قلته ليه اقعد ارتاح ماتمش تم اسبوع .. قال شغلي واقف احسن امش وطلع كان زهجان شديد وطلع بقه كل يوم بجي ابيت معانا بس ساااكت اغلب الوقت .. وانا بمش شغلي ومهتميه باولادي اي نعم في تعب بس الحمدلله العربيه مريحاني شديد .. في احمد اتاخر شديد قمته ضربته ليه قال كويس لسه متزكره رقمي قلته ليه انت وبن قال لي جاي ع البيت ماتنومي دايرك في موضوع مهم قلته طيب .. ماسكه تلفوني بتونس مع بت خالتي رينا في الواتس مساهره لقيته .. جه داخل قال لي السلام عليكم رديت ليه دخل غرفتو وغير وناداني .. مشيت قلته ليه مالك خير .. قال اقعدي واشر على السرير مشيت اجيب الكرسي مسكني قعدني قال لي ماحااكل انا 😏 قعدته اتربع لي في نص السرير وبعاين لي في وشي عهد اسمعيني 🤨 انا المره الفاتت سمعتك للاخر واسي دايرك تسمعيني .. قلته اسي مساهر بي عشان ده قال ده اهم موضوع لي ماعندي اهمه منو .. قول يااحمد سامعاك .. تسمعيني للاخر وماتعقبي الا انتهي 😡 قلته حاضر .. قال لي عهد لمن عمتي قالت لي تعرس بت اخوي ابيت وبشده ماعشان انتي فيك عيب وله شينه اصﻵ ماكنت بعرفك غير شكل بس مابعرفك عند حاجه .. رفضته وقلته لامي مستحيل اعرس البتقولي عليها دي .. امي خطبتك واصﻵ انا ماعارف .. برضو ابيت لحد ماقالت لو ماعرستها ماعافيه ليك وقسمآ بالله اطفش وماتعرف لي طريق .. وافقته .. حتى ماكان عندي نفس اعمل اي حاجه ولا وقفته في مراسم العرس بس بقول دايرين كم وبديهم القروش .. يوم الخطوبه اصحابي قالو بختك خطيبتك مززززه بس انا شايفك عاديه وكذالك العرس بعد العرس بفترة ابتديت احس بوجودك معاي ومرات بفقدك لمن تمشي ناس امك وكنت بخااف عليك تحصل ليك حاجه لمن تكوني ماشه ع الولاده بس عشان اتفرضي علي ماكنت داير اعترف باهتمامي بيك او باني مشدود ليك واتعودته على الروتين اليومي انت مره ممتازه وقايمه بكل واجباتك وانا مامقصر فيك وصراحه كنت حريص ماادي نفسي فرصه تقرب منك والسنين مشت .. اخو امل بتعامل معاي في الشغل كل مره اقول لي انتي عاجبني وعندي اختي دايتك ليها لحد مايوم عزمني شاي وناده اختو تسلم علي .. ماكنت متحمس للعرس بس البت عجبتني سمحه شديد وماف سبب اخليني ارفض .. وهم كمان استعجلو للموضوع وعقدته بعد جمعه .. وانا خلاص دايره اخبطو في راسو الكبير ده .. قال اسمعيني للاخر قلته ليه سامعاك
ويوم جيت وريتك اصﻵ كنت عاقد .. وماكنت نااوي اقول اني اتجبرته عليك بس لمن قلتي وافقته بيك وانت مامتعلم استفزيتيني وندمته عليها في لحظه وامن شفتك منهاره قلبي وجعني شديد وطلعته طوالي وتميت العرس .. لكن اشهد الله من اول يوم وانا في شهر العسل انتي في راسي وحسيت انك مابتستاهلي .. وجيت راجع امل ماكانت سيئه بس انا ماكنت مركز معاها لاني كنت مشغول بيكم وخصوصآ امي كانت زعلانه شديد وقالت حتندم وفعﻵ ندمته اشدا الندم .. صراحة اتفاجئته لمن جيت لقيتك في البيت وفرحته شديد واتفاجئته اكتر لمن كنتي بتهتمي باكلي وشرابي لكن الصدمني برودك تجاهي كانك بتتعاملي مع عم اولادك ولبستي مني التوب .. وكل يوم بتفاجئيني بحاجه جديد انك غيرك في شكلك شديد وبقيتي احلا بت اشوفه البشوفك بقول انك مامتزوجه والدليل الود الخطبك في وشي 😡 ويوم اشتريتي العربيه ونزلتي شغل كل يوم برجع البيت بتفاجاءه بحاجه بس صراحه كل يوم كنتي بتعجبيني اكتر وده كلو كوم ولمن انتبهتي لمشكله محمد وحليتيها كوم تاني ياخ لو واحده غيرك ماتصدق وتحاول تكرهو في ابو زياد مااهمها انو ولده اضيع المهم تشفي غلها وتنتقم من راجله .. لكن انتي عكس كل النسوان وصدقت امي لمن قالت لي عهد مكمله الكمال لله ..
عهدي انا بحبك موووووووت انتي اغلا حاجه في حياتي والله حسيت بغلاوتك عندي من اول يوم طلعته فيه وعرسته امل ماكعبه بس حسيت اني مامعاها وظالمه بسببك عشان كدا كان بينا مشاكل .. مدا لي ورقه.. قلته ليه دي شنو .. قال لي اقريها لقيته ورقة طلاق امل 😱 قال لي احسن تشوف حياته مع غيري لانو انا ماليها ..
عهدي سامحيني والله تبته وحرمته وعمري مابكرره تاني حبيبي ردي علي اول مره اقول لي حبيبي .. قال لي عارفك بتحبيني هنا بكيت 😭 .. يابت انا مكسرك من زمن انتي طالبه في الجامعه اعترفي ساي 🤪 (يابنات كفايه مردقه قال حرمته) قمته ضحكته واحلا ضحكه البتجي مع الدموع طوالي دي بتتطلع من جوووه ضماني عليه ضربتو في سدرو قلته عمري ماحبيت غيرك ياغبي ضماني اكتر قال لي حبيتي الغاليه شوفي جبته ليك شنو طلع من تحت المخده علبه في حجازتين و6 قوايش ولوعد سلسل صغيروني وحلق قلته ديل لي قال لي تستاهلي روحي انتي موش دهب اترميت في حضنو انا قال لي قبل شويه ماكنتي داير تقعدي في كرسي ولابسه توب مني 🤪 ضحكنا ياها الفرحه والانبساطه الكانت ناقصاني وحصل الحصل ساقت معاي والحظ ضرب انا ماخطير انا ماصعب
النهاااااااااااية
