كان غرفتين وهول ومطبخ وصالون رجال منفصل وحوشين احمد مدين وملتزم شديد
المطبخ رهيب وماناقص ملعقه وغرفة النوم خطيره والبيت كلو مفروش
اهالنا رحلونا وكان يوم رهيب وعملنا كرامة البيت
بعد الناس مشو جيت لاحمد قلته ليه احمد .. انت البيت ده فرشتو كدا وجهزتو براك . قال اااي انا وصاحبي عبداالله قلته حتى تنساق الالوان وغرفة النوم .. قال ااي .. قلته يعني ماكنت خاطب ليك واحده او متفيق وهي اختارت معاك العفش لانو صعب راجل انسق كدا ... قال لي لا والله ومابكذب عليك وماف سبب اخليني اكذب عبداالله صحبي لمن جه اعرس قال لي انت بيتك ماجاهز ماتشتري معاي العفش واسي اكيد ارخص من بكره وبس بقينا اي حاجه بنجيبا 2 حتى ست الدهب جبنا .. عشان كانت مصره اعرس بعد جهزته اي شي .. وخطبتك لي وانا مااعترضته .. قلته ليه تمام
عشنا في بيتنا ده واي ناقص تمه واي بقول دايره بجيبو لي بس كنت ببرود في علاقتنا وبيتنا بارد مافيه اي دفئ .. يوم جيتو قلته احمد انا دايره انزل شغل قال لي مستحيل .. والموضوع ده حسمنا من زمان قلته ليه طيب احضر قال لي اصبري نشوف لقدام
وبعد كم شهر حملته وكلمته احمد فرح شديد وضرب لعمتي ووريت امي واخواني عماد قال واخيرآ حاابقى خال وعصام فرح لي شديد وابوي وامي وناس عمتي جو باركو لي .. وبعد تميت ال 9 ولدته واحمد ماقصر معاي وداني احسن مستشفى وجاب غرفة ولادة رهيبه وجهاز البيبي رسلو علا اخوي من قطر ماكان ناقص شي والفرحه تمت بالولد .. واحمد كان مبسوط شديد وسمه محمد على ابو والسنين مشت وبعد 6 سنه
وانا عندي ولدين وبت
محمد 5 سنه😊
علي 3سنه😊
وعد سنه😊
احمد بحب اولادو شديد ومدلعم ع الاخر بالذان وعد بقول ليها بتي السمحه ماف زول ازعله وانا اتعودته على حياتي احمد قايم بكل واجباتو حتى لو كانت مشاعرو تجاهي باااره وانا اتعودته وقلته ده طبعو كدا اتعايش معه بس .. وانا قايمه بكل واجباتي ومهتميه ببيتي واولادي مع محمد في الروضه وقلته اقري كويس اطلع لي ذي خيالانو
ومهتميه بااحمد شديد من عرسنا بصحى بلقا غيارو جاهز وعصير وشاي وبمسك اولادي عشان ماازعجو وقت نومو الاكل بسوي ليه الحاجه البحبها .. وبعزم اصحابو بطبخ ليه كل الانصاف من بلدي لاكل فرم وبعمل حلويات .. حتى مره صاحبو قال ليه عندكم طباخه قال لا دي مرتي ..
.
.. قال ليه مبالغه خلاص بجيب ليكم مرتي تعلموها لي الطبيخ حكه لي وضحكنا .. بعد ولدي الاول جاب لي حبشيه معاي في الاول كنت رافضه عشان ماعندي موضوع وبحب النضافه وبتجي بت تنضف لي جمعه وخميس وتغسل لينا.. يعني الظاهر للناس اني اسعد مره على الوجود راجل سمح وماكبير ووضعو المادي عالي واخلاقو اضرب بيها المثل بس برودو معاي ده من عرسنا وطول السنين دي مااتغزل فيني وبحبك دي قال كم مره بعد انا بسالو وبضايق منو وخلاص استسلمتا وبقيت متعايشه معه قلته امكن عشان المفارقات في التعليم مع انو بحس انو متعلم احسن مني من طريقة تواصلو مع وطريقة ادارتو للشغل كبار التجار ماشه وره😊 قلته يابت ماتركزي وتنكدي على روحك احمدي الله واهتمي بس ببيتك واولادك .😔. يوم جه داخل وبتو اتشعبطت فيه شاله وقعد قصادي .. قال عهد قلته ليه نعم 😧 كان جادي قلته خير في شنو يااحمد .. قال انا قلته اكلمك احسن من ادسك منك .. احمد حرام عليك في شنو .. قال انا داير اعرس 😱 ويوم الجمعه عقدي .. حسيت الدنيا لفت بي وبطني طمت ودايره استفرق اسواء حاجه ممكن اتخيله وماف خبر اسوا من دا والله نهائي مافكرته يوم انو اعرس ولا جه في بالي 😢 مساااافه حتن رديت كيف تعرس ولشنو وناقصك شنو انا يااحمد مقصره فيك وله في بيتك وله في اولادك وريني سبب اخليك تقول كدا .. قال ماف شي ناقصني بس عايز اعرس والشرع حلل اربعه وانا مقدر افتح 10 بيتوت بدل 4 .. بقيت ابكي 😭😭😭 قلته انا الرفضا كل العرسان عشانك وانا الوافقته بيك وانت مامتعلم قلته الجمله دي وانا واقفه في وشو وبكورك .. قال لي انا الوافقته بيك واصﻵ مادايرك 😨 (ده منظري) وانا العرستك عشان امي جبرتني عليك 😱😱😳😨 ولو ماامي قالت انها حتطفش ماكنت دايرك ..
