الاخوات الثلاث 💋

part 49

ميرال:منقدرش نقولك
عمر(معنقها):علبالي و بلا ماتقوليلي راني عارف
ميرال(بعدت عليه):واش راك عارف ؟؟؟؟
عمر:فهد و ريبل
ميرال(حلت عينيها باقصى جهد):اويلييييي ويننن ديجا واش راك منيتك فهد و ريبل كيف كيف متحبوش هي
عمر:علاش تحبو هي
ميرال:اعع بلع منقولش (اععع واش داني نخرج هذا الكلمة خرا تفو هلى فمي😤)هذا سر بيني و بين صحاباتي
عمر:اوكي اوكي ارواحي
عنقها
_______________
مدموزال شيراز تقدري تدخلي
فتحلها الباب و دخلت
لقاتو قاعد فلغرفة المظلمة الخاصة بتحقيق و هو قاعد و مكبل من يديه و زوج محقيقين يحققو معاه هي دخلت شيراز و هو يطلقها بضحكة
شيراز طلعت حاجب بمعنى منيتك
شيراز:واش كاش اعترافات
شخص1: هذا وين بدينا معاه مزال مبدا يعتارف و لكن عن قريب راح يعترف
شخص2: ولا يتعفن فلحباس
حميد(بضحكة ):يا حضرت المحامية ضحكوو عليك هههههههه لعب بيك كيما بغا هو و عن قريب راح يمسح الموس فيك نتي و راح تخلصي كلش نتي ههههههههه
شيراز:كملو خدمتكم راني خارجة
حميد:تحبيه
شيراز عينيها خرجو سكتت و دارت ليه بلعرض البطئ
حميد:هههه اعطيلي 5 دقايق من وقتك هههه
شيراز(بتاسمت بالاستهزاء):هه خلوني مع الاغا
خرجو و غلقو الباب
تقربت منو شيراز و حطت يديها لزوج فطابلة و تقابلت مع وجهو
شيراز:ضاعت منك دقيقة بقاو 4 كيفاش اسي حميد
حميد: تحبيه
شيراز:جابلي ربي راح تقنعني ماشي راح تسقسيني و نتا واش دخلك
حميد:ههه مخممتيش كاش نهار من دقيقة لي جيتي فيها لترك و وقت محطيتي رجلك هنا فتركيا مخممتيش علاش جابك نتي من تركيا
شيراز:هههه راك مع افضل محامية
حميد:هههه كان قادر يجيب من تركيا كاين افضل المحاميات و الاشهر و و علاش مجابهاش من سوريا و لا من عراق و لا من فرنسا علاش جابك نتي بذات
شيراز لعبت في مخها و لقات صح علاش جابها هي تركيا و سعادة عماتها من هذا السؤال؟ علاش؟؟؟
حميد:راح نجاوبك يا لمحامية هههه مجابش كاش وحدا يعرفها من دول لقريبة و لي دايرة لتركيا بيسك يعرفوه مليح و يعرفو الوزير و علاقتهم بيه قوية راح ينكشف
شيراز:مفهمتش واش لهدف ديالك من هذا شي
راك حاب طيح بيني و بينو منحبو ميحبني جيت على جال الخدمة
حميد: لهدف ديالي راه باين نخرج كيما شعرة من لعجين و نتي تسلكي و تهربي
شيراز:هههه امالا تعفن فلحباس
حميد:انا ني قتلك و نتي دبري راسك
شيراز: ههه لالالالال متحشيهاليش نتا علاش لازم نأمنك ايه لوكان نفتارضو بلي ني عاونتك واش راح دير نتا فلمقابل
حميد(اومالها باش تقرب منو و هي هبطت راسها ):سي اياد اوغلو فنهار مدير شركة الاستراد و تصدير و فليل لا نعلم بالاك باتمان  توتوتوتوتو
شيراز:نتا على روحك خرفت و لكذب ديالك ضيعتلي 5 دقايق من وقتي
حبست Bmw  قدام لمخفر بأقصى جهد و هبط هو بلهيبة ديالو لي تخفي الوجه للمظلم كيما قالها حميد مدير و باتمان دخل للمخفر كامل يلقيو عليه تحية و حاطين عليه العين ...
