الاخوات الثلاث 💋

part 37

فهد كيما كل مرة جيايب بوكي ورد فالون الاحمر القاتم قاعد قدامها و يهدر معاها و شادلها يدها و حاط راصو عليها
للحظة حس بصبع ريبل يتحرك مع لول حسباتلو راح يتخيل و اشتياقو ليها راه يخليه يروح للبعيد
بصح هذي المرة حركت يدها و زيرت على يدو الشى لي خلاه يفيق من التخيلات ديالو
فهد رفد راصو
فهد:ريبل ريبل
دخلت عقيلة تجري كانت جايبة قهوة ليها و لفهد بعد ما شافت بنتها بدات تفتح عينيها نسات  كامل بلي كانت شادة القهوة
عقيلة:نعيط لميرال
راحت تجري فالكولوار زدمت فريتاج
ريتاج (هي بنت من اصول سورية يعني تهدر العربية طبعا فالمستشفى التركي هو مستشفى عالمي فيه اشهر الاطباء من مختلف دول  ):خالتي وشبيك غير الخير
عقيلة :بنتي .... ريبل فتحت عينها (تضحك و دموع الفرحة بعينيها)
ريتاج:هههه صح روحي اقعدي معاها نعيط للدكتور عمر و نجي
عمر خارج من غرفة العمليات هو و ميرال بقميص الاخضر هذاك كانو فعملية صعيبة يمشو و يهدرو حتى تبانلهم ريتاج تجري و تعيط
ميرال:ريتاج واش بيك علاش راكي تجري كي لمهابل
ريتاج:اجري ريبل صحبتك ناضت
ميرال:(بدات تبكي من الفرحة)ههه ريبل
و قلعت تجري
عمر:ههههه الحمد الله لي خرجت على خير و فطنت ريتاج عيطي لطبيب مراد المشرف على حالت ريبل
ريتاج:هي اللولة دكتور
........................
زدمت ميرال تعنق و تبوس حتى قريب ما خنقتها عياو ما يجبدو فيها
فهد:بعدي منها راح تقتليها
جا طبيب مراد عالجها و شاف حالتها 
طبيب مراد(بالتركية):الحمد الله راهي تحسنت شوية هذا بفضل دعواتكم ليها خلوها ترتاح مزال ما براتش بلبيان و درك نوصيلها الدوا لي لازم تبعو بإنتظام و مكلاه تعبوها راهي غير درك وين ناضت من الغيبوبة خلوها تستوعب
ميرال:يعطيك صحا مراد الله يحفظك خويا
عقيلة:واش قال مفهمت وااالو فهمت غير الحمد الله
ميرال:هه قالك راهي حالتها مليحة و لازم تستراح و درك يعطيلها الدوا و لازم تاكلو اتت نعيط لشيراز
○○○
شيراز:الوووو
ميرال:بلا متخلصيلي لي زينيتي ريبل ناضت
شيراز :اهه ريبل ناضت  اه ريبل الووو الوو ميرال
ميرال:○○○
ريبلpov:
بديت نحل فعينيا ضربني الضو غمضت عينيا و بديت نحلهم بشوية حتى يبانلي فهد مخلوع و شاد يدي ستغربت اوو هذا واش جابو ليا و وين راني و واش راني ندير فالفراش اععع هذو حوايج نتاع سبيطار حتى تبانلي نبع الحنان تعيط و تبكي  وطيحت القهوة و قلعت تجري
قعت نشوف فهد و هو تان قعدنا نتواصلو بالعينين  حسيتو حاب يهدر بزاف عفايس مي مقدرش
شوية و انا نشوف ميرال سوطات فوقي قريب قتلتني و تبوس و تعنق و انا قاعدة كي الاطرش فالزفة ما ني فاهما والو جا الطبيب قاعد يشوف فيا و يعالج فياا  خرج و خلاهم يشوفو فياا و يبكيوو  الهدرة مقدرتش نهدرها من الصدمة
اووو وشبيهم ههههه حتى نحس بالباب تكسر من بلاصتو و تدخل وحد الشعشبونة دموع و شعرها واقف لدقيقة شبهتها لشرشبيل نتاع سنافر
..............
شيراز:اععععع ايييئي واعععععع ريبلللللللل اععع
ريبل(جمعت قوتي و هدرت):وين راني و واش صرا و واش بيني و شحال و انا ني هنا
نطقو كامل ضربة وحدا
عقيلة :شهرر
شيراز:دخلتلك زجاجة
ميرال:كي فكلينيك لي ني خدامة فيه
عقيلة:شهرر قريب داخلة فشهرين
شيراز:متنااا كامل فجأة
ميرال:و عاودنا حييينا
عقيلة:جيت ليك من دزاير مباشرة
شيراز:ياودي حتى الدرك قضية مزال مفهمناهاش
ميرال:ياو قريب متنا دخلنا فطنوبيل وقيل
عقيلة:يا الكلبة هربتيي
ريبل:اعععععععععععععععععععععععع اسكتوووووو اهدروو بلوحدة ديجا واحد فيكم ينطق فهد شد الضحكة
شيراز:انا انا انا
ريبل:انطقي
بدات هذيك المخلوقة تهدر و تحكي و تبكي  مفهمت والوو
بعد ساعات من الشرح فهموني بلي دخلنا فطونوبيل واقيل و انا دخلتلي زجاجة و دخلت فغيبوبة
يتبع....