الاخوات الثلاث 💋

part 41

ما بين متعة البدايات و بؤس النهايات
حظ عاثر يكتفي بالمشاهدة .....
_____________

عقيلة:واش نظتي
ريبل:و عليكم السلام
فاطيمة:واش راكي ريحتي شوية
العلجة: جبنالك وحد لمحاجب تاكلي يديك معاهم يييي
ريبل:اه ربي و الله سأخبر الله بكل شئ لواحد وحدو مكاش كيفاش يريح الاز
عقيلة:أويييي سيدتي مكانش عمبالي .
ريبل:ايه ا امي
عقيلة:يا الكلبة ايه ربحت مال كي تخرجي و تبراي فكري الاطباء لي هنا و قوليلهم بلي سمانة راح نعاود نولي ليكم بيسك يما راح تبعثني للانعاش .
ناصر:باباباباب ا ماهذا التهديد طاطا كنت ناوي نعذبها بلخدمة بزاف صوالح خلاتهم و راهي تتكسل فيها
ريبل:تحماميتوو فيا
شوية و يدخل عبد القادر بابات ريبل
ريبل:بابا بابا راهم يحقرو فياا
عبد القادر:متحقروش بنتي مسكينة
نقطة مهمة:
الامهات العزيزات مقالوش لرجالهم بلي بناتنا هربو فنصاص الليالي قالولهم جاتهم خدمة على غفلة و راحو كانو مزروبين على الوداع .
نولو...
___________
شيرازpov:
بعد ما وصلني الطاكسي لنص طريق بحكم انو ممنوع مرور العوام منا ماشي لي جا يدخل و يجوز .
خلاني كملت على رجلياا يا ربي درك كيفاش ندير لوكان ما يخلونيش ندخل
طريق كمبلي و انا نطلع فحسباتي و نخمم حتى بدات بوابة القصر ديالهم تبانلي و قفت قدام لبوابة
الحارس:رجعي مين وليتي
شيراز:معاك المحامية شيراز الفلانة
الحارس:اه اوكي تفضلي مدام
مزيا المهنة ديالي لها فائدة في المجتمع .قعدت نمشي فطريق طويلة محصورة بالاشجار الخطرة اللولة لي جيت فيها هنا مجبتش خبر للقصر بيسك كنت فطونوبيل اما درك راه كلش قدامي  ني نشوفو بالتفصيل
وصلت دقدقت حلتلي الخدامة الباب
الخدامة:انعم مدام واش تستحقي
شيراز:معاكم المحامية شيراز .... مسيو اياد هنا
الخدامة:لا مدام مسيو اياد مكاشو اتفضلي للصالون دورك نعيط للمدام زينب
دخلت لداك صالون ديكور ديالو مبدل على اخر مرة جيت ليها بدلوه ريحت فلفوتاي شوية و تدخل مدام زينب لي هيا يمات اياد
كانت لابسة جيب نواغ طويل مع تريكو نتاع صوف ازرق كيما عينيها
زينب:اهلاا مرحبا بيك بنتي مرحبا بيك
شيراز:ترحب بيك الجنة اطاطا
زينب:ريحي ريحي رتاحي
شيراز:يعطيك الصحة كي راكي صحتك لاباس صفا
زينب:و الله غير يسقسي عليك الخير ابنتي  صفا و نتي
شيراز:الحمد الله يا ربي
زينب:كاش جديد على القضية
شيراز:مزال ما بان والو مي لقيت وحد النقطة تقدر تساعدنا عيطت للاياد باش نقلو تيليفونو مغلوق لهذيك قررت انو نجي
زينب: اهاه مقلكش
شيراز: واش مقاليش ؟
زينب:اياد وليدي عندو شحال و هو مسافر خارج لبلاد مع ريماس
شيراز:شكون ريماس ؟
زينب:ريماس حبيبتو
حسيت جاني كف من حيث لا ادري راهي تحرش و لا واش اياد حياتو كامل و هو اعزب
زينب:عندو شحال مقضاش معاها وقت على جال الخدمة كانت شاغلاتو علا هذيك دا اجازة و راح هو وياها للندن ثلوج و امطار لندن ماشي كيما هنا ههه حبو يبدلو جو
مانيش نسمع فهدرتهاا كامل كيفاش اياد راح مع حبيبتو اوو ماشي سيد اعزب هو مستمتع و انا هنا نخمم فالقضية ديالو . رفدت قشي و خرجت
زينب: لعقوبة للخطبة ان شاء الله .. بنتي شيراز وين راكي رايحة ريحي شوية
شيراز:هه لا لا طاطا يعطيك صحاا اا كي يولي قوليلو يعيطلي
زينب:استناي بنتي نقول لشيفور يديك
شيراز:نن طاطا يعطيك صحا
بلا ما نستنا الجواب ديالها خرجت من التم نجري لازم نبعد على دار هذي لازم بلا مانفيق خبطت فإلهام (اخت اياد) بلا ما نحس
إلهام:شيراز بب راكي مليحة