حميد:نتي خمي مليح و رديلي بلخبر
شيراز:مفهمتش واشمن باتمان هذا
حميد:نتي محا........
اياد:هههههههههههههههه و اخيرا
شيراز حست بقلبها قريب حبس كي سمعت صوتو كأنو قطع عنها عفسا مهمة  دارت ليه لقاتو هو و شكون من سي اياد خزرت فيه بنضرات شك مخزرش فيها كامل تاجه مباشرة للحميد
اياد:مداموزال شيراز اسمحيلنا انا و سي حميد ب 5 دقايق
شيراز مهدرتش معاه خرجت و خلاتهم
_____________________
عند ريبل:
عندو ساعة من لي رقد و هي قاعدة كارهة حياتها ملقاتش واش دير دارت خزرت فيه لقاتو راقد غاطس فنوم خزرت فلجيهة لخرا فنار لقاتها قريب تخلاص و دار بدات تبرد  راحت تجيب لحطب لقات مكاش خرجت بارة والو ملقات حتى حطبة
عاودت ولات لدار لبست جيلي لي عطاهولها و خرجت دور تحوس عل الحطب تمشي و تحوس معلبالهاش وين راهي متاجهة برجليها
_______________________
عمر:ههههه ايه و منبعد
ميرال: ههه كانت ريبل واقفة من جيهتي و لكبش هذاك بلقرون ديالو يخزر فيا و جا يجري طيرني
عمر:ههههههههههههههه لقاك صغيرة
ميرال:كان عندنا 5سنين و لا 4 نسيت
عمر:هههه امبعد شكون سلكك ؟؟
ميرال:قريب قتلني مع لخر جات طاطا عقيلة سلكتني😂😂😂
عمر:ههههههههههههه و ريبل معاونتكش
ميرال:يحاي هه اتت فكرتني فيها  نزيد نعيطلها بلاك تسمع تيليفونها هذ الخطرة
عيطت والوووو
ميرال:والو منعرف وينهاااا  نروح ليها
عمر:خليها تريح مع روحها
ميرال:اواه نوووو غير هذيك لي نو قلبي راه يوجع راني حاسة بحاجة راح تصراا
عمر:ايا نروحو مال
ركبو فطنوبيل و ديماراو
_________________________
ساعة....... ساعتين....... 3ساعات.......
فطن فهد خزر خزر ملقاهاش ناض لبس تريكو و يعيطلها
فهد:ريبل ريبلل.... ريبل والوو
خرج لبارة لقا شتا طيح  و سما مغيمة ظلمة بيسك راهم فلجبال  للجنان لقبو والو فلا دار كامل والو مبانتش شوية و نتبه للورقة لمحطوطة
(راح نجيب لحطب لنار غير مكلاه تبعني)
قلبو تزير من لخلعة راحت للغابة
ناض يجري بدون مقدمات باتجاه الغابة  قلبو مزير .....
