امي قالت لي كيف يعني بتتعلمي طول عمرك عشان تقعدي من غير شغل عمتي طلعت
لقت احمد في العربيه قال ليه ده شنو وكيف يعني ماتشتغل .. امي ده شرطي وماحااتنازل عنو لو العرس اتفرتق .
عماد قال اصلو ده فهم التجار كدا ومن الاول ماشبهك ابوي كورك فيه
عصام قال الشغل ده بتخلف من راجل لتاني وانا عن نفسي دايره مره متعلمه بس تتفرق لبيته واولاده مابحب الشغل زاتي .
ابوي قال الراي ليك في الاخر قلته ليه طيب بعدين برد لاحمد قال بضرب لي بعد العشاء😓
عصام اخوي جاني ياعهد دايره تعملي شنو قلته ليه مع انو حركة ود عمتك جبانه وكان اقول شرطو ده قبل الخطوبه بس انا موافقه اسي العرس فضل ايام واقول ليه لا وله بعدين اخش في مشاكل قال لي عديله ومامعروف بكره احصل شنو .
قريب الساعة 9 تلفوني ضرب رقم غريب الو مرحب قال لي السلام عليكم انا احمد .. اهلين احمد .. قال لي اها فكرتي قلته ليه اسي لو رفضته شرطتك الجيت قلتو لي بعد فضل للعرس يومين حاتخلي العرس يعني قال لي ما بخلي العرس بس حااكون في مشاكل بعدين وماحنتفق .. قلته خير انا موافقه ياود عمتي مادايره شغل 😮 متاكدا ده منظرو كان .. قال كدا اتفقنا سكت مسافه قلته شكلو ماعندك كلام تاني قال لي اااي يلا نتلاقه مع السلامه قغل الخط وكان في شي ماعاجبني ومامرتاحه
جه يوم العرس كان في صاله فخمه شديد والجرتق وطلعتا عسل واحمد كان رهييييب اي واحده بتقول يابخت عهد بااحمد بس احمد كان عااادي بعد الجرتق مشينا شقه في الخرطوم .
عبدالله صحبو وصلنا الشقه ودخلو الشنط وقال ليه بكره بجي اوصلكم المطار لحد اسي انا ماعارفه شهر العسل وين؟
عبداالله قال اتفضلي ياعروس دخلته واحمد نزل مع عبداالله ..
بهناك احمد قال ليه غايتو ياصحبي الله استر .. قال ليه عندك احلا مره جوه وتقول الله استر 😉 والله ماعندي رغبه فيها كاني ماانسان امي ظلمتني وظلمته معاي عبداالله قال ليه امش وربنا بسهله وبكره رايك بكون غير 🤪
وانا قعدته في الكرسي الباب فتح عاينه وقلبي داير اطير وشغال ذي دلوكة انصاف .. احمد دخل وظاهر عليه مرتبك قعد في طرف السرير وانا في الكرسي ساكت سااااي وانا ساكته بعد زمن قام فتح الشنطه شال ليه غيار دخل الحمام اخد زمن وطلع قال ماش اعمل لينا حاجه ناكله قومي اخدي راحتك .
فتحته شنتطي وانا محتاره اعمل شنو والبس شنو طلعته لي بجامه وتوب هزاز.
.
.
.
قعدته قدام المرايا وفكيت شعري وطلعته منو البنس والكربسات وطلعته دهبي ماخليت الا الدبله قمته دخلته الحمام استحميت واتوضيت لبسته البجامه وربطه توبي في نصي وطلعته وقفته في المصلايه هو جه قال لي دايره تصلي قلته ليه ااي ماصليت العشا قال صلي وتعالي اكلي قلته ليه طيب بعد انتهيت مشيت شربته عصير وقلته اكل انت بالهنا قعدته مسافه مااتكلم معاي ولا حرف قلته تعبانه ممكن انوم قال اااي نومي تصبحي على خير حسيتو ماصدق قلته ليه ممكن انوم
الصباح صحيت متاخره لقيتو نايم في الهول استغربته يعني مانام معاي في الغرفه
صليت ودخلته المطبخ لقيت حليب وسكر سويت الشاي والعصير وانا طالعه لقيتو صحى قلته ليه صباح الخير قال صباح النور
قلته ليه الشاي جاهز قال لي اناصليت الصبح ورجعته نمته وماحبيت ازعججك نمته هنا قلته ولا اهمك عادي غسل وشو وجه كبيت ليه العصير وختيت الشاي وجبته بسكويت
ماف حوار بيناتنا صح انا بعاين ليه واي شي فيه بعجبني شعرو وعيونو وحواجبو وانفو حتى رقبتو بس هو بتجب اعاين لي .
