عشگت بنت عمي(( الجزء الثاني ))

البارت الخامس،

مساء الورد .والياسمين،،ع احلى متابعين،

عشگت بنت عمي**
بارت5**
***بقلمي. لحن. الحياة***

عودة الى الوراء،،
جاسم،،؛- رحت اشوف والدي وانطي خبر انو انه رايح الخالتي ام حمزة ابشرها بالي صار،،من وصلت للباب سمعت ،،،،،

-والله ياام جابر مفكر باجر اسوي گعدة واسلم الشيخه قبل لا الله ياخذ امانته،

؛-اسم الله بعيد الشر،يومي كبل يومك،،

؛الاعمار بيد باريها،،انه قررت اسلم الشيخه. ل جاسم،،

جاسم؛-الله بالخير،،

ابو جابر؛-الله بالخير والعافيه يا هلا تفضل،

؛- بويه اعتذر منك،،لان سمعت كلامك انت والوالده بس ماكنت قاصد هالشي،

؛-يي بويه الي سمعته صح ،

؛-لكن بويه الي گلته صعب عليه ،وجابر هو اخوي الجبير ،شلون استلمها وهو موجود،،لا بويه والحسين صعبه ،من هسه بويه انه ما اخذ الشيخه وهذا اخر كلام عندي،،، ما مستعد اخسر اخوي وحزام ظهري ،هو اله الحق بيها،،

؛- ليش هيج يابويه ،اخوك وانه اعرفه تربات ايدي ،ومتأكد اذا استلمت الشيخه انت راح يفرحلك،ومايشيل بگلبه عليك،ابد

؛-يي بويه صح كلامك،بس آنه گلت قراري،،وغير هالكلام ما عندي،

؛-والنعم منك بويه،الله لا يفرقكم ،،هاهيه بويه الي يريحك..

***،&&عودة للحاظر&&،***
جاسم،،؛-الف مبرووك يا شيخ جابر،،،حجيت وحضنته وهو هم،ودگيت ع ظهره،

؛-الله يبارك بيك خويه،،تسلم ياغالي،،،،،،،،،،،بعد ما صرت الشيخ والدي عزم كل العشيره ع هاي المناسبه،،والكل باركلي ،لكن انه ما مقتنع بيها بس ما گدرت اكسر كلمة والدي ،والنوب گبال كل الزلم،،،الله يگدرني واكون عون الهم وما واحد يشكي مني.....

،،،،،،بعد،مرور ايام &&
نجاة(بنت احدجيران الشيخ)؛-حنين حنييين

حنين؛-ها ولج نجيه شبيج،،

؛-لا حنونه حبابة لا تگولين نجيه ،،

؛-ههههه چا شبيج،تصيحين

؛- امشي نلعب،حبابه

؛-خل اشوف بيبي واجي ،،

؛-بسرعه مو تتأخرين،

؛-بيبي ارووح العب

؛-شتلعبين  ووين

؛-بيبي هنا يم الباب اني ونجاة،،بنت عمو طارق،،

؛-روحي بس ديري بالج على نفسج،،

؛-يي بيبي ميخالف،،رحت اركض ولج نجيه بيبي قبلت اجي

؛-صدككك،يلا امشي،نلعب

؛-ولج وين امشي،،گلت البيبي راح نلعب هنا ،،