قال لي لا ياماما ماتزعلي قلته خلاص حنجيب كراسات جديده ونكتب من اول بس توعدني تكون شاطر ونضيف وماتشاغب في الفصل وتلعب مع اصاحبك سامع وانا بجيك في الروضه وبابا بجيك وكل ماتكون ممتاز بجيب ليك هدايا ولدي فرح كيف وقال لي حاااضر 😃 فتحته ليه يدي جه اترمى في حضني ولدي الكبير وسندي دايراك تكون احسن زول .. وابو شايف كل المقطع ده متكفي بس بالمراقبه وانا اصلي ماعاينه ليه .. قلته لولدي داير تاكل حاجه قال شبعان يلا خلاص ورح نسوك عشان بعد المسواك ماف اكل الا الصباح موش ماما فاطمه قالت كدا (دي مامة الروضه # سووكته ولدي وقلته اتوضا صلي العشاء عشان تنوم سوكتو وهو اتوضا وانا واقفه معه تعلمو اولادكم من صغار بتعلمو بس بعد كبرو تتعبو في الفاضي
رقدته ولدي في سريرو قول لبابا تصبح على خير .. والابو لسه قاعد في غرفة اولادو وانا طلعته
مشيت استحميت واتوضيت ولبسه لي عباية صلاه .. في الهول في سريرين رقدته بتي وفرشته مصلايتي صليت وقعدته اقراء قران .. جاني احمد قال عهد عهد ... صدق الله العظيم ورفعته راسي نعم قال انا مبسوط منك عشان ماطلبتي الطلاق وعشان رجعتي بيتك .. صاح عرسته بس الشرع حلل اربعه .. وانتي مرتي الاولى وام اولادي ومابقصر فيك وبعدل بينتاكم .. هنا ضحكتا قلته ليه تعدل بيناتنا 😏 جاتني قوة من السماء وقوة استحمال ولامباله عجيبه بعاين في عيونو وبالجد بقه مافارق معاي الحمدلله رب العالمين .. قلته ليه اسمعني كويس ياود عمتي انا البعتذر ليك شديد على ال6 سنه الضيعتهم معاي ومعليش عشان اتجبرته تعرسني عمتي الله اسامحه ظلمتني انا قبل ماتظلمك انت والحمدلله انت اسي عرسته وربنا اعوضك فيها كل الفاتك واسعدك معاها والله بقول كدا من قلبي
كنت حاسه انك مابتحبني وفي يوم حبيتني بس قلته امكن طبعك كدا ولو كنت عارفه انت اصﻵ مادايرني اكيد كان الوضع اختلف وماكان عشته التعاسه الاسي فيها انا دي .. بامكاني اطلق واعرس اسي بس اولادي عندي تلاته اطفال عشانم بضحي بعمري .. عشان كدا جيت بيتي وانت مامسؤول مني بس مسؤول من اولادك .. كنت بتكلم بثبات عجيب قال لي كيف يعني قلته ليه كلامي واضح بعد السمعتو منك كل شي بينا انتهى ولو عايز تتطلقي مافارقه معاي في كل الاحوال انا قاعده في بيتي وبربي اولادي وانت ابوهم تجي في اي وقت وبتمنى مااحسو انك بعدته منهم ..
عليكم الله بدل تم . اكتبي استغفار نكسب ثواب
ماقدر افتح خشمو بكلمه عاينه في المصحف البين يدي هو قام مشه .. كوركته ليه احمد ..عاين لي .. قلته محمد ولدك من يوم شافنا ونحن بنتناقش وكواريك وبكاي بقه شايل منك وبقه انطوائي وعدواني في الروضه مامة الفصل ضربت شكت لي منو وقالت لي سلوكو اتغير وكل ماابكي بقول لي ده بابا دقاك مش عشان ولدي مااضيع رجعته بيتي وبتمنى التعامل بينا اكون عادي وانتبه لولدك.. مافتح خشمو ومشه دخل غرفتنا .. وانا نمته وفي راسي مية حاجه دايره اعمله .. صحيت الصباح الترحيل جه طلع مبسوط .. علي ابكي قال داير امشي معه قلته ليه السنه الجايه .. قاعدين في الهول وبشرب في بتي الشاي احمد صحى .. قال صباح الخير قلته صباح النور دخل استحم واتوضا .. جه قال لي ليه ماصحيتي للصبح متعود انا اصحيه قلته ليه ماحبيت ازعجك عاين لي ومشه متعود حتى تلفونو اشحنو ليه بقلبي اصبر لي بتشوف عهد جديد صلى وجه العب مع اولادو جه اشيل وعد قلته دقيقه اغسله واغير ليها
