الاخوات الثلاث 💋

part 51

اصبحنا و اصبح الملك لله:
ريبل:صباح الخير
ميرال:بونجورنوو
ريان:واش من حمار مات نضتو بكري
شيراز:الطاقة الايجابية ولات واش نحكيلك
يسرى:علاش كانت فيكم الطاقة السلبية دايمن غير اليوم وين بانت الايجابية
شيراز:يسرى انغمي علينا
يسرى:هاه ني نغميت
ريبل:يلا نقلعو
ريان:يلااا
ركبو فطونوبيل و كل وحدا وصلها لطريقها
ميرالpov:
دخلت للكلينيك كي العادة لقيت ريتاج سلمت عليها و رحت لبست طابليتي و بديت لخدمة ها طفل صغير ها مرا ها عجوزة ها شيخ  لحقت 12h  هبطت نفطر  طلعت فالاسانسور
طلع معايا فارسي و شكون من غيرو باسني من فمي وليت حمرة من  حشمة
عمر:صباح الخير زين ديالي
ميرال:صباح لخير
عمر:مبنتيش
ميرال:مع الخدمة
لصق فيها
عمر:زعما انا المدير
ميرال(طبعتو بحنية): و انت لي قلتلي اخدمي
عمر:ههههه ايي قتلتيني ستنيتك فلعملية لعلى و عسى انك تجي مجيتيش
ميرال:نو كنت فالايطاج الخامس مدخلتش للعمليات
عمر:علبالي سقسيت عليك قلت بلاك تجي تشوفي حبيبك
ميرال:حبيبي و راني شفتوو
عمر:اووف على المصيبة لي بلاني بيها ربي
ضحكت تفتح الاسانسور شدلي يدي و خرجنا للمطعم ناكلو  و ناس قاع و الاطباء و فرمليات يخزرو فينا شي يبتسم و شي غاير معاجبوش الحال.
ريبلpov:
دخلت للشركة و ناس قاع يصبحو عليا دخلت للبيرو ديالي  لقيت بوكيات نتاع الورد من مختلف مدراء شركات الصديقة و منافسة يعبرو على اعجابهم بتصاميمي بديت نصوطي وحدي من السعادة حتى عيطلي ناصر و رحت ليه
ناصر:ادخل
ريبل:صباح الخير
ناصر:صباح النور  كي صبحتي
ريبل: و الله لغاية
ناصر:  الحمد الله ههه كملتي الملف لي طلبتو منك
ريبل(قاعدة نخزر بعينيا نشوف فهد مراهش هنا تسما مزال مجاش)
ناصر:ريبلل
ريبل:ها اسمحلي واش قتلي
ناصر:قتلك اسك كملتي دوصيي
ريبل:وي كملتوو
طبطب
ناصر(بلا ما ينزل عينيه من دوصيي):ادخل
لميس:صباح الخير
ريبل(بصوت حتى واحد مسمعها):صباح الغول
ناصر: صباح الخير
لميس:ناصر مشفتش فهد عيطتلو ماريبونداش
ريبل(بصوت خفيف سمعاتو لميس و ناصر ):ايه بيسك صرعتيه
خزرت فيها لميس بنص عين و كملت
لميس: حسبتو  فلبيرو رحت و ملقيتوش قلت بلاك جاز  لشركة 2ème.
ريبل(بنفس الصوت):كره حياتو هرب
لميس خزرت و كانت راح تنطق قاطعها ناصر باش يسلك الموقف
ناصر:سافر علاش ما قالكش
ريبل و لميس:ساافررر؟؟؟ ويننن؟(خزرو فبعضهم بعض نظرة الكره).
لميس:علاش مقاليش
ناصر:اا نسيت قالهالي مفاجئة للميس راح يشريلك الخاتم وصا عليه
لميس(بفرحة):نوووو صح ياي شرالي خاتم سبيسيال وين راح
ناصر:للمريكان
لميس:ياي شحال فرحتني (خزرت فريبل بسعادة و تغزل فيها)يايي الحب حبيبي مسكين راح للمريكان باش يشريلي الخاتم برك تسما شهر العسل ديالنا وين نجوزوه
ريبل قعدت واقفة كي شمعة ترمش مفهمت والو تحاول تستوعب هدرة ناصر تم تم رمالها الما كذاب و الحب و البوسة نتاع البارح هذاك قاع نساه ضربة وحدا  ممثل بارع واو ووعلاش جا ليا لبارح زعما باش يقولي هذ الهدرة  و وعلاش وش راح يستفاد مني تمثيلو ليا.
