يوم الجمعه البيت مليان خالتي قالت لي اها احمد بلبسك الشبكه ؟ عمتي الصغير كانت معانا قالت لي احمد بخجل ومابقدر اخش وسط النسوان عندي بت عمي طوالي نطت قال اصﻵ التجار متخلفين وبعدين ده الرفضتي اخوي عشانو 😤 سكته مع انو كلامه حرقني بس قلته يابت ياعهد انتي عروس وروقي .. عمتي شاكلته مها شالت لي كل حاجه بحتاج ليها وجينا طالعين مشيت لامي قالت لي الوقت بدري قلته ليها بقعد مع مها في بيتم وقريب المغرب بمش الكوفير
وانا طالعه لاقيت عصام اخوي قلته بعدين تجيني بدري قال حاضر وعماد جه قال هاربه من العريس التاجر عضيتو في كتفو عصام قال لينا بطلو عواره قلته ليه عماد تجي عشان تسوق صحباتي .. قال وانتي حتركبي مع عصام صح قلته ليه عصام اعقل منك واخوي الكبير وبعدين صحباتي مزز 😍 قال لي انا مكتفي بمزز مدني
يلا مشيت مع بترحال للبيت وخليت اخواني عشان البيت محتاج ليم قريب المغرب انا في الكوفير بضرب لامي قالت لي كل شي تمام .
الساعه 8 ناس عمتي جو والبيت اتمله رجال ونسوان والعشاء شغال ضربته لعصام 9 تكونو معاي قال تمام .. 9 و5 عصام ضرب انا بره وعماد وينو قال وراي قلته دقيقتين وانا بنزل ليك بعد 5 دقايق نزلته وانا في السلم سمعه صفاره طووويله لقيتو عماد المجنون قال لي والله اختي مزه وانا ماعارف يابختو عم التاجر حمرته ليه .. انا كنت لابسه فستان اسود فيه لمعه بالفضي الفستان ع الجسم وانا فيني ارداف والايادي شفون اسود اكسسوار رفيع بالفضي وعدسات بالرمادي شعري مكوي ومفرود لورا مع تسريحه من قداام بسيطه والشعر كلو لورا في نص ضهري بعد المكوه عصام جه قال لي ختي طرحه في شعرك مها ختت لي طرحه براحه عشان ماتخرب الشعر عماد قال عايزه تنطلقي موش يلا البسي الطرحه بلاش كلام فاضي قلته انت اصبر لي ليك يوم
عصام قال لينا ممكن بس تعملو هدنا الليله انا ومها ركبنا مع عصام وصحباتي اتنين مع عماد وصلنا شارع بينا والبوري تييييت تييت بهناك عماد ضرب لصاحبو اها يافرده الامور كيف قال ليه ظااابط ياراسته اها اشغل الزفه قال ليه اااي نحن في الشارع بتاع بيتنا شايفه البيت مزين ومنور وسامعه صوت فنانه عاينة لعصام قال لي اااي ده عماد جنو عمله ليك مفاجئه عاينة وراي وعماد فهمني بقه اضرب لي في البوري قربته ابكي الزفه بدت والعربات وقفت عصام جه فتح باب العربيه ومدا لي يدو والتصوير شغال مسكتو وقلته ليك يابخت البتقع فيك خلقه واخلاق
عماد نزل جه وقف معانا قال رايك شنو في اخوك مسكتو بستو في خدو وقلته ليه مااعدمك يااحلا اخ في الدنيا قال لي كان لازم حفله عشان الله فكه بورتك ضحكنا وبقينا داخلين وماسكه فيم الاتنين وكانت الزفه حلوه مها براحه شالت الطرحه الناس بتقول ماشاالله سمحه بالجد
والفنانه تمه وبقت تغني سمحع سمحه نار منقد اخواي وصلوني الكوشه لقيت امي وعمتي واقفين سلمو علي والحفله بقت رابه بت عمي القبيل مانزلت عينه من عصام اخوي وعماد جه رقص معاي والحفله بقت رااابه وطلعت رهيبه عمتي جابت الشبكه دايره تلبسني ليها الحفله خلاص قربت تخلص وانا دايره ابكي ليه احمد ماالبسني هو ويعني ماحااشوف الفستان عمتي لبستني وقالت الدبله احمد بجي ابارك ليك والبسك ليها قربته اصرخ بعد شويه الناس بقت تفتح في الممر ومااشوف الا داك احمد ومعه صاحبو واقفين في باب الشارع وانا من شفتو قربته ابول كان قاشر قشره سماحه وحالق حلاقه رهيبه لابس بنطلون بيحي وجكت بني خطير وجزمه نفس درجة الجكت وساعه سودا ظاااهر ماركه صراحه كان اهبل طويل وجسمو خطييير رياضي من الدرجه