بالليل بتونس مع ناس البيت ووريتم انا ناويه اني اشتغل قلته لي ابوي شوف لي مكتب كويس من اصحابك ديل قال لي جدآ
عماد قال ناويه تشتغلي من الاول ماقلته ليك .. قلته لابوي دايره اشتري عربيه ببيع دهبي وبشوف ناقصه كم .. امي قال لي كيف تبيعي ده راجلك .. لا ببيع دهبي الجابو لي ابوي ودهب علا هدية العرس .. ابوي قال وانا بساعدك فيها العربيه مهمه اااي ياابوي عشان اقدر اتحرك بيها واجيب اولادي لامي لمن امشي الشغل واجي اسوقم .. علا ضرب في تلفوني بسال مني قلته مع ناس امي وحكيت كل الناويه اعملو حتى بالعربيه الناويه اشتريها اصﻵ انا متعلمه السواقه بس فاضل لي الرخصه .. علا قال بساعدك في العربيه 😊 ياخ انا لو ماناس بيتنا ماعارفه كان حصل لي شنو ..
الهم عدا شهر وانا بساسق مابين الزومبا وبيتنا واولادي وزني نقص كتير امي بقت تشاكلني وده شنو البشوفك بقول جاك سكري قلته ليها امي اصبري بتشوفي بتك وشغاله اهتمام بشعري وجسمي شي كريمات وعروكات وتقشير وشغاله مويه دافيه بالجنزبيل للكرش وامسح الخل اليوم كلو ماوقفته من نفسي واخلط البرتقال وفاتمين c لون ونضاره
الزومبا بمشي يومين في الاسبوع
ووقفته الحنه والدخان وحتى الدبله قلعتها واحمد كان بجي يوم بعد يوم وبجيب لينا كل شي بنحتاجه وانا مابقصر معه اكلو وشرابو وحتى ملابسو برتبه ليه حاول معاي كتير بس توبي في حضورو مابطلعو وعمتي طوالي بتجينا وكم مره بتقول ارجعي لراجلك واتحنني😏 ولده فهمه انو عايشين اخوان قلته ليها معليش ياعمتي كل زول اعمل البريحو احمد قتل اي حاجه بينا.
في يوم احمد بتكلم مع عبدالله قال ليه ماشفته عهد بتعاملني كيف ؟ التوب مابطلعو منها .. عبدالله قال ماشغاله بيك .. قال بالعكس اول مااخش المويه العصير الغدا والشاي كل حاجه بحبها بتعمله لي حتى ملابسي بعد البت تغسلم بتكويهم لي وبترتبم في الدولاب .. قال بس مستحيل تخش الغرفه وانا قاعد مستحيل تضرب لي في تلفوني .. مره وعد عيت بالليل وانا في البيت التاني ضربت لعصام لمن جيت ولقيت الادويه قالت تعبت بالليل وضربته لعصام جاني .. هجته وشاكلتها قالت انا قلته عصام دكتور وماحبيت ازعجك😏 دي بتي ياعهد فاهمه يعني شنو بتي 😡 بالجد عصبته وكوركته فيها بس كانو مابتكلم معاها قلته انتي بتعملي كدا لشنو عايزه تصلي لشنو وريني؟؟
قالت لي ماعايزه اصل لشي بس مادام انت عشته حياتك بالطريقه البتريحك انا بعيش حياتي بالطريقه البتريحني .. قلته ليها بس انت مرتي لسه .. قالت لي لو ماعاجباك كدا طلقني انا الطلاق مافارق معاي ومستحيل ترجع تكون راجلي تاني .. انا كل مااتزكر انك عرستي مجبور بتمنى لو الزمن ارجع ومااعرسك ..كفايه في يوم عيرتني وقلته لي اتجبرته عليك ..عبدالله قال ليه بصراحه يااحمد عهد اتجرحت منك شديد واتصدمت ودي ردت فعل بس انا شايف انها ايجابيه كويس انها مااطلقت واولادك ضاعو بينكم .. عبداالله بتصدق لو قلته ليك فقدتها واشتقته ليها شديد 😳😳 ماقلته لي عمرك ماحبيته وماحتحبها .. ماعارف ياصحبي بس البعرفو نفسي اشوفه بتضحك معاي ذي زمان .. نفسي تسألني كنت وين واتاخرته ليه .. مهموم مالك شغلك فيه مشكله 😔 عبداالله قال ليه ماداير ازيد همك بس ياما قلته ليك مرتك دي ماف زيها بس ماسمعته مني .. قام طلع خله صاحبو
بعد الشهر تم وزني نقص والكرشه نزلت واللون نضف والعجب وشي بقه لونو رهيبه .. واخير دبت الروح فيا من تاني 😊😊 خميت اولادي برقشه ومشيت ناس امي
قلته لامي علا وينو قال لي مستنيك قلته ليها طلعي لي دهب ابوي وعلا اخوي ماشين نبيعو امي قالت لي مابحب بيع الدهب يابتي قلته بكره اعمل مكتب وارجعو بالزياده .. جابت لي دهبي .. يلا يانبع الحنان امسكي اولادي .. عماد جاني مشينا بعنا جاب مبلغ كويس وعلا اخوي وابوي تمو لي الباقي ..
