اسامه قال ورح مادام فتحته قوم امش برجولك هديت لي حيلي ضحكنا نزل قايم قال ااااه قلته مالك جريت جمبو قلته ليه مالك 😨 قعد اضحك قال ماف حاجه 😁 شميتو ومشيت اسامه بقه ساندو ودخلنه الدكتور حكى للدكتور بشكي من شنو كتب فحوصات دخل المعمل عمله والنتجيه بعد نص ساعه قاعدين منتظرين وبعد المسكن ارتاح شديد اسامه عامل ذي عماد اخوي .. قال ياعهد في زول كان بهضرب بقول شنو ؟؟😇 قلته ليه هضربه ساي هي عامل لينا فيها شخصية ماف منها وهو راسو خفيف حبة حمى كشح لينا اسرارو كلها .. بقه عامل كدا 😳 قلته شنو انا ابينا نوري النتيجه طلعت ودخلنا الدكتور .. قال ليه عندك تايفويد والتهاب في الدم عالي شديد وهبوط حاد .. شكلك مرهق نفسك ومابتاكل .. راجعين ع البيت واحمد ركب قدام .. اسامه قال عهد الشاب ده لسه تعبان ختي راسو في رجولك 😱 اسامه قاصد افهمو لانو كل الناس عارفه بعد عرسو انا اخدته موقف منو ..ضربتو في كتفو وقلته سوق ساي .. احمد عاين لي واتبسم .. وصلنا البيت الساعه 3 عمتي قال ليه خوفتنا ياولدي .. قال كويس امي نومو خلاص ابوي نوم ارتاح فتحته ليهم الصالون عمي واسامه نامو فيه وعمتي في الهول احمد دخل الغرفه اديتو غير ملابس الشغل وخلطته ليه عصير اديت عمتي وناس اسامه عصير .. دخلته لاحمد لقيتو راقد قلته ليه قوم اخد علاجك اديتو حبتين وقلته لو تعبان ده مسكن شرب حبه من العصير قلته اشربو كلو عشان انت جسمك تعبان .. جيت قايمه مسك يدي وقال لي شكرآ ياعهدي اول مره اقول لي عهدي قلته العفو.. فكني خلاص .. قال مابفكك قبل توريني .. انا كنت بهضرب بقول شنو .. قلته ليه مابوريك قال لي حلفتك .. قلته ليه بتناديني 🤭 اتفكيت منو ومشيت .. عمتي عملت نايمه رقدته في السرير الجمبها ونمته صحيت ذي الساعه 7 مشيت سويت الشاي والعصير عملته كيكه سريعه لقيت عمو محمد صاحي وعمتي جبته ليهم العصير والشاي والكيك اولادي صحو مبسوطين عشان جدهم في البيت .. مشيت اشوف احمد لقيتو نايم طالعه من الغرفه كدا ناداني قال لي انا صاحي قلته قوم عشان مع ناس عمتي بره .. تعالي اسنديني .. قلته ليه قوم براك قال والله ماقادر تعالي مديت ليه يدي مسك فيني قوي .. قال لي فكره انتي احلا مره في الدنيا 😊 قلته عارفه تمش ساكت وله افكك تقع .. قال لي انا الماسكك ياغبيه 🤪
.
.
.
