قال لي انا مرتي مابتشتغل.. قلته ليه طلقني بس وكدا كدا مامرتك
سقته اولادي وخليت عيونو شرار من الغضب بس انا مستمتعه اني بضوقو حته من الوجع الوجعني ليه مشيت وديت اولادي لامي وكلمته بتاع الترحيل انزل محمد في بيت ابوي .. ومشيت الشغل تدريب في مكتب المحامي الكبير عبدالله مدثر عبدالله . رحب بي وقال انو صديق الوالد وان شاالله تستفيدي مننا . وانا في المكتب ضربت لي عمتي. قالت لي تعالي قلته ليها حاضر .. طلعته من المكتب مشيت اتغديت مع امي وسقته اولادي مشيت لعمتي اول مانزلته من العربيه اخو احمد الصغير مجنون اسمو اسامه .قال لي مرت اخوي اقسم بالله بقيتي مزه واحمد قاعد مع عمتي دخلته سلمته على عمي واسامه شال مني وعد .. احمد قال لي استمه سوق الاولاد بهناك امشي اشتري ليم اسكريم فهمتني قصدو ابعد بمحمد .. عمتي قال لي ماشاالله يابتي بقيتي زينه . وانا بنبسط لمن زول امدحني . قلته كيف انتي ياعمتي صحتك كيف . قالت لي انا تمام الحمدلله مبروك العربيه ربنا اسلمك منها انتي واولادك . سلمته ليها في راسه وتسلمي لي انتي ياعمتي . احمد اعاين للدراما دي وقرب اقول لامو انا جيتك عشان دا .. امي عهد نزلت شغل بت اخوك ياامي البتقولي عاقله وست النسوان شغاله وعندها بيته واولاده .. قصدك بت اخوها الجبرتك تعرسه وانت بتكره مش .. عمتي قالت لي ياعهد بتي احمد مابكرهك وقال لي انتو مرتو الاولى ومابقصر فيك .. عمتي اقصر طوالي مابفرق معاي وماعايزه منو شي انا ووريتك انا رجعته بيتي عشان اولادي ولو مصر انو مرتك ماتشتغل طلقني .. عمتي قال لي ماكدا يابتي.. انا بقول عليك عاقله .. عمتي اسي انا ماعاقله رجعته بيتي واهتميت باولادي وله انتو عايزني استحمل عرسو فيني وتعيرو لي وماافتح خشمي عايزيني استحمل كل الظلم البحصل ليها وتقولو واسكتي عشان اولادك والراجل اسوي السبعه وذمته وارجع القاني قاعده في مكانه ومبتسمه ليه كمان هنا بكيت .
احمد جه قعد جمبي قال عهد انا ماظلمتك . قلته ليه ظلمتني لمن عرستني وانت مادايرني.. ظلمتني يوم قلته بي اعلى صوت انك عرستني مجبور وماتفرضته عليك من لحظته كل حاجه كنت شايلاها ليك ماتت واسي كل العملتو ده قسمآ بالله عشان اولادي ودموعي ابت تقيف اتوتر وماعرف اعمل شنو ..بس اسمعني يااحمد لو اصريت على عدم شغلي قسمآ بالله امش بيت ابوي وماارجع بيتك ده تاني.
وماارجع بيتك ده تاني قمته قلته لعمتي انا ماشه بجيك تاني .. عمتي قالت لي مابتسوقي بالحاله قلته انا كويسه طلعته الشارع احمد وراي وعمتي احمد قال انا بوصلكم قلته براي بصل .. مستحيل اخليك تسوقي وانتي كدا صراحه ومعاك الاولاد كنت ببكي اول مره ابكي قدامو بعد اليوم داك .. قلته انت سوق اولادك وانا بمشي براي .. طلعته مفتاح العربيه خطفو مني قال ولا انتي مابخليك تمشي عاينه في وشو وسكته .. اللحظه ديك اسامه جه ومعه اولادي .. احمد جدع ليه مفتاحي قال ليه جيبه البيت قال لي اﻻكبي وامسكي بتك .. عمتي ادتني بتي قالت لي امشو الله اهدي سركم واولادي ركبو ورا ومبسوطين بالذات محمد قال يابابا ماشين نتفسح قال ليه اااي ماش وين انت نمش نلعب .. قال يلا نمش قلته وديني البيت وتاني ودي اولادك محل ماش .. قال لا حنمش كلنا قلته ليه الله ارحم ايام بحنسك تفسحنا وانت ترفض.. عاين وسكت ماسكته بتي وطلعته تلفوني فتحته الواتس والفيس وفتحته صوت الرسايل كل مره تجي رساله لو من قروب او دردشه هااايفه انا اضحك نظام مندمجه وهو كل مره اعاين لي وعصب تلفونو ضرب برد الو انا مع اولادي بجي بكره طيب سلام سلام .. عرفتها مرتو ولا اشتغلته بيه لسه في تلفوني .. واتبسم وشايفه مركز معاي .. الطرحه وقعت من شعري طوالي رفعتها ولفيته .. بعاملو كانو غريب عني نهااائي بقه اعصب شديد من تعاملني وبقفل ليه كل السكك الممكن تفتح بينا حوار .. قلته لسه يااحمد يااامااعذبك.. قال شايفك رجعتي الفيس .. قلته ليه فيس بس فيس وواتس انستغرام ماسنجر تويتر اسناب كل السوشيال ميديا عندي .. عهد انت دايره شنو عايزه تجنينيي وتجن ليه يااحمد انا ماعايزه شي غير اني اعيش حياتي بطريقه البتريحي ماصدقاء انو ربنا فكاني من قيود راجل وياالله لو طلقتني 😊 ابتسمته ليك .. حكه فرامل لمن اولادي كوركو عاينه ليم مخلقوعه قال لي ختي دي في راسك لو تموتي مابطلقك بعصبية مبالغه😡 لمن خفته .. قلته قربته تموتا .. قال احسن نموت كلنا ااي 😡هنا سكته لاني جد خفته واولادي مامنتبهين بنتكلم بصوت واطي ..
