الاخوات الثلاث 💋

part 44

قاعدين بين 3 فكراسي الانتظار في المطار ميرال و شيراز و عمر
شيراز: اووف شحال نقعدو نستناو رانا من 8h نتاع صبح
ميرال:قالولي نوصلو على 12h
شيراز:كييفاش على 12h و نتي تنوضي فجدي من 8h نتاع صباح و تقوليلي راح عليا الحال نو منسمحلكش ليوم الدين
ميرال:اه لوكان قتلك بلي يوصلو على 12h كنتي راح تنوضي زعما
شيراز:بدون تعليق منجاوبكش
سكتو وحد لمدة و ينطق عمر
عمر:و ضيف ديالك هذا عندو دراري
ميرال:وي عندو طفل صغير عمرو 3 سنين
عمر:متقلقيش روحك راح نخرجو كامل واش عندنا باش نعالجوه 
ميرال:ان شاء الله
شيراز:اا معيطناش للريبل ليوم تكلنا
ميرال:عيطيلها عيطيلها
_______
○○○تيليفون ريبل
ريبل:انعم
شيراز:واش العشير كي راك اخويا
ريبل:وجهكم صحيح تبريتو مني نورمال صحا قلنا راكم رايحين تجيبو عماد و فلة بصح ماشي متعيطوش و متسقسوش عليا
شيراز:اوكي اوكي كنت راح نجوز ليك كي كنا فسبيطار
ميرال:تففو علاش قلتيلها ليوم تذبحنا
ريبل:جزتوو وين وين كنتو هنا فسبيطار
شيراز:يعني شوفي رورو و الله انا تان تحشتلي نوضتني على 8h جينا مزروبين سنيات على وحد الورقة و رحنا بيسك راهم قريب يوصلووو الوو الووو الووو
ميرال:كوبات
شيراز:اييه
ميرال:تفو تفووو تفوو درك واش نديرو راكي حصلتيناا
شيراز:اووف
_________
ناصر:واش بيك هههههههه
ريبل:اه اه جاو لسبيطار و مجازوش عليا هذي هيا الصحبة هاو وجهي هاو منسمحلكمش تخلصوها غالية
ناصر:ههههههههههههههه
ريبل:تضحك
ناصر:نتي تان واش كانو مزروبين نتي تان لوكان كانو فعقلهم لوكان جازو ليك
ريبل:هيا يعني صح مي ماشي لهذي الدرجة
ناصر:ههههههههههه
ريبل:استغفر الله
ناصر:ايا راهم خلاصو 15 دقيقة رانا جبنا قريب نص ساعة خلاص وقتك
ريبل:اوفف سامط كنا لاباس بينا 
ناصر:امشي امشي نطلعك عندي خدمة
ريبل:اووف اوكي
__________________
من جهة وحدوخرا و في افخم فنادق واقف بكامل اناقتو مقابل نافذة زجاجية لي طل على شوارع لندن و ثلوج ديالها ملوي عليه الفوطة لي توضح انو غير كيما خرج من دوش مخلي الجزء العلوي معري و عضلاتو البارزة و لوشم لي فكتافو  يد شاد بيها كاس فيه القهوة و يد شاد بيها التيليفون
اياد:لازم نتلاقاو فاقرب وقت  راني هنا فلندن.... كذبت على دار لاني مظطر و لازم نتلقاو باش نفري هذا المشكل خاصة السوسة نتاع حميد هذاك راه بدا يدنا لعفايس كبار عليه و بدا يقلق فيا....  اوكي نتلقاو كيما العادة
قطع الاتصال لي كان لي غاية الاهمية بالنسبة ليه  و كمل شرب القهوة ديالو
__________________
بعد عدة ساعات من الانتظار لحقت 12h و لحقت معاها طيارة لي فيها عماد و فلة وقفو بين 3 يستناو في ضيوفهم ميرال لي كانت خايفة و مقلقة من جهة و لا عمر لي متشوق يعرف عماد لي دا قلب ميرال من جهة و لا شيراز لي ولا علبالها تاكل فشيبس من جهة و تستنا
شوية و تبان فلة جاية هي و عماد و وليدهم صغير
لي لفت الانتباه كثر عماد لي كان قاعد فالكرسي المتحرك و علامات المرض و التعب و قلة النوم البادية في وجهو هنا لي يأكد انو المرض طغى  عليه بلمرة ميرال حست قلبها بدا يتزير
روشتلهم شيراز من لبعيد كانو كل ما يتقدمو قلب ميرال يتزير معاهم اما شيراز حست بوحد لحاجة توجع في قلبها بعد ماشافت عماد فذيك الحالة
ميرال