الاخوات الثلاث 💋

part 33

فطيمة: واش خير مالكم واش صرالكم ها نطقو و هنونا
خزرو فيها مخلوعات .....
_________________________
عند شيراز لي بدات تفطن:
شيراز:ايي ضهري اععع واش هذا لفراش ني راقدة على دودانة نونو مشكيتش هذي حديدة اخخخ هذي سوغ الكلبة نتاع ميرال بدلت لفراش .(فتحت عينيها دربا وحدا خرجتهم) ووين راني (بدات تتأمل فبيت لي راهي فيها)اوو واش صراا
اععععع تفكرت
flach baack:
شيراز:ههههههه متفكرونيش هههه نولمو نتورنيو فكاش فيلم هندوو ديناها لشاروخان
ريان:اياا افتحو البير
ميرال:غير خلي لبير بغطاه
ريان:نستحقكم تفتحوه
شيراز:تفوو على هذا الصباط نتاع الاقزام السبعة محبششششش يدخللل اعععع يااااااعععع
اععععععععععععععععععععععععععععع
and baack:
شيراز:اععععععععععععععععععععععععع
سبيطار قريب ما راب دخلو فرمليااات مخلوعات
فرملية:مدام كي مليحة
شيراز:و الله غير لباس الحمد الله و انت صافا ( و دارت ابتسامة غبية) حمارة ماهذا السؤال مكيش تشوفي فياا
فرملية2:غير ديريلها البرة المنوم  كيما صحبتها و كثريلها هذي راهي دونجي
فرملية1: روحي ديريلها نتي انا نروح نشوف المريض لي راهو ملهيك و نولي اوك
فرملية 2 (بنفاذ صبر):بفف اوك
خرجت هذيك الفرملية رقم 1 و راحت فرملية رقم 2 دير لبرة لشيراز يلاه هي كانت راح ديرهولها و شيراز تعوجلها يدها  و طبعها على لفراش و ديرلها لبرة هذيك
شيراز:هاوليك استمتعي بالحقنة الطبية ديالكم مديريليش لعفن ديالك اوك بب و مرانيش مهبولة صح دونجي مي مزالني فعقلي  و نوم هنيئ على لفراش ديالكم قصدي الدودانة ديالكم  اووووههه  مزيا لي مرحتش سيونتيفيك
خرجت من لبيت بلعقل و طلقت رجليها تحوس بغرفة غرفة على صحاباتها
........................................
يجااراو كامل فلايروبوت هذاك لي ولاا مارشي  لحقو لوحد المضيفة لتما كانو امة محمد كامل مجتامعاا عقيلة و عبد القادر و العفاريت 2 و فطيمة و عبدو و العلجة و لخضر و امينة و امين و محمد و سعيدة و سارة و طبعاا عائلة ريان رشيدة الام ديالو و باباه كمال و ختو يسرى طبعا مع الحيوانات دياولها(للعلم هي طبيبة بيطرية تموت على عفسة اسمها حيوان . حيوان يحب حيوان  و طبعا متقدرش تخلي الجاجة ديالها و لقط و الكلب وحدهم فدار للعلم باقي الحيوانات راهم فالعيادة ديالها 😯😯اووو مسكينة)
طبعاا القاراة كامل سمعو بتبهديلة لي صرات  هجمو على المضيفة
عقيلة:اولل طيارة لتركيااا
المضيفة :سمله الرح......
العلجة:الرحمان الرحيم معندناش الوقت انطقييي
المضيفة:مادابيك الحاجة تنقصي من صوتك راكي فمكان عام
العلجة:كيفاش شكووون الحاجة تجرأتي و قلتي الكلمةةة ليييي ارواحي انا نعاودلك التربية
المضيفة: الحاجة ني نهدر معاك نقصي فصوتك عندنا مكانتنا هنا متنسايش
العلجة:يااا لهويي (دارت لامة محمد لي كانت مورها) و كلب فيكم يسلكها نوريلوو (هزو راصهم كامل بلا)
محمد خو شيراز:يما خودي راحتك و خرجي كامل الطاقة السلبية فيها
عقيلة:ايه متنساش حتى انا عندي طاقة سلبية بلاضافة الى فيروسات خطيرة
فطيمة:يااو انعلوو بليس بناتنا راهم على حافة الموت و نتوما تخرجو فطاقة السلبية
رشيدة: فطيمة عندها الحق انعلو بليس درك نروحو لمضيفة وحدوخرا كمال يعرف بزاف ناس هنا عندو المعرفة
يسرى:اوه صح طاطا و الله غير خودو الراي .
هيهات لمن تنادي العلجة كملت بواش بدات و عقيلة نعلت بليس و قاعدة تتفرج و تشجع للحظة نساو كامل بلي عندهم بناتهم راح يموتو و هما هنا دايرين فيها حلبة المصارعة نمر المقنع .
المضيفة:اععع اطلقيني يا سحارة اععع عيطو للامن اجروو راح تقتلني هذي لعجوزة المهبولة
عقيلة:اه واش قالت اه يا العلجة
العلجة:اعع اطلقوني متشدونيش
جا لخضر يسلك :هاو اطلقي الطفلة راح تقتليها اطلقيهاا
جاو البوليس والامن يسلكو :مدام حبسي حبسيي
العلجة:اطلقونييييييي ياااع
بعد عناء باش طلقت الطفلة رجعتها كي ماوكلي فتى الادغال
البوليسي:مدام هذي جريمة التعدي على فتاة مدا بيك تتفضلي معانا للمخفر
الكل:وشنننووووووو
عقيلة:واش مقود نتا باش تخمم فهمني باششش
فطيمة:و الله غير نخبطك خبطة نطيرك فسما اسمع عندي بنتي راهي تموت منضيعش الوقت بتفاهتك
العلجة:راك معايا انا ني قد يماك تهدر هكذا متحشمش الجيل نتاع دركا قلة الحياا تبهديلة مخلية بنتي فسبيطارات مهومة راح تموت و طلبت تشوف يماها للمرة الاخيرة نتا دير هكذاا اتخيل يماك يديرولها هكذا و نتا راح تموت
الكل: وشنووووووو
العلجة بصوت خفيف :خلونا نمثلو شوية
ديجاا انا علاش هياا لي لازم تديها هي لي محتارمتش الكببير زعما وصانا دينا بلي الصغير يحترم الكبير
المضيفة:مسيوو متأمنش هذي الكذابة اديها
العلجة:هاها راك تشوف تقبل نتا كاش واحد يقول ليماك كذابة
دارت مسلسل تركي حزين من الطراز الاول حتى الغاشي لي كانو لتما و غاضتهم ووقفو معاها دارت العلجة ابتسامة الانتصار و تخزر بشر فهذيك الطفلة  و قربت ليها شوية (: استناي حسابك معايا مور ما نولي من الترك
و راحو يستناو الطيارة
....................................
شيراز مخلات حتى باب مفتحتهاش ملقاتش صحاباتها و هي لحقت للباب لخر فتحاتو لقات ميرال طارت من الفرحة كانت لابسة حوايج نتاع سبيطار