عشگت بنت عمي(( الجزء الثاني ))

بارت 26

مساااء❤

عشكت بنت عمي ج2,
بارت26"
#*بقلمي لحن الحياة

ام عهود:-يروحي الله يبارك بيج يوم الحنين ان شاء ونفرح بيها.يمه عهدة عمتج موجوده

:-اي موجوده .انطيها التلفون تحجين وياها

:-اي انطيها.***

:-يمه هاي امي تحجي وياج

ام جابر:-اخذت التلفون من عهود.هلا والله عاش من سمع صوتج

:-بيج الاكثر يروحي انتي العايشه شلونكم شخباركم.الحجي والولد شلونهم

:-كلهم بخير انتو شلونكم

:- بخير دامكم بخير ..اي خيه ان شاء الله الاربعاء والخميس معزومه انتي وام حسن وام نمر على عرس تقى بنت عمار..

:-صدكك.الف مبروك شايفه كل الخير ان شاء الله وياربي التمام والكمال .ان شاء الله نجي

:-الله يسلمج مشكورة يوم زواج فضه وحنين ونفرح بيهن...الف هلا بيكم تنورونه بجيتكم .

:-ولو تدللين .وبيكم الاكثر. نوركم الضاوي ..هاي عهود.وياج

:-الوو هلا يمه . شلونج عافيتج .....بقيت احجي ويا امي واسألها عن الاهل

فضة:-هلا والله💃لج حنووش راح يصير عرسس

:-ههه اي صار شكد ماشايفين عرس مكابلين الكتب 24ساعه

حسن:😣هلا والله يعني ماعرسوا الا هسه .واكيد.حنين تروح وهذا الخنزير جواد اكيد يشوفها و اذا امنعها راح.تخرب خطتي .هي توها بدت تحس وراسا ارجع العادتي .اكيد راح ترجع لعنادها وتكبرها وماسوينا شي وانه كوه مصبر روحي وساكت عليها اتظاهر بالبرود كبالها بس داخلي يلهب نار .حتى اكدر احرك.مشاعرها تجاهي واشلع كلبها مثل ماشلعت كلبي اذا ارجع بسهوله راح تبقى مصره ع الرفض .واحتمال هي تتمنى اكللها لتروحين بس موبسهوله اسوي الي تريده خل تشتعل بالنار الي ظكتها. .هسه تعال حلها .لو امنعها من الروحه وتفشل الخطه وينتهي كلشي لو اسكت واكمل خطتي واخليها تحبني غصب عنها .والله حيرة ودي اضمها بنص روحي واخفيها عن كل العالم .....كون بس عيوني الي تشوفها لك اااااخخخ ياكلبي متت من ورا الحب .تدمرت كل موازيني من وراه ..كمت اجر حسرات وازفر بقوة .
كلبي يكلي لتخليها تروح امنعها من الروحه .لكن لا باليد حيله..سلمت امري الربي وسيطرت ع مشاعري المتحطمه .وكلت خل تروح هي يومين وترجع وشحده جواد.يكدر يوصلها وانه موجود .