفهموش ممنوع لقفف
عقيلة:اهدرلو بالتركية
عبد القاد ر:لمييس تعي لهون
عقيلة:واشنو هذا
عبد القادر:هذي التركية
وصلت ميرال فهذيك لحظة قريب مانتحرت
بعد لحظات فهم هذا الرجل  بلي راهم معاها
طلعو لقاو ريان راقد  قعدو قدامو حتى فطن وكلوه و خلاو رشيدة معاه و راحو لبيت ريبل
........
فهد فتح عينو لقا يدو متشبكة مع يدها خزر فوجها لقاها مزالها فتأثير الغيبوبة  قعد يتأمل فيها حتى يسمع لباب تكسر نحى يدو بزربة و دار لقا عقيلة و عبد القادر  زادمين بوحد القفة
حطولو ياكل ديك الماكلة طاح فيها عمااا
تسريع الاحداث:
جاز شهر على الحادثة ريبل مزالها فغيبوبة اما فهد راهو يكرس وقتو كامل معاها فنهار يخدم و فليل يجي يقعد معاها  اما ريان خرج من سبيطار و تحسنت حالتو و لا لخدمتو و طونوبيلتو لي دار بيها الاكسيدون ولات لحالتها الطبيعية و رشيدة و كمال  و عبدو هبطو لدزاير اما عقيلة و العلجة و فطيمة و عبد القادر و الاطفال قعدو لتما يكمل اللحظات و يسرى قعدت لتم على جال الخدمة ديالها لجديدة اما ميرال و عمر تحسنت علاقتهم للخر مي مزالهم كي القط و الفار اما من الجانب المشرق  ولاو يظلو كيف كيف ميقدروش يتبعدو على بعضياتهم وخا عمر وقف مع ميرال طيلة هذا الشهر و  عاونها فتحقيق مع شيراز على هوية السيد لي دارو معاه اكسيدو
اما وحد الشيراز  قتلت روحها بالخدمة خدمة و تروح لريبل طل عليها و تبكي و تولي لدار روتين والفت عليه هذا كامل من ايادو هذا الاخير  لي طيلة الشهر و هو مغيب مبانش و ماسقساش و محوسش كامل عليها هي
تظل مشغولة تحقق فهوية نتاع الشخص لي دارو معاه اكسيدون ميعرفو عليه والو ني جثتو ني اسمو ني ريحتو ني دواه  كيشغول بلعاتو لرض مبانلو حتا اثر سمعو غير البوليسي قالهم بلي ريان مشافش مليح كي كان يسوق خبط طونوبيل فشجرة  و مكان كاين حتا واحد دار معاهم اكسيدو كي لحقهم لخبر لقاو غير طنوبيل ريان داخلة فشجرة مي ريان راهو متأكد بلي زدم فيهم واحد ...  خلاهم فحيرة ......
يتبع...........