طلعنا الهول عمتي قالت ليه اصبحته كيف .. قال ليها كويس ابوي نمته مرتاح قال ليه اي ياولدي.. انتبه لحالك واكل كويس قال ليه حاضر كبيت ليه عصير وكان عندو حبه جبتها ليه عمتي قالت لي تعالي ياعهد اقعدي جمبي .. قالت امس خوفته عهد عليك تبكي ساااي 😳 وانا اقول عمتي ده شنو وعمي قاعد احرجتي .. تاني يوم الساعه 10 كدا جرس الباب ضرب فتحته لقيت واحده حلبيه سمينه وسمحه لابسه توب ماخمج وراسمه وميكب فل قال لو سمحتي دايره احمد قلته انتي منو قالت لي مرتو التانيه وتتبسم قلته ليها ومرتو التانيه جايه هنا ليه لانو ليه اسبوع ماجه البيت واخر حاجه قال لي عيان ودخلت تووووووش احمد يااحمد دخلت الهول وبتفتش لغرفة احمد مشت ع الغرفه قلته هيييي ماشه وين انتي .. قال دايره احمد بجيك في محلك بتخشي تووووش ذي الغناميه قالت غناميه تقدي مادبه في الكرسي ده ولو احمد ماجاك تتفضلي بره بيتي .. يعني قصدك انا مامادبه وتكورك احمد صحه جه قالت في شنو قلته ليه استلم دي مرتك اتشرفته بشوفته .. قالت احمد مالك سلامتك وعندك شنو جرت عليه تدهنس بالله البت فصلت لمن اتخلعته .. وليه مابترد علي زحاها منو وقال ليها انا عاينت لي .. فهمتها قلته معليش والله ياحلوه ده بيتي دايره تتفردي بيه سوقي بيتك .. احمد قوم ورح وانت داير اهتمام وشكلك تعبان شديد انا مرتك حبيبتك بهتمه بيك وبعدين دي عرستها كيف واحده متخلفه ومابتعرف تتكلم قال لي ذي الغنمايه .. قلته متخلفه انا قومي اطلعي من بيتي .. قالت متخلفه وغبيه كمان .. احمد كورك فيها امل اياك تقولي كلمه في عهد . قالت ليه دي عهد المكرهني بيها عهد سوت عهد فعلت عهد تركت زايده عني في شنو وريني ليك اسبوع ماجيت علي .قال ليها عهد دي في كفه وباقي الدنيا في كفه تانيه ..ماف حاجه ندمته عليها في حياتي غير اني عرسته فيها .. انا تقول ندمته انك عرستي انا بت الحسب والنسب بت المناصب والبرستيج .. وانا بس اتفرج ومبسوووووطه ..قال ليها البرستيج عندك مظاهر خداعه لاعندك اهتمام في بيتك ولا في راجلك ولا بتحسي بي عيان تعبان مهموم ياخ الله اقرفك واقرف اخوك العرفني بيك ..لكن صحي الواحد مابحس بقميه الحاجه الا افقده بس انا مستحيل افقده وعاين لي 😊 انا بس اتبسم قلته ليها اللهم لا شماته 🤭 .. طلعت تبكي قال ليها ياخ اجري اجري زكرني مشهد سمير غانم في مسرحيه المتزوحون😅
بعد طلعت احمد مشه غرفتو وانا في قمة انبساطي بالذات لمن قال ليها عهد دي في كفه سمعتو انادي فيني عهد مشيت ليه قلته نعم ''على قول ابوي التقول مادبه''قال اديني حبوبي داير المسكن جبته عصير واديتو المسكن وعلاج التايفويد بعد اخدو مني جيت طالعه قال عهدي ممكن تقعدي معاي شويه داير اتكلم معاك جبته كرسي وقعدته 😅 قال امس دي كنتي خاته راسي في روجلك 🤪 قلته عايز تقول شنو وله بقوم اشوف اولادي .. قال لي ماحصل سالتيني امل دي اتزجتها كيف ولشنو ..قلته اسالك لشنو زول بقول لي انا ماكنت دايرك ولو ماامي ماكنت عرستك لا والكلام ده بعد سته سنه زواج يعني طول السته سنه معتبر نفسك مجبور علي وانا مفروض عليك .. ياخ انا مادايره اتزكر اليوم وطريقة نظارتك لي وانت بتختني في مكاني عندك خليتني اشمئز من نفسي التقول كنت عايشه معاك في الحرام .. وطلعته خليتني في حاله مااعلم بيها الا الله ولا حسيت بشفقة تجاهي .. حسيت اني عايزه اموت بس للحظه انا محتاره من وين جاتني القوة الوصلتني بيت امي انا واولادي وكمان مشيت شهر العسل ماليزيا وانا وديتني مصر .. بس ربنا قواني على قدر الوجع قواني على قدر صلاتي وقراني قواني .. عهد سامحيني بالجد بتمنى تسامحيني ونبدا صفحة جديده حسيت دموعو نزلت 😢 احمد دايراني اسالك عرسته فيني انا ماكنت مقصره فيك ومتاكدا .. ياشيخ حتى تلفونك بتصحى تلقه مشحون!! بس جاحد نعمه انت وطلعته طوالي منو
مشيت قعدته بره لمن اتنفسته الصعدا ياخ كان نفسي اتفشى من زماااان بس زي مابتقول تونه اذ حضر الكلام لا بارك الله في السكوت دخلته المطبخ سويت بيض مسلوق قشطه ومربى شلتو ليه قلته افطر قال ما داير قلته اكل عشان تقوم ع حيلك رفض اصريت وجبته اولادو اكل..
بعد كم يوم احمد بقه كويس وقال ماش الشغل
.
.
للقصه بقيه ♥
