الاخوات الثلاث 💋

part 47

ميرال:ريبل
شيراز:وينها ربيل
ناصر:علاش
يسرى:واقيل مزالها فتولات
ميرال: انتبهو ليا كامل كامل كيما راكم
منستحق حتى واحد يجبد واش صرا درك قدام ريبل تعيشو
ناصر:علاش واش علاقة ريبل
شيراز:(نغزت ميرال): يا البقرة راح تكشفيها بلعي بلعي واش راح تقوليلهم تحبو و لا واش
ميرال(نتابهت لغبائها):نو بيسك .... بيسك (خزرت فشيراز)
شيراز:بيسك لميس و ريبل علاقتهم ماشي مليحة و ريبل تتقلق كي تسمع بلي لميس راح تولي تخدم طول فهذيك الشركة
ميرال:وي وي صح
عمر(قاعد يخزر فميرال بشك فاقلها بلي تكذب )
ناصر:اوكي صح عندك الحق
______
ريبل قاعدة  مقابلة باب الاوتيل لي فيه الحفلة و غايسة و هدرت هذاك خالد و لقطة فهد و لميس تمر كشريط الدائري قدامها يتعاود و يتعاود
اما ريان تبعها و قعد قدامها هو تان يستنا فيها كاش مدير كاش ردة فعل
وي سمع و شاف ريان عرف بالاعجاب ريبل بفهد مفهمش مدام يعجبها علاش ضاربت معاه و و بدلت خدمة و من بعد كلي ماصرا والوو هذا كامل الحب و مايدر مام لاحظ نظرات الاهتمام لي يقدمها فهد للريبل  كي كانت فصبيطار بصح مقدرش يفسرهم يا إما نظرات الاهتمام و الشفقة و لا نظرات اعجاب و حب
قعدو شحال حتى سمعها ردت نفس قوي يحمل كل معاني الالم و وقفت و وفق معاها و اتاجهت للاوتيل
اما فهد لي قعد يحوس على ريبل خاف لا تشوفو واش شافت و لا سمعات ما قدرش يبعد كل ما يحاول يتفك من كاش صحفي يخرجلو صحفي وحداخر هجمو عليه

ميرال: واش جيتي
شيراز(تخزر فيها) :علاه طولتي
ريبل:دخت بيسك مرقدتش هذي الفترة لخرة
شيراز و ميرال ردو نفس و تأكدو بلي راها ما سمعت والو
ريبل:يا لا نروحو لدار
ريان:يلاه نوجد طونوبيل و نجي نلقاكم واجدين
لبنات:اوكي
بعد ما قدر يسلك فهد من الصحافة راح يجري لطابلة ديالهم لقى غير اياد و ناصر و عمر
فهد:وينهم لبنات
ناصر:هذا وين راحو
فهد:وين و ريبل
عمر :راحو لدار
فهد قلع يجري باش يلحق بيهم مع لخر لقاهم راحو
عمر:هذيك هيا املا انا نروح
اياد:انا تان يعطيكم صحا خو تشرفنا مرة وحدوخرا
عمر:بلباركة عليكم و تشرفت بيكم
ناصر:الله يسلمكم خاوتي ربي يخليكم متغبنوناش مرة على مرة نتلقاو ان شاء الله
بعد ما راحو عمر و اياد و بدا الاوتيل يفرغ من الناس و الحضور قعد غير ناصر و فهد لي شاد راصو بين يديه و لميس لي خايفة من فهد و من ردة فعلو لي مزال مابنتش
خالد(جاي ميت بلفرحة): مبروك عليكم
ناصر:مبروك عليك العاشير
فهد تعصب للحظة  لقا طابلة قدامو لي محوطة في امان الله رفدها خبطها مع الحيط بيد وحدا
فهد: واش بنتلك انا (موجه كلامو لخالد)
خالد:كفاش
فهد:بنتلك حمار و لا بنتلك مكلخ و لا بنتلك نخلة واش هذا القرار لي تاتخذو و بأي حق تتاخذ قرار كيما هذا يخص حياتي و زيد بلا ماتشاورني
خالد:وليدي فهد هذا القرار تاخذو باباك الله يرحمو
فهد(طار لخالد) و حكمو ناصر شدو : حبس ما تقود عليا بنتلك نرضع فصبعي و لا واش واش تكون نتا بنسبة ليا واش تكون باش تدخل فحياتي و تقرر
خالد:وليدي اسمعني
فهد:اخر مرة نزيد نشوف وجهك و وجه بنتك هنا فشركة اخر مرة و ناصر عيط للمحامي راح نلغيو الشراكة
ناصر :كيفاش
خالد:كيفاش
لميس: (بدات تطلق فدموع التماسيح)هذا كامل على جالها هي انا راه نحبك كثر منها هي متقيمكش
ناصر صمت
فهد:بلعي فمك و تقودي من قدامي لميس متخلينيش كاش مندير فيك
لميس :طاحت لرض انا نحبك كثر منها هي مراهش سامعة بيك اصلا تعرف واش قاتلي داك نهار قاتلي منحبوش و نكرهو و معلباليش كامل بيه و انا و انا  هذا كامل هيا علاش هيا بضبط
فهد(تقلق):لخاطرش هيا هياا وحدها مكاش كيفها هي ايه و ماشي نتيا و لا وحدوخرا
ناصر:شكون هذي
فهد صمت و عينيه حمورة
ناصر:علامن راكم تهدرو جاوبوني
لميس:تفضل جاوبو قولو بلي علجال لالة ريبل
ناصر(تصدم): كيفاش ر...يبل ميمكنش
فهد:ايه ريبل ايه حياتي مع ريبل و ماشي مع مع اي وحدا صفا و يا ويلكم نلقى واحد تقرب منها(خزر فناصر )و لا كاش ما قلها درك يلاه تقودو كامل من قدامي كامل كيما راكم منشوفش وجهكم