قال اجهزي عشان طيارتنا الساعه 3 حنطلع المطار قلته ماشين وين قال لي مصر .. قلته ليه مصر😳 قال لي ااي ماله قلته ليه ماماله شي بس صراحه احبطه كيف اوديني مصر كل بنات العايله بمشو المالديف وماليزيا وتركيا وانا مصر قلته خير مامشكله
ضربته لناس امي وودعتهم واحمد قال لي امي دايره تتكلم سلمت علي وقالت خلي بالك من احمد قلته ليها احمد في عيوني ياعمتي هو عاين واديتو التلفون اي ياامي .. احمد اياك تزعل عهد وماتعرف انك ماكنت عايزه بت اخوي بلسم وبتسعدك .. خير ياامي اها ودعتك الله وقفل الخط عبداالله وصلنا المطار ووصلنا مصر الساعه 6 مشينا فندق كبير في القاهره دخلنا استقبال الفندق حجز الغرفه وانا كنت قاعده مستياه في الكراسي جه مصري مساء الخير يامدام نورتي مصر يابت النيل ماشاالله عروسات السودان مميزات دايمآ وانا بس بعاين احمد جه قال ليه مرحب في حاجه لا يازول مافيش حاجه بس كنت برحب بالمدام ماشاالله عروس ذي الامر احمد اتغااااظ قال لي يلا مشينا غرفتنا وانا مبسوطه من نظرات المصرين وجارائتم عاادي الواحد بقيف وامدح فيني
دخلنا الغرفه كانت غرفه كبيييره وسرير فخم وفيها جلسه حلوه كانت مبالغه قلته الغرفه رهيييبه قال لي ااي حلوه شديد
وقعته في السرير ورقده قلته فترانه مبالغه .
.
.
.
.
وقعته في السرير ورقده قلته فترانه مبالغه .. قلته ليه احمد انا عطشانه وجيعانه قام فتح التلاجه طلع قاروره مويه وشال كبايه من الكبابي الجم التلاجه كبه مويه وجابه لي قال لي اسي ننزل نتعشا ولو عايزه هنا بجيبو ليك قلته ليه اجيبو لينا هنا انا تعبااابه😩 قال لي طيب تعاملو كان راقي بس فيه رسميه زياده عن اللزوم قلته مامشكله😓 ..
فتح التلفزيون ورقد في كنبه كدا كبييره وانانمته بحالتي ديك وانا نايمه 😴 حاسه في زول بصحي فيني عهد عهد قومي رفعته راسي دايره اعرف ده منو عاينه ليه مستغربه قال لي مالك قلته ليه نسيت والله انا منو وانا وين قال لي قومي الساعه 9 عشان تتعشي قلته ليه حاضر كنت لابسه فستان وطرحه لمن صحيت الطرحه في راسي ماف عاينه كدا قلته بره طرحه موش هو راجلي مشيت ع الشنطه قلته البس شنو في الاخر شلته نفس البجامه ودخلته الحمام استحميت وطلعته البجامه تلت اربع لونه كوبي من تحت وفوق بيجي فيها ميكي بالكوبي رهيبه وانا جمسي خطير اوقف طابور فيني ارداف خلقه والحمدلله لمن طلعته من الحمام احمد عاين لي وزحه كدا وزحه وشو مني انا اتلبكت وخجلته شديد مشيت قدامو لمن وصلته شنتطتي طلعته توب هزاز لبستو ورفعته شعري بمشبك وصلحته الميكب وجيت قعدته وماختيت التوب في راسي المره دي وجيت قعدته معه في الكنبه قلته ليه نمته كتير انا قال لي نمتي اااي عاين لي غي وشي وتاني رجع ركز مع التلفزيون .
قال نجيب العشا قلته ليه ااي انا جيعانه شديد قال طيب مشه ضرب وقال عايز عشاء في غرفة رقم كدا وقال تاكلي شنو قلته على مزاجك الاكل جه وانا باكل واتونس معه عن عمتي والعرس هو بتجاوب معاي انا بطبعي كلامي كتير من غير مااقراء قانون
فجاءه حسيت بمغص الدوره وعاد مغصي موووووت احمر قمته من الاكل قال ماتاكلي قلته شبعته 😕
قعدته في نص السرير مسكته تلفوني المغص زاد والمكيف زادو زياده الغرفة بااارده شديد رفعته المفرش واتغطيت بيه واحمد مع التلفزيون بعد زمن المغص شده شديد وانا اتلوى 😖 قلته واااي ياامي احمد انتبه جه مهجوم مالك 😧 قلته عندي مغص مبالغه وابكي 😭 قال لي من الاكل اكون تسمم ؟ قلته ليه لا😭 زايده اكون قلته ليه لااااااااا مغص شهري 😭😭 قال واعمل ليك شنو 😢 قمته وانا منكوشه احمد ماعندي الويز وعايزه مسكن او حقنه 😢 قال اجيبو من وين انا حسيت تفكيرو اتشل ولا مافاهمني ده شنو الغبي ده
..
.
.
للقصه بقيه♥
