عشگت بنت عمي(( الجزء الثاني ))

بارت31

❤❤مساء الحب والطيبة ❤❤

عشكت بنت عمي ج2
بارت31,
##بقلمي لحن الحياة ,,

ام جابر:-عهودد

:-!هاا يمه

:-!شبيج حزنانه.

:-!لا عمه مابيا بس مشتاقه الابو حنين..ظل كلبي عنده

:-لا يمه ليظل بالج هو بحماية الله .

:-اكيد.بس كلبي.نار.خايفه ليصيرله مكروه لا سمح الله

:-بعيد الشر.كومي اتوضأي واقري سورة يس وادعيله يروح ويرجع بصحة وعافيه

:-رايحه ..توضيت وفرشت المصلاية واخذت المصحف .وكعدت اقرأ سورة يس ..

:-طبيت للبيت .والدنيا طالعه من عيني بدلت وطلعت ماالي نفس ابقى بالبيت ولا حتى الي نفس اشوفها كد ما قهرتني . . . . . .

عهود;-بعد ماخلصت سديت الكتاب ورجعته المكانه.. كعدت ع المصلاية .وادعي.,,,,,ربي يرجعلي جاسم سالم الهي بجاه ام البنين تحفظه وتحرسه من كل شر.الهي ريح.كلبي والله.اموووت اذا جاسم صارله شي ربي اخذ روحي بس لتاخذ مني جاسم.هو كل حياتي (ادعي ابجي) .مسحت.دمعتي وشلت المصلاية ورحت اكمل شغلي ..

حنين:-من دخلت البيتنه حسيت بالامان والطمأنينه ...وكل لحظه اهيم بحسن صفنه تجر صفنه وبنفس الوقت احاول اتجنبه وماابين اله الي بكلبي لان حبي اله بعد ما منه فايده .....صار وقت العشا كلنه انجمعنه افتقدت بابا والله مكانه خالي .
حسن جان كاعد ع يمين جدي وعمي ع اليسار .اني صايرة مقابيل عمي. اعاين ع حسن شكله ابد ميتفسر معالم وجهه كلها غضب وتكبر...اكل بسرعه وكام...هذا شبي بس لا زعلان ويا صاحبته ..هففف وانه شدخلني .خل اتزقنب واكوم..بقيت بس اتصفن ما كدرت اخلي لكمه بحلكي لان بابا ما موجود

ابو جابر :-حنون شصايرلج اشو ما شفتج تاكلين

:-لا جدوا مابيا بس مااشتهي.

:-هااا ع راحتج.يجدي اذا متكدرين لتاكلين هسه .الحد.ما تشتهين

:-اي جدوا ان شاء الله

:-لعد كومي سويلي جاي من ايدج الحلووة

:-صار جدي.من عيوني الاثنين ..رحت للمطبخ .حطيت الجاي ع النار .ووكفت يم باب المطبخ..ااخ لو اموت وارتاح من ضيمي لا من جان يحبني حبيته ولا من حبيته بقى وياي وهسه حتى بابا موهناا كلهن انجمعن عليه فد جمعه .وحتى باجر هم جمعه ههه😞كله من اديه اني غبيه وثوله ..عاااا عزززة الجاي راح يحترك .ويا ما انداريت حسن صار كبالي بقيت صافنه وكلبي يركض وكأنوا اول مره اشوفه

حسن:-طاكه روحي ورايد اهج من البيت .كلت اتعشا واطلع ويا الولد للسوك نتونس واغير جو .طلعت من المطبخ كل ظني ماكو احد..بس لكيت حنين واكفه بالباب .ناوي مااحجي وياها حرف واحد وامشي من كدامها واشلع كلبها هم .. ويا ماوصلت الباب اندارت عليه صارت كلشش قريبه مني . . .اتنفست عطرها دخت .. اووف ياكلبي لك ديربالك تحن وتنسى الي سوته بيك .راسا غيرت ملامحي تظاهرت بعدم مبالاة ونظرتلها بإستهزاء وابتعدت من كدامها ..