الاخوات الثلاث 💋

part 29

شرات هديل تصديرة تهبل و حنا عاوناها و شرينا مستلزمات و حوايج للعرس
بعد ما كملنا التحواس تاجهنا نيشان لدار هديل بعد ما عيطنا لامهاتنا العزيزات  لي شبعونا معايرة علاش منعرف
ريبل:مسلخير طاطا نورة
ميرال:اووو طاطا تواحشناك وش راكي كي مليحة
نورة:يا عمري على لفلالس دياولي كبرتو و زينتو يا عمري (عنقتهم و باستهم )
شيراز:طاكا تعنقيهم بلا بيا
نورة:زين كامل ننساه ارواحي
تعانقوو كاملل
هديل :ههه و اناا
ميرالو ريبل و شيراز و نورة:ارواحي
هديل:واععع عناق جماعييي
دخل السعيد يمشي و يصفر و شاف هذاك المنظر
السعيد :واش كاين ثما
هديل:شوف شكون جا يبات عندنا
سعيد:ايما حنونتي  البقرة لي عندي فدار ماكفاتنيش زادو جتامعو البقرات لخرين ايا   صورة جماعية للبقرات ايا نديرو سالفي (جبد تيليفونو )قولووو موووووو
ريبل و شيراز و ميرال و هديل و حتى السعيد :مووووووووووووووو
تعانقو كامل و فرحو و نورة دارتلهم وحد تشختشوخة لحسو طباسة  في جو ضحك و مرح و كل دقيقة سعيد يجبدلهم كاش عفسة تقلقهم و هما يشعلو فيه و نورة تسلك كانت راح تنوض الحرب العالمية الثالثة  كملو عشاهم و حلفنا لطاطا نورة و الله ما تحط يدها على الماعن  .غسلناهم حنا  و ردينا الكوزينة تشعل شعيلل 💎
شيراز:اه ههه النظافة من الايمان و الوسخ من الشيطان
ميرال:ههه نوضي نوضي نعاونو هديل فتوجاد لجهاز غير غدوة العرس متنسايش
هديل:ايا فكرتوني غدوة الحنة 
دخلو للبيت هديل و قعدو يعاونو فيها فترتيب جهازها
ريبل:هخخخخ راح تلبسي هذو لي شوميزدونوي
هديل:هههه نو قلت ندي الجبة نتاع خالتك خداوج لي مطلسة بجافيل
ميرال:سيد راكي حابة تجهليه يهبل
شيراز:خخخم اكدولي على هذا شورط (قاعدة تقيس فيه و تشطح بيه و هما ميتين عليها بالضحك )شاكيرااا شاكيرااا
هديل:هههههه ايه غدوة لافامي كامل راهي جاية
شيراز:اووووو و الاء جيي و عبد الرحيم توحشتهم
هديل:ههه وي يجو و نتوما تباتو عندي اتهاردو
ميرال:اوو هبلتي كي حابة نتحاوزو
هديل:يا ديني عرسي و منفرحش بيه
ريبل:خلاص نقعدو معاك اوكي
هديل:اووووو هوولااا
شيراز:هدييل تسلفيلي هذي شوميز دو نوي نديها معايا لترك
رييل:واش شكون راكي ناوية طيحي اياد
هديل:شكونن اياد محكيتوليش .اتت متقولوليش راكم نتويين تولو لترك
ريبل :ايه عندك شك شفتينا كاش نهار خضينا الراي
هديل:ايه عرفتكم مزبلينها و تسمعكم عقيلة فطيمة و العلجة خلات غير ابداو توجدو فقبوركم و نتوما اصلا كي جيتو فقتلكم بلي ناويين على عفسا و راح تولو بعد ما لقيتو الحب يلااا احكووو يلاه
ميرال:اتت نحكيلك (حكاتلهاا)
ريبل:و الله و تحلي فمك نقسمك على 20000
هديل:منتجرأش نحل فمي
شيراز:شاطرة ديجا هذا كامل علا جالك باش نجو لعرسك و متبكيش و متزعفيش علينا
هديل:يا عمري يا عمري على التضحية
ميرال:ايه يا الكلبة مكملتيش حكيتيلنا
هديل:هههه piiiii متنسايش يا محاينك عندك وحد لا ميمواغ
ميرال:واش قالولك طبيبة في باطل
ريبل:نتي سوغ رحتي غلطة
شيراز:خخخخخخخخخ هههههههههههه اهه يا ميرال
هديل(باش تسلك الوضع قبل ما تبدا الحرب ):المهم ارواحو نكمل نحكيلكم
غلقو الباب بالمفتاح و قعدو كامل فالفراش
وبدات هديل ...
flach baack
عبد الرحمان :نو مكاش منها هديل لي كنت نظل نحرش بيها و نجوز بيها الوقت و نعايرها هي لي راهو قلبي يخبط من جيهتها كبرت و زيانت و ولات زلة  ايه يا اليامات لي كنت نكسرلها نواظرها و نعايرها بالعمية هي لي عماتني