احمد امش الصيدليه جيب لي الويز وله قول ليه فوط نسائيه وجيب لي مسكن سريع 😭 .. قام جري مشه ياحليلو مشه الاستقبال سال من صيدليه وصفو ليه جاب المسكن لقاني بتلوى في السرير .. جاب لي مويه وفتح لي الحبه بلعته وخته كيس الالويز جمبي .. قال لي المسكن ده بريحك وله بتعملي شنو انتي.. قلته ليه باخد حقنه بتريحني اكتر بتكلم معه كدا بطني طمت شديد جريت الحمام استفرقته 🤮 دخل وقف معاي واداني منديل قشيت خشمي قال لي طلعتي الحبه .. قلته ليه لا وانا مهبطه ماقادره اقيف قعده قلته معليش جيب لي كيس الالويز.. مشه جابو وطلع قفلته الباب لقيتو جايب لي 3 انواع الويز ختيت واحده وطلعته وانا حيلي ماشايلني ياحليل امي ياما تعبت مع مغصي ده 😢 قعدته في الارض جم السرير وخاته راسي في السرير جه احمد قال عهد عهد بقيتي كيف .. قلته احسن وانا ببكي قال لي وريني اعمل ليك شنو قلته ليه بياخد زمنو وبروح ياهو المسكن وبشرب حاجه دافيه 😔 قال لي طيب قومي في السرير قلته ليه خليني هنا مرتاحه بس ممكن تقفل المكيف .. قال لي طيب وضرب لناس الفندق عايز شاي وله نسكافي
رقدته في الواطه عديل واتبشتن وبيني وبينكم زايده العيار حبتين 😉 بس والله انا مغصي من الموت 😭 جه قعد جمبي في الارض واقول لي ورح المستشفى ده شي ماطبيعي قومي .. قلته خليني بس انا عارفه مغصي ..
قال لي طيب قومي في السرير قلته اصﻵ برقد في الارض مدا يدو داير امسكني ورجعه 😔 قلته واااي ياامي احمد رجعني لامي .. قال طيب نرجع قال لي تعالي ختي راسك هنا اشر لي رجولو ولا كضبته طوالي ختيت راسي بقه امسح في شعري واقول لي معليش المسكن اسي بريحك 😍 واي من حنيتو على قدر ماشكلو عصبي وجادي ومابحب الكلام بس شكلو حنين والراجل الحنين كنز
وهو في نفسو بقول اعمل شنو شكلها متالمه شديد عاين لشعري ولبجامتي وحنتي والبشتنه الانا فيها وبقه سرحان فيني
قلته ليه رجلك وجعتك .. قال لي لا خليك انتي مرتاحه الباب خبط .. قال لي دقيقه فتح الباب لقه خدمات الغرف جايب لينا شاي في عربيه وبسكويت ..
احمد دخلو وكبه لي كبايه قال قومي .. قلته سكرو مااكون كتير عشان بطني طامه شرب حبه منو .. قال لي سكرو كتير بكب ليك غيرو .. جابو وجه قعد جمبي مدا لي اشربي قلتي الدافي بريحك شربته والمسكن ريحني شديد قال لي شكلك احسن قلته ليه اااي
ولسه ببكي.
.
.
