عشگت بنت عمي(( الجزء الثاني ))

بارت37

عشكت بنت عمي ج2
بارت 37,,

##بقلمي لحن الحياة.....
..جدي كعدنه للصلاة وراح يصلي .. كفيت الغطا عني.وكمت صليت الفجر .جدي كال
:-رايح اشوف الجماعه كعدوا لو بعدهم..

:-.شمر الغتره على راسه وطلع ...ابوي وامي.طلعوا بعد جدي .وانه رتبت نفسي وسرحت شعري ولحكتهم.....جانوا مجتمعين كبال الغرفه.وواكفين ع حيلهم على مااعتقد.ينتظروني .. كلت وانه اغلق باب الغرفه ..صباح الخيرر

:-صباح النورر .

ابوجابر:-بس تعدل نفسك صار ساعه جا بعرسك شتسوي

;-هههههههههه يوم كامل يرادلي 😅

:-لااا هاهي جا شوكت نزفك ثاني يومم؟؟

:-هههههههه ...لزمت جدي من ظهره وطلعت قبلهم لان جدتي رجليها هاجن عليها وكوه تمشي ف عمي بقى يمشي وياها ع كيفه ووالدي ينتبه ع النسوان..صعدت وي جدي بالمصعد ونزلنه لاخر طابق..صعدنه بالسيارات ورجعنه الكربلاء ..
الزوار جانوا اكثر من البارحه لان اليوم 14بشعبان وليلة المحيا ويوم جمعه .فكانو الزوار عددهم يزيد.مايقل .
..طبينه العتبه الحسينيه .....جدتي اخذت امي وعمتي والبنات وفاتن التفتيش النساء.....واحنه بتفتيش الرجال ..دخلنه الضريح زرنا وكعدنه نقرأ الزيارات ونقرأ قران ...

*******لحن الحياة******
حنين :-طبينه وزرنه الامام الحسين .واجاني احساس مااعرف شلون اوصفه..جنت مخنوكه والنفس يجرحني كل ما يصعد وينزل.بس بسرعه تحولت الخنكه الى راحه .خليت ايدي على.كلبي واحس بدكات كلبي السريعه فجأة انكطع النفسس .كمتت اهوي بإديه على وجهي بس الخنكه تجر بروحي وعيني تريد تطلع من مكانها .صرخت .يمااا .واسحب النفس كوه واحاول احجي وي امي .صوتي راح بقت بس دموعي تجري

نور:-😱😱وج يماا حنين شبيج حاجيني ..عهوود وج حنييين اختنكتتت الحكي .

:-😨لطمت ع خدي وكمزت اشوفها .بس لزمتها وكعت بين اديه .وجج يماااااااا بنيتييي شجااااج .احجي وابجييي ..

ضربتها ع خدها ماصحت بس تشهك وكوه تتنفس .يمااا تعاي شوفي حنين .راح تمووت يمااا

ام جابر:-عزززة العزاني .وج يمااا بنيتي حنييين .شصارلج .شووو فضه تعالي افتحي جنطتي تلكين بيها بطل مي طلعي وانطينياه..

فضه:-يي جدة هسه ..انشدهت ما اعرف شسوي..فتحت جنطة جدتي طلعت بطل المي وانطيتها .اباوع الحنين وهي نايمه ع رجل عمتي وتشهك..لزمت ايدها وبجيت .وج حنييين ..اعاين.نسوان كومه فوك راسنه يتسائلن عن.حنين ما كدرنه نحجي بس الدموع تجري ...جدتي اندارت الشباك الامام وصاحت وهي تأشر بيدها على حنين ..بحيث كل الزايرات يباوعن عليهه.

:-هاااا يابو عليييي ياحامي الدخييل .بنتي راح تروح من اديه ..بنيتي راح تموووت .هاك شوف حالهااااا وهي تصارع الموت .اعاين.الحنين شبه ميته.. درت عيوني عالشباك وكلت ها يابو علييييي جيتك وقاصدة كرمكم.تالي بنتي تموت كبال عيني وانه.يمكم.لا مو معقوله .
امشي إعليك ضلع الزهره امك وفاطمه العليله تحظرنه بهاي الشده ..رفعت راسي واناجي رب الكون . ربي رجع الروح بجسد.بنتي...