____________
كانت شادة قفة لقاتها مرمية تعمر فيا لحطب
تمشي تمشي تمشي
ريبل:بعدت شوية لازم نولي (دارت موراها)درك انا منين جيت منا و لا منا؟؟؟؟
حتى بدات شتا طيح و لحالة مغيمة و ظلمة و صوت نتاع ذياب يعوي
ريبل:بعدت بزاف  اعععععدعععع ماماااااااااا ينعل بو لحطب و ينعلبو النار لي حب يشعلها علاش منوضتوش هو يروح يجيب خرااااا (ذيب يعويي)اععع ماماااا
_____________________
شيراز قاعدة فكرسي و تخمم تخطط و تفصل  فهدرة نتاع حميد عندو الحق 100%علاش متسرعة علاش مخمتش علاش و واش لخدمة لي يدرها اياد ان شاء الله متكونش لي فبالي
حتى بانلها اياد خرج جا ريح قدامها
اياد(بشك): هدرتي مع حميد
شيراز: وي علاش
اياد:كاش مقالك (وزاد شك ديالو)؟؟؟
شيراز: وي هدرة فارغة
اياد:لي هي
شيراز(حست بلي راه يسقسي بلعاني و اخيرا فطنت لحاجة) بدلت نبرة الباردة لنبرة العادية ديالها:بليي هو يحب صاحبو و جامي يخونوو و هو خاطيه و راه مظلوم و طلب مني نعاونو
اياد(يخزر فعينيها يحوس اسك راها تكذب و لا نو):هذا مكان
شيراز: علاش واش حبيتو يهدر  كاينة هدرا خرا؟؟؟
اياد:نوونوو هه يلا زيدي نحتافلو
شيراز خزرت فساعة اا نو باردون  لازم نروح لدار لريبل
اياد:زيدي نوصلك
شيراز:نو مكلاه نروح فطاكسي
اياد:يلاه ركبي
مزادتش معاه بدات تتوسوسلو و محبتش تبينلو ركبت معاه و ديمارو لدار
________________
ريبل ريبل
عمر:بلاك راها فلكوزينة
ميرال:نووو (طلت فلجنان) كانت ترسم هنا سور خلاصلها كاش لون و راحت
عمر:عاودي عيطيلها
ميرال عاودت صونتلها حتى تسمع فتيليفون يصوني
ميرال:نساتو هنا
عمر:نوو معندها وين تروح سور تروح تشري و تولييي متخميش اوكي
ميرال:اوكي ريح فصالون درك نجي نجيبلك كاش متشرب
عمر:اوكي
طين (صونا الباب )
عمر:راها جات ني قتلك راحت غير هنا و درك تولي
ميرال:اه نروح نفتحلها انا ريح فبلاصتك
فتحت الباب
ميرال:شيراز هذا نتي حسبتك ريبل علاش صونيتي نسيتي لمفتاح مرة وحدوخرا
شيراز: وي نسيتوو مجبتش خبر قلت كي نولي ريبل تفتحلي و نتي وليتي بكري و فتحتيلي لباب السبب؟؟
ميرال:ايه المفتاح السحري انا ياك والوو تقلقت على ريبل جيت انا و عمر
شيراز:مممم نسيبي
اياد:السلام
شيراز:جيت مورايا حسبتك رحت
اياد:نعاود نولي قلت نشرب قهوة
ميرال:ادخلو علاش راكم واقفين فلباب ادخل خويا اياد عمر راه فصالون
دخل و قعدت شيراز و ميرال
شيراز (تنحي فسباطها):وين راحت ريبل مقاتلكش
ميرال(متكية على الباب و تشوف فيها):نو  كي جيت لقيتها مكاشها كانت ترسم 
شيراز: بلاك خصها لون و راحت تشريه
ميرال(غايسة):منعررف هكذا خممت
شيراز:زيدي امشي ندخلو خليناهم وحدهم
____________________
فهد:ريبللل ريبللللل يا ريبلللل اه يا ربي
شتا طيح بقوة و الظلمة بدات طيح بسبب الحالة لمغيمة واقف وسط الغابة رجع شعرو لمشمخ لور
فهد:اوف اوف كان عليا نغلق الباب منخليهاش و نرقد
و هو يدور فجأة حتى طاحت فوق راصو بليغة نتاع ريبل
فهد تعجب رفد راصو لسما فشجرة لقاها معلقة كي الكوالا
ريبل:هاي
فهد:(قلبو قريب حبس)اه واش راكي ديري لفوق و انا نحوس عليك فلرض
ريبل:نسلك فروحي باش ميطلع ليا حتى حيوان (بلعقل بلا ميسمعها فهد)بصح مع الاسف راه شافني حيوان
فهد:اهبطي
