اهله مابدوني ليها احمد كان واقف انت غبي وكيف تقول كدا ماعارفه مرتي وعايزه اضربو😡 قال والله ماقايله بت حاج عبدالله والله وانا بعتذر عصام جه قال ليه مالكم .. قال جه عريس لاختك مبروك .. الولد اعتذر وقال ليه ماكنت قايله اختكم قال ليه حصل خير
بعد رجعنه البيت امي قالت لكن اذ لا حنه لا دخان ولا دبله ما لابساها البقول انك متزوجه منو ابوي قال لي البسي دبلتك قلته ليه طيب..
مشيت بيتنا ومعاي اولادي لقيت احمد قاااعد .. اول ما دخلته اولادي.. جيت احمد قال عهد داير توصليني وين عاجبك انا قاعد واخطبو مرتي قدامي وضرب الطربيزه .. بس ليهم حق لا متحننه ذي النسوان ولا حتى لابسه دبلتك .. قلته بلبس الدبله مشيت جبته دبلتي لبستها قدامو كدا خلاص انا متزوجه .. قال لي ماقلتي بقت كبيره .. مشيت خليتو
في الفترة دي عصام اخوي خطب وجهزنا كل شي وعرسو بعد اسبوع ..
في الفتره دي انا في بيتنا واحمد لاولادو .. عندي بت عمي اسمها تونه بتاعت طلس ع قول رمق العيون قال لي رئيت ليك رؤيه انتي بترجعي لراجلك وبتجيبي ليك ولد ضحكته وقلته ليها ماظنيت لانو قلبي ابه احمد ده .. بقيت مشغوله في عرس عصام .. امي قالت لي لو ماتحنني لعرس اخوك ماعافيه ليك قلته ليها طيب بتحنن .. العشاء في صالة الاحلام يوم الجمعه يعني بكره جاتنا الرسامه في البيت رسمته انا وامي وبنات اعمامي .. يوم الجمعه مشيت كوفير جمبنا كويت شعري ولفيتو كلو في البيت جاتنا ميكب ارتست ظريفه كدا مكيجتنا مكياج نااااعم
لبسته اولادي ولبسته ومشينا الصاله .. الصاله كانت رهيبه وبالابيض كلها فخمه شديد انا لبسته توب اسود حلوووووو فيهو لمع بالدهبي بعيده كدا وشبط دهبي خطير لابسه معه جوه اسود
شعري كلو ملوف وفكيتو ساي لورا ميكب خطير اولادي بدل سود وبتي فستان ابيص عماد لابس برضو بدله سودا والعريس برضو برضو بدله سودا .. بعد الزفه والعرسان دخلو المنظم وقفني انا وعماد واولادي يسار العريس ويمينو امي وابوي وبتي شاله عصام واتصورنا بعد التصوير انتها والحفله ربت المصور بقه موقفني انا وعماد كنا رهيبين . احمد وناس عمتي كانو في مشيت سلمته عليهم احمد مانزل عينو عمتي قالت لي عيني بااارده عليك ماشاالله اسامة قال انا اصﻵ بقول مرة اخوي مززززززه تعالي نتصور اتصورنا انا وهو .. قلته ليه تعال صورني مع عمتي
عماد اخوي جاب لي اولادي قال شاغلني من المززز احمد مسك اولادو وسال وعد بتي وين .. قلته ليه شايلاها امي .. اسامه اخد صوره للطربيزه كله .. قلته ليم ماشه انا خلي اولادك معاك .. جه لاحقني قال التوب ده مااقع من راسك قلته سمح ياعم الشيخ.. ولو شفتك بترقصي مع زول غير اخوانك وديني اخرب الحفله دي .. قلته انت جنيت لا جنيت شكلك وبعدين حاارقص مع منو انا ومشيت .. مباريني بعيونو لحد مادخلته الساحه .. جه راجع الطربيزه وقرفان عمتي قالت ليه رجع مرتك مادام عاجباك كدا قال ليها ياامي حلفت ماترجع لي ..اعمل شنو انا عنيده عمري مااتوقعتها تكون عنيده كدا .. اعمل اي حاجه ورجعه اسمع من امك سعادتك بس مع بت اخوي الجبرتك تعرسه 😏 الحفله كانت رهيييبه وبتاع التصوير كل مره خاتيني في الشاشه وانا وعماد كملنه الرقيص زمان ماكنت بعمل كدا الحفلته انتهت وكنا واقفين بنتصور بعد الجرتق جاني ااحمد اها الحفله انتهت ولادك نامو ناويه تنومي هنا وله مسافره مع العرسان .. قلته ليه هاااا الظرافه الجاتك فجاءه دي 😒 قلته ليه ماشه بيت ناس امي طبعآ قال لي انا بوصلكم وادي عربيتك لعماد عشان الدنيا ليل ومابخليك تسوقي .. قلته ليه عماد موصل العرسان قال خلي اسامه اسوقه شال مني المفتاح .. واحمد شال اولادو وداهم وجه شال مني وعد وناس امي مشو وعمتي مشت مع اسامه والعرسان مشو المطار ماشين جزر الكناري (حالكن كلكن ان شاالله ) بعد كم يوم مشيت بيتي لقيت عليه حاله واحمد عامل عمايل مجدع ملابسو شكلو كان بنوم طوالي في البيت ناديت الحبشيه ورتبت البيت وغسلت ملابس احمد ..
