انا عهد خريجة النيلين قانون بعد اتخرجته من الجامعه بديت اشتغل تدريب في مكتب محاماه وعندي ود عمتي بحبو موت بس وحاتكم هو ماشغال بي وكل عريس بتقدم لي برفضو وبريد عمتي اللهيا امو ريده شديد وبمش ناس عمتي وبقعد وزلكم ده ماشغال بي المهم يوم وانا في بيتنا اسمع ابوي بتكلم الف مبروك وربنا اتم على خير انا عن نفسي موافق بس اشوف راي بتي وانا قلبي وقف ده عريس والله مااعرس غير احمد ود عمتي استنيت ابوي اخلص تلفونو واناديني نسيت اقول ليكم انا بت واحده وسط 3 اولاد ماطويله وماقصيره وجسمي مليان الناس بقولو علي سمحه
نرجع لي ابوي ياعهد عهد تعالي مشيت وانا دايره ابكي خلاص ،نعم ياابوي قال لي كانت بتتكلم معاي عمتك وقالت دايراك لي احمد ولده حسيت الدنيا بتلف بي وانا بسمع احلا خبر في حياتي جريت وانا مبتسمه لاخر ضرس جريت دخلته جوه عشان ابوي مااشوف ملامح وشي وضحكي دخلته وقفلته الباب علي وانا مبسوطه ضربته لمها صحبتي مها عمتي خطبتي لي احمد وانا اصرخ ومها تصرخ لانها عارفه انا قدر شنو معلقه بود عمتي قالت لي متين خطبك احكي لي وهو كان بحبك وساكت وله الفهم شنو قلته ليها ماعارفه المهم انو عمتي خطبتي وحتى لو مادايراني انا بعرسو ده حب حياتي بتكلم كدا مع صحبتي الباب بخبط فتحته لقيته امي قلته لمها سلام برجع ليك '
امي قالت لي اها يابتي ابوك قال لي اشوفك موافقه بود عمتك امي صحبتي واختي قبل ماتكون امي جريت واتعلقته في رقبته موافقه ياامي اصﻵ كنت برفض كل العرسان عشان احمد ياامي قالت لي ربنا اتم ليك ع خير خلاص اقول لابوك عهد موافقه
رقدته في سريري وانا مبسوطه وبتزكر في احمد
احمد ود عمتي حب حياتي عمره كدا كم وتلاتين وانا في كم وعشرين من ناحية العمر مناسب معاي شديد واكبر مني قريب 10 سنه ولد ثلاثيني ماقره جامعه بس زول عصامي بدا من الصفر لحد مابقه من كبار تجار سوق ام درمان ماعندو علاقه مع بنات العايله بنمش ناس عمتي بسلم علينا من بعيد وبمش الصالون اغلب البنات بقولو معقد ومتخلف بس في الحقيقه هو راجل وماف زيو بقيف مع الكبير والصغير عندو شخصية قويه وكلمتو مابتتزاد عشان كدا انا بموت فيه نمته الليله ديك وانا طايره من الفرح بس في بيت عمتي كان الموقف غير
اها في بيت ناس عمتي القيامه قايمه احمد مع عمتي ياامي كيف تخطبي لي بت اخوك موش مية مره قلته ليك مادايره وماممكن اعرسه نهااائي احمد ياولدي انت ود جاهز ليك زمن وبيتك جاهز حتى عفشك ودهبك وكل شي جاهز وبتقول لي ماعندك واحده طيب الماخرك ياولدي شنو المانعك تعرس شنو وصراحه بت اخوي ماف منها وماعايزه غيره انا بت اخوك مادايره ياحاج قول حاجه والله ياولدي العرس ده رغبه مع انو نفسي تعرس الليله قبل بكره وكل الناس تسأل احمد المانعو اعرس شنو وهو جاهز واتكلمته مع امك بس امك مصممه على رايه ماعايزه غير عهد بت خالك ، عهد في السماء وانا مادايره ياولدي ماله بت اخوي سمحه وصغيره ومتعلمه واولاد اخواني كلهم دايرنها والله ياامي مافيها عيب بس انا ماحابيها ،بره حب بره كلام فاضي العرس موده ورحمه وديل بجو بعد العرس ولو ماعرسته بت اخوي لا انت احمد ولدي ولا بعرفك والله والله اهج واخلي ليك البيت وماتعرف لي طريق ده كلامي قدام ابوك واخواتك ، امي افهميني مابفهمك وماتزيدو معاي ودخلت غرفته
احمد طلع وزعلان والدنيا سودا في وشو مشه شارع النيل وسايق بسرعه جنونيه وصل شارع النيل وضرب لعبدالله تعال لي سريع واحمد هايم والدنيا مضلمه في وشو عبداالله وصل مالك في شنو امي ياعبداالله ماله عيانه لا الحمدلله كويسه بس خطبت لي عهد بت عمتي وماله عهد ماكويسه وسمحه وظريفه صراحه من زمان عاجباني ليك وانا ياعبداالله مادايره ،انا عارف ماعندك زول بس حيرتنا صراحه