ريبل:مسيو ناصر اسمحلي نكمل الخدمة
ناصر:تفضلي
ناصر الله غالب عليه طلب فهد منو  باش يخبي الوضع و ميكشفوش كان لازم يضحي و لا يكذب كذبة و ملقاش واش يكذب خرج هذي الجملة .
ناصر(فقلبو):اسمحيلي ريبل
ريبل pov:خرجت رجليا يترعدو حسيت دنيا مزالها دور بيا الحزن دار بيا لدقيقة حكمتني دوخة حكموني الموظفين
موظفة1:مدام ريبل راكي مليحة
سكرتيرة:مدام هاكي شربي الماء
موظفة 2:راكي قادرة تنوضي
ريبل:يعيطكم الصحة راني مليحة دخت برك
رحت و خليتهم دخلت للبيرو قعدت مقدرتش و الله مقدرت قلبي راه يوجع فياا ياك كنت واجدة لكلش علاش صرا هكذا علاش
شيرازpov: قررت نروح لدار الموكل ديالي اياد اوغلو  مبان عليه حتى خبر ركبت فطاكسي و وصلت
طبطبت فتحتلي الخدامة ملقيت حتى واحد من غير الهام ختو لي رحبت بيا
الهام:واش هذي الغيبة توحشناك مرحبا
شيراز:ههههه ترحب بيك الجنة ههه واقيل مكاشهم
الهام:بابا راه فأنطاكيا و ماما راحت معاه تزور خالتي تسكن لتم و انا راني هنا وحدي و اياد راه لفوق واش تستحقيه
شيراز:ايه جيت علا جالو عيطتلو مراهش يريبوندي 
قعدو يقصرو حتى صونا تيليفون الهام
الهام: اسمحيلي اطلعي ليه دار دارك
شيراز:خوذي راحت
طلعت للبيتو نعرفها بيسك دخلت ليها خطرة نهار لول لي جابني ليها دخلت ملقيت حتى واحد سمعت صوت الما عرفتو يدوش  لفت نظري للبيرو ديالو لي كان مخلط بلورق رحت نجري للبيرو  داتني يدي و بديت نقلب كاش منلقا تفوو على اخر ايامي وليت جاسوسة نوالم نكون ضمن الجاسوسات الكس سام و كلوفر و شيراز واو تووب ملقيت والو لقيت غير وحد تصويرة لفتت إنتباهي تصورتو مع وحد راجل قاعدين يشربو فقهوة شكون هذا زعما صاحبو واقيل اووف ملقيت والو زدت حوست والو حتى دليل مكاش يثبت خيانتو ليا  واقيل ظلمتو حتى لمحت عيني بلغلطة fl canadriè مدور على 24 ديسمبر بستيلو حمر نوووو مكاش منها نوووو نو بلاك عيد ميلاد كاش صاحبو ولا نو ميقدرش يكون زعما
سمعت صوت لما حبس عرفتو راه خارج خرجت نجري غلقت الباب و قلعت لبلاصتي ببراءة هبطت نجري
الهام:لقيتيه؟؟
شيراز:نوو لقيتو يدوش الهام انا لازم نروح كي يكمل قوليلو بلي جيت ليه
الهام:بصح مقصرنا ما والوو خلينا نشربو قهوة برك
شيراز:معليش خطرة وحدوخراا ياك ايا باي
خرجت نجري نبعد من هذا القصر لي كنت نحبو مع لول درك وليت نكرهوو كره كبير.
____________________
تسريع الاحداث
جازو اليمات هذوك ميرال راها تستنا فعماد يرجع للاسطنبول باش تشوف نتائج نهائية للعلاج ديالو اما  ريبل راها ملخدمة لدار من دار للخدمة حاضرة جسديا و غائبة عقليا عقلها مع فهد لي هو بدورو توحشها و كل دقيقة يجبد تيليفونو يسقسي رجالو عليها بيسك دار رجالو موراها يعسوها عينيه عليها 24 ساعة على 24 ساعة ما عدا داخل الدار .ريان و يسرى راهم باينين اما شيراز لحق اليوم الموعود 24 ديسمبر
شيراز pov:
ضربتني الفطنة على 5h  نتاع صباح لقيت ريبل و ميرال راقدين غاطسين نضت غسلت جبدت حوايجي لي كنت موجدتهم  خصيصا للايام كيما هذي سروال جلد نواغ و فاست كوير كحلة و بوت  و صكادو درت فيه الموس و منوم و كاميرااا درت شعري ضفاير  باش ميقلقنيش و هبطت درك صح راني نبان كي الجاسوسات