عشگت بنت عمي(( الجزء الثاني ))

بارت 23

سلاااام.✋👋💕

عشكت بنت عمي ج2
بارت 23
##بقلمي لحن الحياة
ترس روحي الضباب وبينت وياك
كلي بروحك امشي وجرحي ما شفته
انه بالنسمة أعثر وانت قيس الحال
مو جدمي وراك خيالي ما شلته
وأجي بواهس عذر وحروفي مني تطيح
واتبده اعلى وجهك مستحى وسكته
وأنخل غير وجهك واليطيح تراب
وانكتهم واهزهم بس تظل انته
رمح فركاك إجاني مسابك ويا الريح
ماقصرت تسلم بالنفس جبته
بس المحترك يفهم حجي الدخان
ويعرف حرورته ويفهم سبب علته
مثل عاشك بغربة ومره وكت غروب
يفرفح من يمر طاري الهوا يموته.....

حسن :---وصلت للبيت..دخلنه اني وحنين ..هي سلمت وفاتت الغرفتها. . .عاينت اريد اشوف فضه وين لكيتها بالطارمه تشر الملابس.. صحت بصوت هافت فضه

:-عااا منووو..هلا حسن. تدري فززتني .

:-بعد.اخوج رايدج بشغله .من هسه كولي تساعديني  لو لاا

:-سلامتك ياخويه..كول بأمرك .

:-مايؤمر عليج ظالم..سمعي شراح اكول .انتي تدرين بيا احب حنين .

:;-اي ادري..

:-زين ...بس هي رافضه من الاساس .تعرفين شنو السبب .يعني ماحجتلج لويش هالعناد .

:-لان انت عصبي وياها ومن هي صغيره والهذا اليوم نفس تصرفك وياها هي .مترضى توافق و من غير كلشي .مطيح.حظها عود.تصير يمك.

:-انجبي ثوله .حتى انتي هم طابكه وياها عليه

:-ههههه لا والله مو شغلة طابكه وياها بس جنت احجيلك عن وجهة نظرها تجاهك .

:-اممممم...هيج اني بنظر هالغبيه ماشي .يصير خير عوفينا منها ..اذا صدك تتمنيلي الخير والسعاده تساعديني حتى اكدر اوصل الكلب بنت عمي العنوديه.

:-اكيد.اتمنالكم الخير واتمنى حنين توافق عليك وتبعد هالافكار من راسها وتعرف كل تصرفاتك نابعه من حبك الها .

:-اي والله صدكتي بس بنت عميي ثوله ما تستوعب وجيب الي يفهمها ------خل اكمل الي اجيت علموده--

.كمل.عيني كمل .كلي اذان صاغيه.

:-شوفي ساعه 10بالليل .راح اطلع بالطارمه اريد.بهذا الوقت تطلبين من حنين تجيبلج اي شي لو انتي وياها  تطلعن تاخذن هذا الغرض المهم يكون من الطارمه .زين

:-زين .بس ليششش حسسسن خوفتني

:-هيييي ليروح بالج بعيد ضربتها ضربه خفيفه ع راسها . . . . . بس اريدها تسمع الي راح اكوله ..اتفقنه كد المسؤوليه لو لاا

:-ها اييي ان شاء الله اكدر ...خلي.ايدك ورجلك بمي حار هههه اقصد بارد ولتهتم انه اختك

:-كفو منج .بس اخاف تخربين السالفه كلها .ههه

:-😒😒اي نشوف . . . . .مشى وهو يضحك..كملت شر الملابس وفتت للبيت . . . . .

**في الليل.**