ريبل:منهبطش
فهد(بالعياط):اهبطي اهبطي
ريبل:مانيش هابطة
فهد:منعاودش الهدرة راني نطلع ليك نجبدك من داك شعر
ريبل:بوس عينك
بدا فهد يطلع فوق الشجرة منيتو
ريبل:منيتك
فهد:لا من ريقي
ريبل(تخلعت):و الله غير راه طالع حبسس حبس ريح كيما راك ني هابطة
فهد:مريبوندالهاش اومالها بيدييه باش ترمي روحها و هو يحكمها
و هي مزادتش معاه سوطات و حكمها من خصها و هبطها بلعقل جسمو يتحكك مع جسمها و عينيهم محبسوش من شوفة فبعضهم البعض فهد(بهدوء):علاش خرجتي
ريبل:اه نزيد نسقسيك اسك نخرج واش دخلك نتا
فهد(بالعيط حتى قفزت):ربك علاش خرجتي عمبالك شحال و انا نحوس عليك علاش منوضتينيش حسبت كاش مصرالك (خزر لقاها شادة صشية نتاع حطب)كنتي راح تجيبي لحطب ينعل بوها جد بابات لحطب(نحالها صاشي هذاك و رماه) علاش منوضتينيش ربكك علاه
ريبل(بالعياط): متعيطش عليااا شكون نتا باش تحاسبني و لا تتحكم فيا خاطفني من داري و تزيد تهدر اذا راك حاب تحكم احكم فمرتك لميس انا منعنيلك والو و نتا متعنيلي والو لحياتي اخرج من حياتي اخرجج كرهت جدكم كرهتكممم كاملين (تعيط و تبكي) نتا لي راك توجع فيك و تقتل فياا بعد علياا نتا سبة نتومااا علاش هكذا رجال كرهت جدكم نكرهكمممم
بدون سابق انذار جبدها عنقها عنقة طويلة زيرها حتى تكسروو عضامها مسكينة  بصح مهدرتش معاه كأنها جسد بلا روح ساكتة و دموع يطيحو ببرودة عنقها باسها من راصها  و من رقبتها بوسة طويلة و قوية كأنو يشم فيهم لااخر دقيقة و لاخر مرة
فهد:كيما تحبي راح نخرج من حياتك مدام انا راني نقتل فيك  يلاه كي تحبس شتا نردك لدارك
مهدرتش معاك و مشات معاه بالتجاه الدار
دخلو لدار عطها سربيتة نشفت شعرها  عطالها بيجامة ديالو لبستها و نشفت شعرها و قعدت جا ليها عطالها تيليفونو
فهد:عيطي لصحباتك راح الحال راهم سور تقلقو عليك
دات تيليفون من يدو بلا متخزر فيه و عيطت مزية لي حافظة نيميرو نتاع ميرال 
________________________
طينننن
شيراز:ريبوندي
ميرال:الوو شكون ... ريبل وينك تقلقنا عليك واش هذا وين راكي .. اا كيفاش ريبل نجي انا ليك درك نجو .... علاش اوكيي بففف اا اوكي خلاص 
شيراز:ها نطقيييي
ميرال:راها مع فهد
شيراز:واش راها دير معاه ؟؟؟
ميرال:منعرف قاتلك درك يوصلني
شيراز:ممم (خزرت فعمر و اياد لي مواصلين الحوار)هيا لي عندو دارو يروح ليها حنا تان عندنا رجال فدار هذي ميحبوش
اياد:راكي تحاوزي
عمر:هههه بطريقة مباشرة تان  يالله انا ني رايح و مريح بعد مشفت غزالة نتاعي رتاحت  رتحت انا تان
ميرال(بحشمة)
عمر: قتلك ما عندها وين تروح ايا(باسها من خدها قدام شيراز لي حلت عينيهاا من لحشمة  و اياد لي مدار حتى ردة فعل موالف يشوف صوالح كبااار  يعني عادي)
عمر:باي حبيبة قلبي
ميرال(لي ولات حمرة):باي
اياد:باي
ميرال و شيراز:باي
_______________________
فهد لي واقف برا فلبرد  يتكيف قارو مور خوه يشوف فشتا لي طيح بقوة و كلماتها مزالهم يترددو في وذنوو عمرو لا فكر يأذيها و لا كاش ما يكون مصيبة على قلبها كان حب يحميها و يأويها و تهرم معاه في حضنو بصح تجري الرياح بما لا تشتهي السفن
واقفة من بعيد طل عليه من تاقة لساعات و هو واقف فلبرد و زيد مراهش لابس مليح
ريبل:نروح منروحش...