احمد بهناك قاعد مع عبداالله ..مالك يااحمد ماعاجبني وشكلك مرهق قال ليه عهد حتجنني .. قال ليه كيف .. ماشغاله نهااائي ياعبداالله وشكلها جد ماناويه ترجع لي .. ومرتك ديك كيف قال ياخ ديك عذبتي عذاب وياريتني ماعرسته واحده انانيه وبتخلف من عهد في كل شي من عرستها بقارن بينه وبين عهد ياخ فرق الليل من النهار بالجد صدقت امي عهد مكمله والكمال لله بس عنيده عنيده شديد وراسه قوي .. تعرف ياعبداالله اكتشفته اني بحب عهد دي حب ومن زمان بس بكابر .. انا كنت عارف انك بتحبها .. ياخ بركه العرسته عشان تشوفه بعيونك الاسي ديل .. انا متاكد انها بتحبك لسه وصدقني هي بتعمل كدا عشان بتحبك بس موجوعه منك وعايزه ترد كرامته.
بالليل احمد جه ولقه البيت نضيف ومرتب ومبخر اولادو من شافو جرو ليه انبسط شديد وجه شال وعد وختاهم كلهم معه في السرير.. عاين لي قال حمدلله ع الله بالجد البيت من غيركم ماليه طعم .. قلته الله اسلمك جبته ليه مويه وعاين لحنتي. قلته اخت ليك تتغدا قال لي ماداير تعبات داير ارقد رقد مع اولادو في الهول.. جبته ليك شبشب الحمام وغيارو لانو ظاهر عليه فتران رقد ونام في مكانو وبشكلو داك واولادي اتعشو ونامو دخلتهم الغرفه ونيمته وعد اتوضيت صليت العشاء ولابسه عباية الصلاة وقاعده اقراء قران الساعه بقت 12 واحمد ماصحه قلته اصيحه اغير واياكل احمد . احمد . ماصحاني قربته وضربته براحه في كتفو لقيت جسمو نار فتح عيونو وبس عاين وغمض تاني احمد مالك حاسي بشنو جسمك مولع نار .. قال لي مصدع شديد وبطني واجعاني وحاسي اني داير اموت وغمض عيونو قلبي وقف جريت ضربته لاسامه قلته تعال لينا احمد ده عيان شديد .. عملته ليه مكمدات وطلعته الشرابات من رجولو وعملته مكمدات في رجولو حمتو نااار بصحيه احمد احمد بفتح وبرجع انوم تاني .. تلفوني ضرب لقيتو اسامه قال لي افتحي الباب .. لقيتو اسامه وعم محمد وعمتي مخلوعه وتبكي .. قلته احمد كويس بس محموم .. عمتي صحتو صحه قال ليها تعبان داير انو اسامه رفعو وتكلو للعربيه بكييييت وعمتي تبكي عم محمد قال لينا كويس ماتخافو وصلو العربيه ورقدو ورا عمتي قالت امشي معاهم وانا وعمك بنقعد مع الاولاد اسامه ساق العربيه وانا ختيت راس احمد في رجولي وهو راقد والكمادات معاي بخفف في الحمى قام ناده عهد عهد وانا ابكي😭 اسامه قال لي بهضرب من الحمى 🤒 ماتخافي .. وصلتنا المستوصف الدكتور قال مهبط شديد اول شي ركبو ليه درب وحقنه مسكنه 💉 تاني تعالو اعملو الفحص مشينا الاقامه القصير اخد الدرب والحقنه راقد وانادي عهد عهد اسامه قال لي صاحبك الحبيب واقع لشوشتو 🤪 ضربتو قلته اخوك عيان وانت بتترازل .. قاعدين جمبو الدرب خلص واعمد بقه واعي قلته ليه احمد بقيت كيف اسي .. عاين لي قال انا وين اسامه قال ليه في المستوصف تعبته وجبناها هنا عاين لي لقاني ببكي قال لي عهد بتبكي مالك الدكتور قال ليك حااموت وله شنو واتبسم 🤪 قشيت دموعي قلته ليه ببكي على نومتي الطيرتها لي .
بالاستغفار
تاابعو صفحتي الشخصيه عشان ماتفوت عليكم الحلقات يامزز
