الاخوات الثلاث 💋

part 15

رحنا فالطونوبيل سكات و هدوء 
شيراز: ريان يا خو حبسني فهذيك القهوة لي فعنوان *****
ريان:مكاش مشكل ختيتو
وصل ريان شيراز للمكان المطلوب و زاد وصل ميرال خرجت ريبل معاها عنقتها و دارتلها باي و هي تلمح وحد لبقلاوة حبس طونوبيل ديالو و توجه ديريكت لميرال وخزر فينا و كمل معاها لداخل
و كملت انا و ريان لشركة
شيرازpov:بعد موصلوني دخلت لهذيك قهوة ورتبت هندامي و دخلت متألقة و انا نحل فمي فبقلاوة نتاع اياد هذاك هو و الله غير هو كان واقف بهيئته المهيبة ريحتو دايرة حالة كان متكي على الكرسي و مكسونطري مع تيليفونو و داير نواظرو نتبه ليا وقف و نحا نواظرو و سلم عليا باليد ايي حسيت بتريسيتي ضربتني
اياد:تفضلي مادموزال
شيراز: وي مسيو اياد ميغسي
اياد:بلا مزيا و مدابيك ما تعيطيليش مسيو اياد .اياد تكفي وحدها اوكي
شيراز:(اييي😍هذا طاح فيا باين بلي نتا ديالي و وحدي)احم احم و لو ههه اياد
اياد:هههه هاكذا نبغيك عيطيلي اياد و اعتابريني خوك لكبير
شيراز: خ..خ.خخخ.خخخ.واش😨اه اه اوكي (ختك يا وحد رخيس)
اياد :مادموزال شيراز
شيراز : و انا تان مكلاه لرسميات  قولي شيراز و اعتبرني كي مرتك
اياد:كيفاه ؟؟
شيراز:قصدي كي ختتك(هذي كلمة بذات عزرت عليها ياخاه بسيف باش خرجت 😂😂)
كان راح ينطق حتى جا نادل ياخذ طلبات
اياد: جيبلي قهوة و شوف لمدام
شيراز:تعيش جيبلي كوكتال
راح نادل بعدما خذا الطلبات
اياد:ايه ايا نبداو
شيراز: ايا
بدا يجبد و يهدرلي على القضية اساسية و نا نحل فمي ....
ميرالpov:
بعد ما وصلوني كنت داخلا بعد ما سلمت على ريبل لقيت هذاك لخرا واقف قدامي خزر فيا  زاد دار شاف فريبل لي ركبت فطونوبيل
عمر:واش شكون هاذو
ميرال:بفف واش داخلك حبيت نفهم واش دخلك
ركبنا فالاسانسوغ لزوج و هو قعد يشوف فيا و بدا يتقرب مني
ميرال:وا..ش ... حادير
تقرب مني لدقيقة كان حسباتلي راح يبوسني غمضت عينيا حتي نلقاه عاود جبد روحو
عمر:مكالاه تحسابي روحك سيلينا غومرز  ضغطت غير على زر باش نطلعو ياخي تخمام خامج
ميرال:لخماج بذات هو نتا متحشمش تقرب على مرا بوحدها و فالاسانسوغ تان لوكان شافك كاش واحد يفهمها العكس
عمر:معاندك ما ينشاف
كنت راح نرد عليه حتي تفتح اسانسوغ خرج و خلاني خبطت باب نتاع اسانسوغ حتى وجعتني رجلي  و رحت للبيرو ديالي رميت ساك و لافاست و لبست طابليتي و رحت للمرضى و هميت فخدمتي ....