راحت لبلاصتها تغطات و قعدت حتا جا ليها ناضت تجري تخزر فيه
فهد:مشكيتش نولو شتا راها غير تزيد تقوى غدوا مع يطل نهار نديك ارقدي درك
دا معاه مخدة و خرج
ريبل تنهدت و قاعدة تعاود فسيناريو لي صرا فلغابة و بداات تتفكر من نهار لول لي تلاقات بيه كيفاش خبطها كيفاش كانت تكرهو بدات تضحك بلا متحس كيشغل وحدا مهبولة  قعدت ساعات و هي تتفكر فايام الخوالي شوية و نتابها الفضول ناضت  و راحت تشوفو عقلها كان يقوللها اقعدي انعلي بليس بصح قلبها كان العكس مع لخر تبعت قلبها و ناضت تضرب عليه طلة لقاتو راقد فلبيت لخرا راقد خزرت فيه تنهدت تنهيدة طويلة و قعدت تتامل فيه رفدت يدها مترددة مست لحيتو امبعد فمو كأنها تحفظ فملامحو و لا تحقق امنية انها تمس وجهو قعدت هكذاك حتى غفات فوقوو
________________________________
ميرال: ريان خليلها الوقت راها هي تفريها معاه نتا مدخلش روحك مشكلة هذي بينو و بينها نتا خاطياتك حنا خصنا غير نوقفو معاها
ريان:بصح كيفاش راحت معاه ميرال راني معاك مشكلتهم و ملزمش ندخلو فيها بصح راها صحبتنا راها ختي لوكان يزيد يجرحها كيفاش
شيراز:ميرال ختي نحبك بصح نوافق ريان فهذا الموقف
يسرى:اووف خلاص على الاقل رانا عارفين بلي مراهيش فبروبلام راها مع فهد راها معاه كي تهدر معاه و كلش يعاود يردها
ريان:اوووف
يسرى:خويا اتهدن راك تكسر فراصك خليه يستغل فرصتو الاخيرة مراحش نسمحولو انو يقسم قلبها مرة وحدوخرا
ريان:راني طالع  نرقد
يسرى:بونوي انا تان نطلع
ميرال:بونوي شيراز زيدي نتي مترقديش
شيراز:روحي ترقدي انا عندي خدمة نفريها
ميرال:اوكي بونوي
شيرازpov:
حكمت شعري لميتو درت 2 كيسان قهوة و حطيت الpc قدامي و بديت جبدت ميلفات كامل نتاع اياد قبل منتعرف عليه و بعد متعرفت عليه ...الخ مجبتش وقت و انا نحوس ركبلي الوسواس هذاك حميد علاش و تصرفات ديال اياد كيفاش كان شاك بلي حميد كاش ما قالي معناها كاين سر مخبيه
اصبحنا و اصبح الملك لله
فطن صبح تلقائيا حس بحاجة ثقيلة فوقو رفد راصوو مراهش مأمن هذي ريبل راها راقدة فحضنو و لا منام مسها من وجها يتأكد اسك راه يحلم و لا نو و وجهو حواسو كامل ميتين بلفرحة.......
..............يتبع.....

اسمحولي على الروطار و الله راني مع ليزيقزاما  و بحوث شقوة نتاع لافاك راكم عارفين لسونسيال  ان شاء الله نتوما صحاب لباك لي راهم يقراو فحكايتي ربي يفرحكم و ان شاء الله كامل تجيبوه بتيي نحبكم ..❤❤