الحمدلله العربيه عصام اشتراها لي وابوي وعلاء تمو الناقص صح ماجديده بس نضيفه اكسند عندنا عمنا في الشرطه مشه معاي طلع لي الرخصه .. واحمد لسه ماعارف اشتريت عربيه
رجعته بعربيتي البيت عماد راكب معاي وماسك بتي وانا سايقه قال لي سواقتك كويسه وامي خاااايفه موت كل شويه تضرب لي وصلتخ البيت دخلته العربيه وقاعدين نتونس انا وعماد وبشجع فيني قال لي يوم الاحد نازله تدريب مع المحامي ... قلته ليه اااي ان شاالله واحمد لسه ماوريتي انا تاني بوري بحاجه 😉
في كلامنا احمد دخل اولادو جرو ليه سلم علينا بتو رفعت يديها ليه شاله مني مشيت جبته ليه مويه عماد اخوي شاميه طوالي قال لينا مع السلامه
عماد سوق العربيه امش بيها .. قال واجي راجع اجيبه .. احسن لي المواصلات وطلع .. احمد قال العربيه دي حقن منو .. قلته ليه حقتي ..
.
.
. قلته ليه حقتي ..الجابه ليك منو .. بعته دهبي ابوي وعلا تمو لي الباقي بعتي دهبك 😳 مابعته دهبك دهبك قاعد في الحفظ والصون اسي لو دايرو قاااعد.. بعته دهب ابوي البجيبو لي من ولدوني وبعته دهب علا اخوي
قال لي انا الدهب الجبتو ليك مستحيل اشيلو منك وانت ليك الحريه تتصرفي فيه
العربيه مبروكه كان توريني كنت بتم ليك قروشك .. قلته ليه شكرآ مابتقصر
يوم الاحد من الصباح قمته طلعته ولدي الروضه واحمد نايم معانا هو بطلع شغلو 9 بصلي الصبح وبرجع انوم
دخلته انا استحميت وطلعته لبسه كنت مجهزاها من امس وكان مشيت الكوفير عملته جلسته فيشل وحمام زيت بدكير وحمام مغربي يومين اجر ع الكوفير .. المهم طلعته لبسه ظااابطه اسكيرت وبلوزه طويله بس حلوه شديد عشان انا من تحت كتيره مابحب البس ضيق وطرحه وشطنته وجزمه طقم
دخلته الحمام وجيت لبسه في غرفته اولادي وقاعده بعمل ميكب خفيف لبسته اكسوار بسيط وقفته عاينه لنفسي في المرايه ماشاالله اتغيرته 180 درجه لبسته علي ووعد وصراحه مستنيه احمد اصحى عشان اطلع .. عندي قروش في غرفته النوم مشيت اشيل منهم فتحته الدولاب في علبه وقعت احمد صحه عاين لي مخلوع.. قعد في نص السرير وبعاين قال لي عهد بقه مبرش بكلو ومركز معاي كانو ماعرفنيى قلته ااي .. قال ماشه وين وده شنو اللبس ده قلته مالو ماحلو .. قال لي بس ليك زمن منو وبعدين انتي ضعفتي ومتغيره شديد .. عاين في وشي وانا مبسووووطه من نظرات الاعجاب والاندهاش الواضحه دي .. قال لاحظته ليك انك ضعفتي يعني انت قاصده .. قالت ليه اااي قاصده اضعف وارجع لوزني القبل العرس .. بس عارفاني مابحب لبس الاسكيرتي .. معليش ياود عمتي بس انا بحبو .. قوم الشاي جاهز .. وطلعته جه وراي .. قال لي ماوريتيني ماشه وين .. قلته نزلت تدريب مع محامي صاحب ابوي وبعدو بشتغل يااا معاه وله مع غير و .. شغل كيف يعني تشتغلي .. علي جه جاااري ... اوﻵ ماتكورك بتخوف اولادك كدا وثانيآ انا بشتغل زمان كنت غبية وخليت شغلي عشان ارضيك بس لااااا تاني يااحمد مابرضي غير نفسي وامش اتحكم في مرتك الحلبيه ديك انا مامرتك فهمتني .. قال اسي متظبطه كدا وماشه تشغلي في مكتب كلو رجال وبعدين قالعه الدبله ليه وريني .. جيتو قريب وفي وشي ابتسامة مكر 😏 قلته الدبله بقت كبيره علي عشان كدا وبعدين اطمئن انت كرهتني في كل الرجال
.
.
للقصه بقيه♥
