:-والله مو خالية من اكلج مو على بعضج تنكرين وتكولين مابيا شي
:-اهووو ليش متصدكين.جاي اكلج مابيا بس يجوز ارهاق ..ثواني ورن تلفون .بقينا نعاين من وين جاي الصوت ..طلع موبايل حسن.بس ما جاوب راسا فصله .رجع رن مره ثانيه هم فصله .ليش ميرد اكيد هاي حبيبة الكلب .خلصت المكالمه وهم ماجاوب وبعد مارن التلفون واحتمال خلاه ع وضع صامت
حسن:- شرايده هاي الثوله مني .اول مكالمتين فصلتهن كال ابوي رد .كتله واحد مزعج وخليت الجهاز صامت.وكل شويه تتصل اخر.شي فصلته ورسلتلها مسج** من افرغ اتصل عليج .لتبقين تتصلين** .دزتلي **اوك بس لتتأخر .عندي حجي مهم اريد احجي الك**
:-ماشي ..ورا ساعه او اكثر هم اتصلت .لا اله الا الله.شلغيت انه لغيت الاتصال ودزيتلها .**مو كتلج لا تتصلين *** :- **راح ادزلك الشغله المهمه برساله** :- **يلا دزي ** . شرايده هاي :-**الي طلبته مني وكتلي اقري. قريته وتأثرت بي ووعيت على نفسي وعلى الاشياء الي جنت اسويها وعرفت انو الطريق الي جاي امشي بي كله غلط بغلط .اول ماسمعت كلامك بصراحه استهزئت بس مااعرف اكو شي بداخلي دفعني حتى اقره عن سيرة واخلاق مولاتي زينب .كلت ماخسرانه شي اقره واشوف بس ماجنت مقتنعه كلش باللي سويته .صرت ااقره وكل مااقره اكثر كل ما ضميري يصير يأنبني اكثر واكثر .حسيت نفسي انسانه حقيره بلا حياء .وعلى كل بنت انو تحجب كلبها من الاثام.قبل لا تحجب راسها او تلبس العباءة الفاطميه الي هي رمز العفه مو رمز لارضاء المجتمع .وحتى الصلاة ماجنت اعرف شنو معناها .وجنت اتجاهل صلاتي واكول شراح احصل حتى لو صليت .السبب الرئيسي الي خلاني هيج .هو انفصال ابوي وامي جانو دائما بيناتهم خلاف .ما واحد راضي بالثاني واحنه صرنه الضحيه نتمنى نعيش بإستقرار مثل باقي الناس بس للاسف ماكو شخص يعلمنه معنى الحياة ولا ينبهنه عن الصح والخطأ عشنه حياتنه مثل الي ساكن بأرضه بس ما اله بقعة ارض يسكن بيها .حالنه حال المشردين .وهمه كل واحد ملتهي بنفسه وهاملين اولادهم .واحمد.ربي لان وعيت ع نفسي قبل لا احترك بنار جهنم ..انت ملاك من الله دزك عليه حتى تخلصني من الظلام الي سيطر على حياتي من كل النواحي .من اليوم وعد مااترك الصلاة ولا انطي رقمي الاي شخص وهذا السيم كارد راح اكسره واشمره لان مو بحاجته .بس امانة الله يوفقك لا تتركني وحدي اريدك تكون سند الي وكل ما اغلط.تنبهني ع غلطي .امانه لتتركني وابقى ساندني الحد.ما اوكف على حيلي. هواي غلطت بحياتي مااريد اموت واني كلي ذنوب اريد اصحى من الكابوس الشيطاني الي وهمني انو الحياة بس لعب ومصالح .ربي يحققلك الي تريده ويريح كلبك ويهنيك.بحياتك.مثل ما كنت منقذ الي ***