تلفوني ضرب لقيته عماد اخوي احمد قال ماعايزه تردي قلته صوتي متغير احسن ماارد قال لي طيب
قال قومي السرير رفعني من يدي وقمته رقدته والمشبك الفي شعري وقع وشعري بقه مفكوك ساي قلته ماش وين قال لي اخت الكبايه ختاها وجه قال لي اتغطي كدا بتدفي اكتر ولسه ببكي وبتمخت قال لي لسه قلته احسن ونمته نومه ماصحيت الا الصباح لقيتو.. نايم في السرير معاي انبسطه شديد وبقيت اعاين ليه بالجد حلو كيف وراااااجل ودعمتي حبيتو اضعاف بعد موقفو معاي امس نزلته وشغلته ليه المكيف احمد صحه قال صباح الخير.. قلته ليه صباح النور جيت قعدته في السرير وهو لسه راقد 😇 قال بقيتي كيف قلته ليه تمام الحمدلله 😁 قال شكلي نمتع كتير قلته ااي قوم صلي وخلينا نشرب الشاي انا جيعانه قال لي طيب مشه ادوش وغير وجعه لقاني عامله مكيب خفيف والتوب جدعتو من امس 😉 وقف في المصلايه صلى وقعد يسبح جيت قعدته جمبو في الارض عاين لي .. قلته دايره اشكرك قال لي عشنو ؟ قلته ليه ع موقفك معاي امس بالجد ماقصرته معاي الله اخليك لي ان شاالله .. قال العفو انا بعمل كدا مع الاغراب خلي انتي بت خالي . قلته ليه يعني بتعمل كدا مع البنات 😱 قال بنات شنو موقف امس ده اول مره امر علي وعارفه انا بعيد كيف عن عالم البنات انبسطه قلته طيب جيب لينا الشاي
شربنا الشاي وبقت بينا في حبة ونسه عديت ايام المغص فسح وخروجات يوم عندي فستان ع الجسم لبستو واتمكيجته وشعري فكيتو تحت الطرحه وجيت قلته ليه انا جاهزه 😊قال لي طالعه كدا 😡 قلته في شنو
قال لي اسمعيني ياعهد انا ملتزم في حياتي وماديوس عشان تتطلعي معاي الشارع كدا في الايام الفاتت فوته ليك حد المعقول وقلته عروس بس صراحه الليله كترتيها لو عايزانا نعيش من غير مشاكل تسمعي كلامي غيري الفستان ده ولمي شعرك ولو ماعندك حاجه ساتره اكتر من كدا ورح وانا بشتري ليك البعجبك ... قلته ليه طيب مشيت غيرته الفستنان بواحد فاااري ولفيت الطرحه وجيتو قال لي كدا كويس .. طلعنا واتفسحنا واي شي بعجبني بشتري لي وكريم معاي شديد بس لسه رسمي مبالغه الضحك والهزار في حدود ..
.
.
.
قلته ليم خير الله اسهل صليت العصر ونزلنه اتغدينا تحت وطلعنا نتفسح قلته ليه نفسي نمشي الاسكندريه قال نشوف . احمد فتح الباب من الخجل ماقدرته اعاين ليه وهو زاتو مكسوف شديد . طبعو غريب الراجل ده بعد مسافه قال لي صباح الخير .. قلته ليه صباح النور قال ننزل نشرب الشاي تحت قلته تعبانه خليني هنا ..
قعدنا في القاهره 20 يوم كنت مبسوطه واحمد كويس وكريم معاي وطلباتي مجابه بس في شي ماعاجبني ماذي كل العرسان البسمع بيهم وبشوفم ونسه وضحك وجن ومشاغلات قلته يابت احمد ده طبعو كدا وماكل الناس واحد
نزلنا السودان قلته نمش نسلم على ناس بيتنا ونمش تاني بيتكم ضرب لعمتي قال بنمش ناس خالي وبنجيكم عمتي قالت ليه عديله ياولدي وماتنسه تضبح الحلاله ونحن كلنا بنجيكم .. لقيت اخواني خاتين خروف وعبدالله صاحب احمد جاب واحمد وضبحو الكرامه وواتونسه مع امي واخواني ومها صحبتي وناس عمتي كلهم جو واحمد اشترى لي هدايا لناس بيتنا وصحباتي وجبتا لعمتي واماني اختو .. امي قالت اها كيف قلته الحمدلله كل شي تمام واحمد كويس وكريم معاي وحنين وحكيت ليها قصة المغص امي قعدت تضحك قال لي احمد ودناس ومهذب الله اسعدكم .😊
بالليل مشين ناس عمتي قعدنا معاهم كم يوم على بال بيتي مااجهز واتنضف بس هو ماداير حاجه كتيره جاهز من زمان قعدته مع عمتي وكانت مدلعاني شديد ..
عمتي قعدت مع احمد قالت ليه اها يااحمد ولدي قول بت اخوي كيف معاك قال ليها كويسه .. قالت ليه بالجد ياولدي مبسوط وله لا قال ياامي عهد بت كويسه وانا عارف كدا واسي ماف شي كعب ومع الزمن بنتعود على بعض اكتر امو قالت ان شاالله ياولدي ربنا اسر بالكم ..
بعد كم يوم رحلته بيتي كان حلو شديد..