شيراز:هه وي الحمد الله اسمحيليي ني مشغولة
قلعت نجري بلا منخزر مورايا خليت الهام لي كانت حايرة فيا
مشيت هذيك طريق طويلة محسيتلهااش كيما مقبيل تالمو كنت غايسة نخمم خرجت من قصر هذاك  لنص طريق باش نحبس طاكسي ركبت
مول الطاكسي:وين امدام
بلا منحس : عند إياد
مول الطاكسي: منعرفش اياد بصح نعرف نجيب
شيراز(ستوعبدت واش قلت و واش ريبوندا):شكون نجيب
مول الطاكسي :انا امدام (دار ابتسامة بلهاء حتى بانو سنانو الطايحين )
شيراز:(فتحت عينيها باقصى جهد):تفو لحمار يا لي متحشمش يا طحان متحشمش منركبش معاك
هبطت من طنوبيل
تفو حمار حيوان . حتى بانتلي طاكسي جاية من لبعيد :ااا  طاكسيي ستوب ستوب 👍
مول الطاكسي :فين امدام
شيراز:اه اديني ل *****
مول طاكسي:اوكي
عند ميرال:
كنت فوحد العملية لي ضربت معاها 4 سوايع  بعد مكملتها و بيان سيغ نجحت توجهت للبيرو ديالي نسنيي على بعض الاوراق
حتى جاني اتصال هاتفي هذا راه رقم جزائري
انا:الوو
....:معايا مدام ميرال****؟؟؟
انا:انعم شكون نتي ؟؟؟
......:هذي انا فلة
ميرال:ااا فلة كي راكي مليحة ؟
فلة:صفا الحمد الله و نتي
ميرال:و الله غير  صفا و عماد صفا؟
فلة: الصمت
ميرال:الو فلة راكي تسمعي فيا
فلة:ايه ايه ني نسمع فيك
ميرال:كاشما صرااا لعماد واش بيه واش صرااا
فلة:حالتو تدهرت بزاف عيطتلك نسقسيك وعدتيني انك تلقاي حل للمرض ديالو واش صرا
ميرال:فلة هذا الموضوع لازم نحكيو فيه فاس افافس ماشي نتاع تيليفون
فلة:اوكي فهمتك غدوااا نكون فتركيا
ميرال:اوكي بيناتنا تيليفون
كبيت عليها حسييت قلبي تزيرر  مقدرتش منطيح دموعي
عمر:حب الطفولة
درت مورايا صبت عمر معرفتش وين خرج هذا منيش حاباتو يشوف دموعي حاولت نمسحهم بيديا حكملي يدي و مسحلي دموعي بيديه
عمر:هذا عماد هو حب الطفولة ديالك و هو نفسو لمريض بالسرطان 
ميرال:كنت تتصنت عليااا
عمر:لا كنت جاي ليك و سمعت حديثك بالصدفة
ميرال:بصح انا مذكرتش و مقلتش بلي هذا عماد حب الطفولة
عمر:بلا متقوليها عينيك هما لي يشرحو كلش ميرال هذا الاحساس جاز عليا على هذيك نعرف وقتاش الانسان يحزن و يتزير قلبو  على العبد لي يحبو
ميرال:حب المراهقة
عمر: انعم
ميرال:حب المراهقة ماشي طفولة . ديجا وين جربت الاحساس هذا من قبل سوغ مرا
عمر(منحاش عينيه من عينيها):وي مراا
ميرال:سوغ حبيبتك و لا خطيبتك و لا حب طفولة ديالك
عمر:حبيبتي
كي قال حبيبتي انا حسيت قلبي زاد تزيرر و وجعني محسيتش حتى شدني من يدي و قعد فالكورسي و حطني فوق حجروو مت بالحشمة و زيد زعاف جيت راح نوض زير عليا مقدرتش نحرك
عمر:ريحي مراحش ناكلك
ميرال: نو محبيتش  نريح فبلاصت حبيبتك برك (دورت وجهي)
شفت عمر طلع حاجب و خزر فيا بإستغراب
عمر:هههههه
ميرال:علاش راك تضحك
عمر:غرتي عليااا
ميرال:مغرتش
عمر(جبدني من نيفي):احح على الغيارة ديالي
ميرال:واش شكون هذي حبيبتككك (كرزت على هذي الكلمة )
عمر: حبيبتي عينيا قلبي مكانتش غير هذو برك (انا حسيت روحي مزيرةة وجعني قلبي و زاد طلعلي زعاف )كانت بمثابة الصديقة و الاخت و الام كلشي فحياتي
ميرال:يماك؟؟؟
عمر:شكون حسباتلك ههههه؟
ميرال: كيفاش واش هي تان ماتت بنفس المرض ؟؟
عمر:ايه بسرطان المخ
ميرال:ايه