ريبلpov:بعد ما وصلنا الثنائي المجنون كل وحدا لخدمتها ركبت مع ريان مسكين لي ماراحش على جالى للخدمة حكيتلو فالطريق على جاد و سكرتيرا و غير وصلنا  حطيت رجلي فالشركة و انا نتراجع
ريان:ما تخافيش ني معاك ثيقي فيا
ريبل:اوميتلو و. شكرا بزاف خويا ريان و سمحلي على جالي ضيعت نهارك
ريان:حبسي الفلسفة ديالك يرحم باباك و مشي ندخلو
ضحكتلو و دخلنا و كامل قاعدين يخنزرو فينا و يتهامسو فيما بيناتهم تمشينا انا و ريان بكل ثقة كلي شركة نتاع بابانا 😂
وصلت ملقيتش هذيك لمصفارة لقيت وحدوخرا
ريان هدر معاها و طلب انو حب يتلاقا مع المدير جاد و هي بدورها قاعدة غير تخزر فيه و تعوج فهدرتها و تضحك معاه مع ريان بقلاوة تان طفلة طاحت اما ريان معطالهاش gاع اهتمام
طبطب ريان سمعنا رد جاد و دخلت وحدي اما ريان قعد يستنا فيا قدام باب الشركة و ناخذ راحتي و وصاني قبل منستسلمش قبل ما يروح
دخلت لقيت ريحتو دايرة حالة باينة غالية
مشافنيش كامل معمبلوش بلي انا
ريبل:مسيو جاد جيت نقدم استقالتي
غير سمع صوتي رفد راصو يجري و وقف فالبيرو حسيتو حاب يقول عفسة  مي انا سبقتو و حطيتلو استقالة على الطابلة
جاد:ريبل شوفي استقالتك مستحيل نقبلها و عمبالي بلي غلطت معاك تعيشي انعلي بليس و ولي لخدمتك
ريبل:هاذي مخممتش علاش مخممتش فيه قبل ماتضلمني
جاد:و الله مكان عمبالي بلي لحكاية هكذاو الله تعيشي اسمعي ليا و شدني مكتافي
ريبل: بديت نعيط كيفاش حبيتني نسكت و نولي للخدمة تهين كرامتي و تتهمني و بلا ماتسمعلي كيفاش حبيتني نسمعلك  نا خلاص خديت القرار و ما دابيك تتقبلو و راح نحوس على خدمة اخرى
خرجت من بيرو و خبطتو
جاد محبش يتقبل استقالتي محبش يضيع الدجاجة لي تحطلو ذهب هي سبب نجاح تصاميم فنانة و مصدر موثوق منو محبش يضيعها من يدو ندم بزاف و خرج موراها
خرج مورايا و انا قدام باب الشركة خارجة حتى جبدني من ذراعي وحتى خبطت في صدرو و قعد يشوف فيا
جاد:شوفي ريبل عمبالك بلي نتي اشهر مصممة فادزاير على هذيك جبتك معايا
نترت منو يدي و خزرت فيه من لفوق للتحت و رحت عند ريان لي كي شافني عنقني و خزرو فبعضهم لبعض جاد و ريان و...
ميرالpov: بعدما شفت الناس لي مريضة عيطولي لعملية طارئة و هي عملية زرع القلب
رحت لبست حوايجي زروقة و درت كمامة على فمي و عقمت يديا حتي يبانلي عمر تان جاي يعقم يديه درت انا لريتاج
ميرال:علاش راح يكون معانا ؟؟
ريتاج:وي هو فكل عملية يحب يجي يعاون
ميرال:امم بفف هذا لي خص
دخلنا للعملية هذيك لي ستغرقت 5 سوايع و لحمار نتاع عمر هو تكلف بكلش قاعد غير يقولي ميرال مقص . موش . قطن..... اخ جابني من دزاير لتركيا على جال جيبيلي موووس و لكن
و فالاخير هداه ربي خلاني انا نخيط الجرح اوهه خيطة الجرح هي اللحظات الحماسية لي دايمن نحبهم  قعدت فالكرسي و جبدت ابرة و خيط معقمين و بسم الله راح نبدا حتى نلقا عمر مدخل راسو فالخياطة و يشوف
ميرال:واش راك دير طير منا خليني نخدم شغلي
عمر : و انا واش دخلني كي تشوفيني نقلق فيك  كملي خدمتك
ميرال:واش راح تبقي تخزر فيا و متبعني
عمر :ايه عندك بروبلام ندير واش نحب ني حر فالكلينيك ديالي
ميرال: روح ربي يهديك راك حبني نقتل المخلوقة
عمر:متعرفيش تخيطي ؟؟
ميرال:نو اصلا الخياطة من اختصاصي برك راك تشتتلي انتباهي
عمر : دار ابتسامة مفتفزة ... ممممم قوليلي بلي  انا نلفت انتباهك و نشتتهولك كي خايفة بسبابي تقتلي مندوبة هههههه
ميرال:واش راك تخرط نندب عليك ياخي هتروس ياخي
عمر خرج يضحك و خلاها تغلي و هي كملت لخايطة بسيف . هي دايمن تستنى لخياطة بفارغ الصبر متعة بالنسبة ليها و هواية مي عمر ليوم صح شتتلها انتباها 😂
شيرازpov:
شيراز:مكاش منها هذا صافيك القضية لي بعتهالي غالطة ماشي صحيحة
اياد:وي جبتك لهنا بكل سرية باش ميتحلبلي حتى واحد و حبيتك تسمعي لحكاية مني على المباشر بيسك لوكان بعثتلك الملف كانو قادرين يزوروه على هذيك جبتك لتركيا
شيراز:ايه و الحكاية وقتاش ناوي تحكيهالي ان شاء الله؟؟؟
اياد:تعيشي اوقفي معايا و نوعدك بلي نحكيلك و مننسى حتى عفسة
شيراز بعد ما دورتها في عقلها سيد زل و سكر و وليد وزير و زيد راهي فترك تعاوني معاه و صافي و جاوباتو:اوكي يلاه احكي
اياد :لحكاية بدات من نهاررررر..............
يتبع...... _________________________________
ستووووووب خلاص لبارت لخاوة
تعيشو عونوني شوية بلي كومونتار و لي مقدرتش بكومنتار تعاون بجام stttpp
باش نحط البارت 16 و شكرا