وتاني ماف فينا زول اتكلم وماوقف الا جم البيت محمد وعلي زعلو قال ليه ماقلته مفسحنا قال ليه يوم تاني وعد ومشه ونحن دخلنا .. كان معصب شديد وبالجد خفته وقلقته قلته يابت ياعهد زودتيها دخلته بيتي لحد الساعه 12 ماجه .. بالجد قلقته شديد وقلبي بقه اودي واجيب قلته ياربي مالو اكون عمل حادث لا لا الشر بره وبعيد قمته شلته التلفون ضربته لعمتي ..عمتي مساء الخير اهلين عهد بتي في شنو لا ياعمتي دايراك تضربي تشوفي احمد وين عشان كان ناوي ابيت مع اولادو ولسه ماجه .. ماتضربي انتي عمتي انا مابضرب .. اضربي انتي برد ليك .. احمد معاي يابتي شايل هم الدنيا كلو في راسو احمد دايرك ومتمسك بيك .. خصوصآ بشكي من مرتو التانيه وماعندها هم غير القروش هنا انبسطه 😃😃القدر واقف في صفي والحمدلله خلاص ياعمتي مدام معاك كدا كويس
.
خلاص ياعمتي ماتوري ضربته اسال منو .. عمتي قالت لي سمح 😏 مشت طوالي لولده احمد قوم امش نوم مع اولادك ماماش ياامي .قوم عهد ضربت تسال منك هنا رفع راسو جد😃 اااي جد 😏 قالت شنو قال لي اضرب اشوفك وين عشان كنت ناوي تجي تبيت مع اولادك وماجيت.. شفته بت اخوي اصليه كيف 😡 اي والله ياامي زمن ماسالت مني قام جري يلا ياامي نتلاقه .. بعد رقدته مع اولادي حسيت الباب بفتح ودخل العربيه عرفتو فتح باب البيت ودخل جه قعد جم راسي في الارض عهد عهد عارفك صاحيه حتى ضربتي تسالي مني 😨 ''عمتي ورتو يعني'' قومي ساي اها في شنو اااي ضربته سالته وانا مرتبكه .. ماكنتي تضربي في تلفوني عادي برد ليك 🤪 واتبسم ابتسامه خبيثه ماقلتي مافارق معاك 😉 احمد قوم امش نوم .. سمح قولي لي كنتي خايفه اموت وله فكرتي مشيت لمرتي ديك 😏.. مرتك امش ليها كل يوم مافارق معاي .. صراحه كنت خايفه تموت واولادي ديل اتيتمو مع انو انا كنت حااورث كل ثروتك دي واعرس ولد حليوه كدا 😝 هنا اتغاظ ضربني بالمخده ومشه .. انبسطه من روحي ونمته . هو دخل غرفتو وكان مبسوط اني سألته منو .ونام صحى الصباح بدري وقعد اشرب في الشاي مع اولادو واعاين لي ساي وانا لابسه توبي . يلا ياحمودي ترحيلك جه ساق ولدو وده الترحيل وجه مسك بتو كان شفتي يابتي امس في زول ضرب اسأل مني 😁 واعاين لي . قلته ليه اصدق اول مره اعرف انو دمك خفيف وكمان بتعرف تترازل طيب مالك زمان مركب لي وش الككو .. هههههه ضحك قال لي خففتو عشانك الليله ''واااي من ضحكتو '' لقيت روحي بتبسم .. قلته ليه ماشه عندي شغل مشيت اتجهزته وقلته بودي اولادي وهو طلع شغلو الحياة بقت ماشه بالروتين ده هو بحاول بكل الطرق ارضيني وانا نهااائي مامدياه فرصه وهو بهناك مشاكلو مع مرتو ديك كل يوم زايده واحده مهمله بيته معتمده ع الشغالات في كل شي وهما بس سهر وطلوعات وقروش زهج منها شديد وحسه روحو خسران معاها
في يوم ابوي ضرب لي قال انو عمنا جاتو جلطه وراقد مستشفى اخواني مشو مريت على امي سقتها وصلنا المستشفى نزلته من العربيه وماشين على المستشفى كنت لابسه بدله شاي لبن حلوه شديد والشنطه والجزمه اسود لاقيت عصام اخوي وبسالو من عمي كيف قال كويس وحالتو مستقره والحمدلله خفيفه في رجال واقفين واحد قال البت السمحه دي بت منو ماشاالله الله احفظه اهله مابدوني ليها احمد كان واقف.
