ابوي قال ليها الحصل حصل ولدك ربنا اسعدو وانا بتي بعرف اجيب ليها حقه ..
عمتي كان معاها ولد الصغير ساقه ومشو .. ضربت لاحمد قالت ليه انت وين .. قال ليها في السوق .. قالت ليه تخلي كل شي وتجيني اسي .. بعد ساعه احمد جه عمتي .. قالت صحي عايز تعرس في عهد .. قال ليها ااي .. وقلته ليها اني الجبرتك عليها ولو ماكدا ماكنت عرسته .. قال ليها ااي .. قالت ليه كويس ياولدي
كسرتي وسط اخواني قال امي هي قالت انها وافق بالرغم اني مامتعلم .. قالت ااي وافقت بيك وابت ود عمها مهندس ورفضت كل زول عشانك بتريدك من سنين وانا عرفته من اختك عشان كدا صممته عليها وعشان ماف زيها بت اخوي وبعرفه .. وريني قصرت منك في شنو .. قال ليها والله ياامي ماقصرت واي شي لقيتو معاها بس ماحبيته نهااائي .. بحترمه والعشره ماتهون وامي اولادي وغاليه علي .. بس في حاجه مابيدي .
خلاص عرس بس حتطلقه ذي اهله مادايرين .. اطلقه 😳 ااي داير بعد قلته انجبرته عليها ابوها واخوانه اخلوها ليك بت اخوي مامهمله ليك وانا معاها في اي شي دايره .. كفايه اني ظلمته لمن جبرتها عليك .. عارف قالت لي شنو ؟ظلمتيني ياعمتي لمن جبرتي ولدك علي .. اسي هي وين .. في بيت ابوها واخوها عماد قال الا تطلقه .. عماد شنو ياامي الطايش ده .. طيب ياولدي امش عرس بس تحرم علي لو تدخله بيتي .. كيف ياامي كدا
احمد طلع من امو ومشه لعبدالله مستشارو الاول .. عبدالله عارف عهد مشت بيت ابوها واهله دايرين الطلاق .. طلاق عديل .. ااي .. مستحيل اطلقه واولادي .. قال قلته ليك اصبر ماتعرس مرتك ممتازه بس انت راسك قوي وعقدته عديل .. قال حالتي قلته ليم عقدي يوم الجمعه ..
عدة ايام وانا قاعدة مع امي لا ليلي ليل ولا نهاري نهار حاسه اني واقعه في بير واولادي ماواعيه ليهم .. يوم بعد المغرب الباب خبط عصام لقه احمد .. سلم عليه وقال اتفضل دخل الهول علي من شاف ابو جره ليه .. بس محمد وقف بعيد ناداه قام جره منو جاني جوه قال لي بابا جه قلبي عمل شح .. قلته ليه سلمته عليه قال لا لا ليه يامحمد قال لي موش هو دقاك وخلاك تبكي قلته ليه لا ماصح ابوك مادقاني امش سلم عليه حلف كان امش لاحظته لمحمد ولدي من يوم وراني وكوركنا انو ماحابي سيرة ابو وببكي معاي ومني مابزح قلته احسن انتبه لمحمد ولدي ماتتدخل حاجات في راسو وانطوي لي وله تكون عندو مشكله نفسيه قشيت وشي ورقدتو جمبي وبقيت اتونس معه بالروضه .. جه عصام اخوي قال احمد بسال منك ومن ولدو قلته ليه انا مادايره اشوفو وهندا محمد ودي ليه .. محمد حلف ماامش .. رجع قال عهد تعبانه ومحمد رافض اجيك .. ابوي قال ليه يااحمد ولدي العرس مابقدر اقول حاجه فيه ولابقدر اقول ليك كيف تعرس في بتي بس انا بعتذر ليك لانك اتجبرته تعرس بتي واسي طلقه لي انا ابوها بمسكه وبمسك اولاده .. قال ليه خالي انا مابطلق عهد ودايره عشانه وعشان اولادي .. ابوي قاال ليه معليش بس انا تاني مابديك بتي هي واحده وتسوى الدنيا كلها عندي واولادك مابقدر امسكم منك بس القانون بقول الحضانه من حق الام مالم تعرس .. خالي انا مستحيل اطلق عهد وخته بتو وطلع ..
امي جاتني جوه وورتي بكلام احمد وانو مابطلقني وانا لحد اللحظة مااخدته اي قرار بحاول بس استجمع في قواي واركز في اولادي لانو محمد بالذات متأثر شديد واتغير وبقه بس قاعد معاي لو بكيت بقول لي بابا دقااك بقول ليه لا انا شفتو بكورك فيك وانتي تبكي تقريبآ ده اول موقف صعب امر علينا عشان كدا ولدي رقم صغرو اخد موقف من ابو والحمدلله اني انتبهتا ليه عدا اسبوع وعرفته انو احمد لمن كلمني كان عاقد اصلآ تمه عرسو وزول مشه معه ماف من الاهل .. عشته نفسيات عجيبه واتبشتنته بشتنه شديد .. اخواني ومها صحبتي وبنات اهلي القرييبين لي بجو اتكلمو معاي .. بس بطني طامة من كل شي واولادي امي مهتمية بيهم .. احمد جه كم اشوف اولادو انا ماكنت بطلع ليه بسلم على وعد وعلي ومحمد بس بقول انت شاكلته ماما وخليته تبكي .. لمن طلع جه طالع قال لامي دي مصاريف اولادي .. ابوي قال شيل قروشك ياولدي .. معليش ياخالي دي مصاريف اولادي ختاها وطلع .
.
.
.
.