راسي لفه وقعدته في الكرسي ومافتحته خشمي بحرف .. خته بتو وطلع محمد ولدي لقيتو واقف في الباب بعد ابو طلع جاني جاااري ماما مالك ماما بابا دقاك .. ضميتو علي وابكي بصوت ذي الميت لي زول ولو مات لي اعزا زول ماببكي بالطريقه دي ..
البت الحبشيه ماما مالك ماما في شنو .. قلته ليها امشي جيبي لي امجاد وله تاكسي ..
لبسته اقرب توب والحبشيه جابت لي تاكسي قلته ليها قفلي البيت كويس وامني .. ودي قروش الشهر كامله وانتي في اجازه حاولته الملم روحي وسقته اولادي وقفلته البيت ومشيت بيت ابوي.
.
.
.
.
بتاع التاكسي قال يابتي المات ليك منو .. وماشه وين وصفته ليه بيت ناس امي وقلته ماف زول مات راجلي عرس فيني .. قال يابتي بتعبرك بتي لانو عندي بنات قدرك .. لو دايره تاخدي حقك من الراجل ماتنكسري ليه وماتضعفي ليه .. خليك قويه وامسكي اولادك وانتبهي ليم ماتخلي الفات عرس غيرك ادمرك وانتي تدمري اولادك . قلته شكرآ ياابوي قربنا البيت .. قلته عمو حسابك كم قال وصلتك ساي هديه .. ختيت ليه مبلغ قال لي ده كتير يابتي قلته والله تشيلو ونزلته ونزلته اولادي وقلته امسك روحي عشان امي الضغط مسحته دموعي ودخلته لامي .. من شفتها دموعي جرو ذي السيل .. مالك في شنو وتكورك .. امي ماف شي ختيت بتي وعلي جرا العب بس محمج واقف من جنبي مازحه .. امي يابت كلميني .. امي احمد عرسو يوم الجمعه احمد منو قال لي 😨 قلته راجلي والواجعني قال انو عرسني عشان عمتي جبرتو ولو ماكدا ماكان دايرني امي حضنتي وتبكي وتبكي الله اخلي لينا امهاتنا ماف احنه من الام
بالمساء ابوي واخواني عماد وعصام جو حالتي حاله وامي ماسكه بتي بتاكل فيها امي تحكي لابوي وتبكي 😭وعماد احمد الواطي هو احمد ربنا انو اختي وافقت بيه وديني مااخليه ابوي وشو جاب مية لون قال عماد لو سمحته ماعايز طيش .. عصام جاني جوه قال لي عهد اختي من شفتو بقيت ابكي ومحمد ولدي ابكي معاي قعد جمبي وبقه اهدي فيني .. قال العرس ده مابقدر اقول فيه شي بس اقول انو انجبر عليك دي الوجعتني .. عماد قال انا بطلقك منو طلع حقير .. قاعدين كدا عمتي جات .. امي قالت شفتي ولدك .. قالت عهد وينه دخلت لي جوه امي وابوي جو معاها وانا بس ببكي اولادي بقو ابكو معاي .. عماد نطقه قال ليها عمتي انا غير ورقة اختي ماداير واختي مامعيوبه عشان تجبري ولدك عليها .. ابوي قال ليه عماد سوق اولاد اختك واطلع بيهم بره خليهم اسكتو محمد قال اصلو مابزح مني مسكتو قلته خلي محمد معاي.
عمتي قالت عهد اسمعيني يابتي والله انتي مامعيوبه وعشان مكمله والكمال لله اخترتك لي اعز اولادي .. قلته عمتي شوف اعزا اولادك عمل فيني شنو .. بعد عرس فيني عيرني وقال انو اتجبر علي ولو ماكدا ماكان عايزني .. عمتي انتي ظلمتي ولدك لمن جبرتي علي وظلمتيني انا .. كنت حاسه في حاجه ماتمام من يوم الخطوبه بس قلته طبعو كدا وابكي 😭 عمتي تبكي معاي قلته حصل خير وقسمة اولادي ديل وتاني مامجبور علي.