عمر:كنت صغير فعمر 6 سنين كانت هي كلش فحياتي بابا عاود زواج راح و خلانا بدون ما يشوف موراه بدون مأوى و بلا ماكلة   كانت هي كلش فدنيا هذي الام و الاب فنفس الوقت  كنا ساكنين فحي فقير و احنا منهم فقراء كانت تخدم غير على جالي من لي تروح على 6 نتاع صبح متوليش حتى 9 نتاع ليل نشوفها تجيبلي ناكل و كي نسقسيها علاش متكلش تقولي ني شبعانا خطرات تقولي كليت برا  باش غير منتقلقش عليها  كانت عايشة غير على جالي كنت مزالي صغير غير كيما بديت نقرا  بدا هذا المرض  يسيطر عليها مكانش عندنا دراهم باش نديوها لسبيطار و باش نخلصو دوا كنت عاجز تماما و انا نشوف فيها تتألم ليل مع نهار نشوف شعرها لي كان يطيح قدام عينيا كانت على شكل وردة و بدات تذبال كنت دايما نقولها استناي ماما نكمل نقرا نخرج طبيب و نداويك بلا دراهم باطل و هي كانت تتبسم هذيك الابتسامة و ضحكة ديالها رغم قسوة المرض والدنيا حتى جا ذاك نهار المشؤووم لي خالاتني الوردة ديالي و راحت فيه كنت درت 7 سنين داوني للميتم لي زاد قضا على برائتي  كنت نشوف اطفال صغار مراض بنفس مرض الام ديالي كنت نشوف الناس لي محاوطين بينا و هذوك المسؤولين على الميتم و لا على بالهم  يحوسو غير على الدراهم كنت انا  مهتم غير بقرايتي  باش منزيدش نشوف ابتسامة طفل صغير تتحول لحزن كبير منيش حابة الاطفال لخريين يعانيو واش عانيت انا فصغري بنيت هذا المشفى بعرق جبيني وصلت لهذي المرحلة بإرادتي بالعزيمة ديالي و علابالي بلي يما راهي مفتاخرا بياا فسمااا  بنيتو بكل حب على جال الناس المرضا لي غبنتهم و دارتها بيهم الدنيا
كمل هدرتو و خزر فياا لقا عينيا حمر بالبكااا  بدون سابق انذار عنقتووو زيرت عليه محبيتش يحس بالوحدة مكانش علابالي بالام لي عاشو مكانش علبالي بلي كان مخبي مور قناع التكبر و الامبالات قناع طفل صغير حزين
ميرال:عمر اعرف بلي واش صرا و واش يكون راني هنا معاك واقفا معاك فسراء و الضراء راني معاك للابد  انسى دوك الام لي ميتعاودوش ان شاء الله متتشأمش يماك راهي فالجنة تشوف فيك من لبعيد و مفتخرا بوليدها
عنقني عمر و زير عليا و انا مزيرا عليه و مزالنا على نفس البوزيسيو هو قاعد و نا فوق حجرو محسيناش للوقت  شحال جاز و حنا هكذاك عاد رفدنا راصنا و ستقبلني بقبلة من شواربي و زير علياا حتى انا بادلتو القبلة شوية و بعدنا على بعضنا مت بلحشما تبهديلة قعد يخزر فعينيا و مبعدهمش عليا
عمر:غدوا نجي معاك كي تكوني راح تتلقاي مع هذي لمرا و قوليلها تجيب معاها كامل لي راديو و لي زاناليز دياولو من نهار تخلق لمرض حتى لهذي النقطة
مخلاليش الفرصة باش نهدر طبع بوسة وحدوخرا من شواربي حتى قريب قطعهم
عمر:احح حلوة
عند شيراز:
قعدت مقابلة لبحر شحال مشفتش الوقت كامل تنهدت تنهيدة طويلة اييه شيراز لي كانت تحرش بدراري حتى واحد ميفلت من يدها  اييه يمات شيراز لي كانو يركعولها باش تقيمهم و هي ولا علبالهاا  جا واحد تركي كركرهاا تكركيرر و جرجرها تجرجيررر الدراري لي كانو يحلمو رواحم معاها هههه ولات هي تحلم تكون معاه اييه صدق لي قال الدنيا دواراا حبيت من قبل معتزز بصح كي قررت نمحيه من حياتي محيتوو فعلاا و اياد تان راح نمحيه  كيما محيت لي قبلو و من اليوم للفوق غير الخدمة لي بيناتنا مكاش عفساا وحدوخرا .
رفدت صاكي و رحت للكلينيك
_____________
من جهة اخرى :
..........:بابا قتلك لازم نديرو الخطوبة فأقرب وقت
......:استناي بنتي مزال الحال
..........:بابا مكاش كيفاش نقعد نستنى و نشوفو يضيع بين يديا
............:(قرب منها شدلها وجها بيديه)بنتي  الشابة خلي يجوز شوية وقت و نوعدك بلي راح نديرو لخطبة و راح يولي ديالك لابد ....
يتبع ...........