عمتي مشت عليه سلمت عليه وبقت سايقه وجايه علي وانا لمن قرب غلبني ارفع راسي وقف قدامي وقال لي مبروك قلته ليه الله ابارك فيك ☺ مدا يدو بتقله وانا سلمته عليه عمتي قعدو جمبي والناس ازغرتو وخلاص ومبسوطين 😇 احمد عاين لعمتي جيبي الدبله مدو ليه الدبله مسكه قال لي مدي يدك ودخله الدبله واااي من ريحة عطرو اتمنين لو الزمن اقيف 😍 وطلع احمد ماجيب ليه دبله عمتي واماني اختو قالو نسينا دبلة العريس عصام اخوي قال مامشكله في العقد الناس بقت تبارك لينا احمد داير اقوم عمتي قالت ليه اقعد خلي اجي ابوك والناس تبارك ليك اخواني باركو لينا عماد مسكني مساااافه لمن بكينا 😭 وامي وابوي الحفله كانت رهيبه بت عمي جات سلمت علينا قال اجي يااحمد في عريس بكشر يوم سد مالو وله ماداير العروس 😏 كلنا اتخلعنا 😳 عصام قال ماداير انا اختي تعرس واحد مادايره والله الكلام ده اطلع حقيقه اسي كل شي ارجع اختي بت رجال واخت رجال مافيها عيب عشان واحد اتجبر عليها .. عمتي قالت كيف يعني مجبور وعاين لاحمد .. احمد قال ماانا الراجل البجبرو على بت خالو 😊
الحفله انتهت والناس مشت وحددو العرس بعد شهر
.
.
بعد سد المال تاني يوم طوالي امي نزلتني دخان مكثف واي زول بقول صحتك مظبوطه لا تزيدي لا تنزلي المهم عدا اسبوع وانا وصباتي اشترينا الشيله عمتي دايمآ معاي واحمد ولا يوم ماضرب لي عدا الاسبوع الاول والتاني وناس بيتنا واخواني برتبو
للعرس وانتهينا من الشيله وخالاتي عملو الريحه وتقريبآ كل شي انتهى باقي اسبوع واحد للعرس واحمد لحد اسي ماسالني عملتي شنو وباقي شنو 😕 سالت عمتي منو قالت لي مشغول شديد وجاري بالليل اتكلمته مع اماني اختو في الواتس قلته انتي احمد ده من يوم الخطوبه ماشفتو ولا سأل عني الحاصل شنو 😢 قالت لي احمد انتي عارفه خجول وماليه في امور الحب والسهوكه والتلفونات بس حيجيك يوم قبل العرس قلته بالجد 😄😄 قالت ااي سمعتو هو وامي بتكلمو فرحته شديد 😁😁 .
احمد هناك مع عبداالله والله ياصحبي قرفان وبطني طامه وامي دي دخلتني دوامه مااعلم بيها الا الله 😤 عبدالله قال ليه انت بترفس النعمه اقسم بت خالك دي قرضه عديل وعروس الف راجل اتمناها لو ماعايزه انا بدبل بيها قال امش ساي فكني منها
يوم التلات بالليل تلفوني ضرب الو اهلين عمتي طيب تمام
قلته لامي عمتي جايه ومعاها احمد😊
الساعه 8 وصلو امي جات قالت عمتك واحمد بره عيوني جابو قلوب قلوب 😍 امي قالت البسي توب وتعالي اتلفيت بتوب هزاز وطلعته سلمته على عمتي واحمد قام مده يدو سلمته عليه عمتي تششيل وتشكر فيني بعد شويه ساقت امي ومشو خلوني مع احمد جسمي تلج وماقادره ارفع راسي قاعد قدامي اكتر زول اتمنيتو وحبيتو في حياتي وماقادره ارفع راسي اعاين ليه بقت في لحظة صمت عجيبه بعد مسافه 🙄 قال لي كيفك ؟قلته ليه الحمدلله .
قال لي موضوع العرس جه سريع امي اختارتك لي وانا وافقته صح انتي بت خالي بس بتعرفيني انا بعيد شويه من الناس بسبب شغلي قلته ليه صح قال لي عرفته انك اتخرجتي من قانون واسي شغاله في مكتب محاماه قلته ليه اي صح
قال لي عندي شرط اساسي وماحااتنازل عنو !قلته ليه شرط شنو 😨 قال ماعايز شغل مرتي ماعايزه تشتغل قلته ليه كيف 😱 قال لي كدا اخدي وقتك لبكره فكري و اديني رايك يلا مع السلامه
(خلاني ذي تايهه اتلفت خلاني وفااات روح )
ومشه خلااني في اندهاشي عمتي جات تقول لي مع السلامه لقتني ببكي قالت لي مالك في شنو واتهجمت وامي معاها مهجومه قلته ليم قال لي ماداير شغل وده شرطو عشان العرس اتم 😭
.للقصه بقيه♥