مشيت حميته وغيرته ليها الحفاظ ولبسته وعملته ليها صندليه وجيت اديته ليه .. شاله مني وعاين لي مشيت جبته ليه الشاي والعصير وهو بحب الشاي بالجنزبيل .. ختيت معه بسكويت .. ولسه انا لابسه توبي وله عباية الصلاه .. مشيت انشغلته في المطبخ وخليتو مع اولادو سمعتو بناديني عهد مشيت ليه قال لي تعالي امسكي بتك انا طالع قلته ليه قعدته في السجاده انا شغاله في المطبخ خته لي مصاريفي ولبس وطلع.. قلته ليه احمد قال لي نعم .. امش لمحمد في الروضه قال لي حاضر .. بعد طلع ضربته لمها عايزين نتلاقه قالت لي راجلي مسافر وانا عند ناس قالت لي بجيك يازوله انا .. جاتني قعدنا اتونسنا قال لي اها كيف مع احمد حكيت كل الناويه اعملو وقلته دايره انزل شغل ودايره احضر واهم شي ارجع لوزني القبل العرس عايني اتفريت كيف انا شغل ياعهد احمد موش رافض الشغل .. ههههه يابت احمد ده انا شلتو من حساباتي احمد ده ابو اولادي بس واسي لازم اشوف مكتب محامي كبير اشتغل فيه لحد ماافتح مكتب براي .. قالت تعالي تجي مكتبنا .. قلته ليها اشوف اسي دايره امشي اجيب لي كريم لي وشي ده وعايزه انضف لوني الشرب ده اصﻵ لوني خمري حلو شديد حبة اهتمام ببقه رهيب مابحب اجلخ نهائي قالت لي شكلك ناويه نيه خطيره 😏 قلته ناويه ارجع كرامتي واشوف حياتي ومستقبلي واولادي .. مها صحبتي عسل مااتغيرت مني نهائي ..
طلعت مشت مني بعد حكيت ليها كل شي وشجعتني وصفت لي مكان انزل فيه زومبا لازم انزل الكرش دي وارجع لي لبس الاسكرتيات تاني
المغرب جه قاعده مع اولادي ومجتهده مع محمد تقول ممتحن الشهاده .. جانا احمد داخل السلام عليكم .. وقعد قمته لبسته توبي وجبته ليه مويه مااتغيرته في اهتمامي معه جوه البيت .. تعال يامحمد شوف جبته ليك شنو محمد جرا ليه جاب ليه ايباد قال ليه نزلته ليك فيه قران والحروف والكلمات انجليزي وعربي ولدي فرح وبقه انطط قال ليه روضتكم حلوه قالو لي ولدك شاطر .. عاين لي قال لي مشيت ليه في الروضه ومعلمتو اتكلمت معاي .. كويس انك عرفتي تتعاملي مع محمد قلته محمد ده ولدي قطعه من روحي وسندي في الدنيا دي لواتخزلته في ناس الدنيا دي كلهم مابتخزل في ولدي 😏 صراحه انبسطه شديد بالايباد لانو بعلم وبحفز في نفس الوقت وعجبني انو اهتمه بمحمد .. قام دخل الغرفه لقاها نضيفه وملابسو مرتبه بعد طلع من الحمام قلته ليه اخت ليك الغدا قال لي ااي جيعان شديد .. جبته ليه الغدا ومشيت قال لي تعالي اكلي .. قلته اتغديت مع اولادي بالهناء ليك .. اتغدا وخلص جبته ليه الشاي بحبو بالقرنفل .. قال عهد اقعدي صلحته توبي وقعدته ذي المأدبه قلته ليه نعم . . قال يعني حتلبسي التوب كدا في البيت قلته معليش كدا مرتاحه .. قال طيب انا مبيت في البيت التاني شوفي واحد من اخوانك ابيت معاك .. قلته ليه يعني كل ماتبيت في بيتك التاني اجي واحد من اخواني ابيت معاي .. انت امش لمرتك وانا واولادي بنقفل علينا بجوه وبنوم قال لي كدا مابكون مرتاح لا يااخوي كون مرتاح وماتخلي شي اقلق بيك وماتخاف على اولادك معاي واصﻵ الليله مبيته في بيت ابوي عشان بكره عندي مشاوير وبخلي اولادي مع امي قال مشاوير وين قلته ليه مشواير خاصه بي انا .. قال لي ورح اوصلكم قلته عماد بجينا اصﻵ ناس امي قريبين قوم امش انت عشان بيتك بعيد مع انو ماعارفه وين .. عهد يابت الناس قومي انا بوديك وماتعصبيني .. اجي اعصبك في شنو خلاص ودينا بتعامل معه ببرود قاتل .. مشيت لبسته اولادي ولبسته لي عبايه وطرحه ومشينا .. تاني يوم مشيت السوق جبته كل شي دايره وجبته فتامين c وكريمات جسم وشعر وخلطه ظااابطه لي وشي وقريب لناس امي في صالة زومبا سجلته فيها من 10_12
