عشگت بنت عمي(( الجزء الثاني ))

بارت38

سلام ..🙌🙌 وهذااا تعويض عن انتظاركم5000كلمةعود غلسوا ع السحكاتت😘😂😂

شكد.حاولت انهي القصه.بس ماخلصت😢😣 هواي احداث بعد بيها

عشكت بنت عمي ج2
بارت38(^♡^)
.....##بقلمي لحن الحياة.....

حسن :-بعد ما ابتعدنه عنهم انداريت اشوفها لان احتمال تكون هاي آخررر مره بحياتييي اشوفها ...عاينت الها كاعدة بالكاع ومنهاره وتلطم ودموعها ماوكفت ابد .وابوي راح حضنها ويهدي بيها...احس كطعت الكلبي ..عمي صاح

:-هااا حسن شو وكفت المن متاني..

:-ما متاني احد بس حبيت اشوف اهلي قبل لا امشي..

:-هااا..على راحتك بويه..انه رايح كبالك

:-الله وياك عمي .شويه واجي وراك ..راح عمي وانه بقيت واكف شويه ..انحطيت بموقف كلشش صعب .بين حبي وبين بلدي..ضاك عندي النفس ..درت وجهي عنها وكلت ..ربي ارحم حالي وصبرني على فراكها.صح جرحتني هواي.بس كلبي يريدها ...استودعتك يربي اهلي وناسي وبلدي ..احفظهم ياحي ياقيوم......بعدها ابتعدت المسافات وزادت الخطوات ويا كل خطوة روحي تريد تطلع.....ليش ياحنين ليشش بقيتي ساكته 😣 ليش ما حجيتي...شنو يصير لو كايله الفضه.مو جان هسه متزوجين اوووووف.....رحت اسجل اسمي....وكان عدد المجاهدين لايفاق. ..عاينت اشوف عمي وين صار ما لكيته .طلعت موبايلي اتصلت علي.. الوو عمي وينك

:-هلا حسن..انه بوحدة من سيارات العتبه الخاصه للمجاهدين .وع الاكثر راح ياخذونه الجرف الصخر... ..

:-هاا ..يلا بالسلامه انه اسجل اسمي والتحق.بيك..وكفت ويا المجاهدين .الحد ما وصل دوري.سجلت اسمي واختبروني ع السلاح وسلمونه اسلحه و ملابس القتال..لبست الزي العسكري. وبعدها صعدنه السيارات الخاصه للحشد ..سمعت واحد من الشباب كالوا راح اخذونه للرمادي. ..مااهتميت لانو اذا بالجرف او الرمادي هو نفس القتال ونفس الموت. .كلت اتصل على عمي اخبره انو اني رايح للرمادي حتى ليضل باله .الوو عمي

:-الوو هاا عمي بشرر طلعت بعدك

:-اي عمي راح نطلع بعد شوي..بس كلت اخبرك انو انه رايح للانبار..مو للجرف.

:-هااا(بصدمه)شوداك للانبارر😨.... كتلك انه رايح وانت اسبقني.بس مو معناها تروح للانبار هم لو حاجيلي جان اجيت وياك.مو انه بالجرف وانت بالانبار..

:-عميي اذا الانبار واذا الجرف الاثنين نفس الخطر

:-صح كلامك.بس غير نبقى سوه.خو ما  كل واحد بديرة

:-عمي بعد صار اللي صار..وهاي السيارة تحركت .

:-لاحول الله والله ياحسن ضوجتني ..متكلي شنو الاخذك للانبار..حاجيهم بسرعه  وانزل من السيارةوتعال بسيارات الجرف.

:-لاا عميي صدك تحجي .وين اجيي هاهيه انه رايح

:-استغفر.يلا حسن ديربالك على نفسك وابقى على تواصل وياي..واول ماتوصل حاجيني ..