ناديتك عشان تقول كلام كل مره وله عشان تشوف معاي المصيبه دي ،طيب يااحمد ارفض بس ، رفضته بس امي قالت لي لو ماعرستها ماعافيه لي وبتهج تخلي البيت وامي عارفه جاده المره دي شديد
المهم الوقت اتاخر وعم عثمان ابو احمد ضرب ليه انت وين يااحمد انا مع عبداالله ياابوي وببيت معاه
مشه احمد وبيت مع عبداالله بهناك عمتي وبناته وعم عثمان اتكلمو معاه وراسه والف سيف احمد ولده اعرس عهد في ظرف شهر بس وله تتطلع ومااعرفو ليها طريق
تاني يوم صحيت الصباح مبسوطه وقشرتها اخر قشره وطلعته مكتب المحامي الشغاله معاه لمن ناس المكتب علقو علي مالك مبسوطه كدا قربته اقول ليم حااعرس الاتمنيو من طفولتي بس الله سكتني قلته ليم عادي الجو حلو ومبسوطه بس
بهناك احمد صحى متاخر وفتح تلفونو صلى وعبداالله جاب ليه الشاي امو ضربت فتح الخط الو جاه صوت امو يعني مبيت بره البيت وبتلوي دراعي يااحمد اها اسمعني الجمعه دي حنمش نخطب عهد من خالي وانت معاي والعرس بعد شهر وقسمآ يااحمد ترفض ترجع البيت ماتلقاني وقفلت الخط ،احمد شال التلفون وخبط بيه الحيطه عبداالله اتخلع وهو عارف احمد زول هادي واول مره اتصرف بعصبيه احمد اعتذر لعبدالله وطلع
عبدالله شال التلفون وطلع ورا اح
مد لقه احمد سايق ورافض اقيف ليه
احمد وصل البيت وفتح الباب بغضب سال اختو امي وين قالت ليه جوه ودخل ليها
احمد وصل البيت سال امي وين قالو ليه جوه دخل لقه امو في غرفته امي كيفيك ماردت جه وقف قدامه امي انا موافق اعرس بت اخوك ... عمتي دموعه جات جاريه قالت ياولدي انت اغلا زول عندي ودايره اشوف اولادك قبل اموت ماف سبب امنعك تعرس والقدرك باولادو وانا ياامي كايس رضاك وعندي بالدنيا حتى لو بعرس واحده مارغبتي .. بت اخوي وانا بعرفه وبكره تقول امي الله ارحمه اختارت لي صاح سلم عليها في راسه وقال ليها بعد عمر طويل ياامي .. عمتي زغردت ولمت ناس البيت جو قالت ليم احمد موافق والعرس بعد شهر ابو قال صحي ياولدي قال ليه ااي واي حاجه بتقولها انا موافق بس تعالو شيلو القروش احمد طلع اختو اماني جرت ورا صحي يااحمد موافق قال ليها اعمل شنو اخلي امي ماراضيه ومخاصماني وكمان تهج ومانعرف ليه طريق وله اعرس عهد قالت ليه عهد بت تمام واولاد خيلانك كلهم دايرنه بس هي بترفض قال ياريت لو وافق واتفكيت منها طلع عبدالبه ضرب ليه في التلفون الصغير قال ليه انت وين .. انا جاي ع السوق طيب نتلاقه وقفل .. بهناك عمتي ضربت لابوي واتفقو يوم الجمعه اجيبو المتكفي ابوي ضرب لعلا الدين اخوي الكبير في قطر مهندس ومتزوج قال ليه ياابوي عهد موافقه خصوصآ ود عمتنا ده ماقاري جامعه حيتفاهم مع عهد كيف قال ليه هي موافقه والحق ياولدي ود عمتك ده احسن من الجامعيين وعصام اخوي طب جامعة الخرطوم واخر البيت عماد بقراء صيدله في الجزيره ولد ممجنون وبقعد كتيير في مدني حسب الجامعه ابوي كان بقول الاستثمار الحقيقي هو التعليم عشان اخواني كانو ناجحين ومن الاساس قرينا مدارس انجليزيه اخواني ماليم علاقه بود عمتي ده هو في عالمو الخاص التجار والسوق والقروش واخواني عالم القرايه والجامعات والمؤتمرات ... يوم الخميس جه بهناك ناس عمتي جهزو المال وزينو هو والدهب والحلاوه والبارد بهنا ابوي كلم اعمامو واولاد عمو وعزم الرجال لسد المال عماد يوم الخميس جه من مدني اخش اقول مرت التاجر واطلع اقول مرت التاجر واترازل علي وانا مبسوطه التاجر ده شايفه احسن زول في الدنيا .. عصام حبيبي واخوي الغالي قال عهد انتي بتقدي تتفاهمي مع احمد قلته ليه اااي قال لي خير وربنا اسعدك مها جاتني مشينا السوق لقيت لي فستان اسود خطير واليدين شفون فيه لمعه بالفضي جبتو وجيت .
