عشگت بنت عمي(( الجزء الثاني ))

بارت 36

سلااممم🙌🙌

عشكت بنت عمي ج2
بارت 36

##بقلمي لحن الحياة ..
حنين:-نزلنه من السيارة وتوجهنه للامام .انه وفضه نمشي وراهم ..وامي و عمتي وجدتي يمشن قبلنه والزلم كلها كدام .
.
ما نعرف الاماكن همه يمشون واحنه نتبعهم .اعاين الدنيا ليل والكمر يضوي والنجوم واضحه وتشع..
والزوار خير من الله ومالين كربلاء كلها بعض منهم يقرأ الزيارة والبعض متانين اهلهم وناس تروح وناس تجي وعيون ابوي وعمي وحسن علينه .حتى ما نتيه بهالليل 😊.....اعاين اشوف نسوان تمشي قريب من عدنه .وحسن واخوتي ابد ميخلون عيونهم بعين وحده و من تصير وحده من الزوار كلش قريبه عليهم يدنكون حتى لا يضايقوها ...

ام جابر:-يلا يمه شوفولنه مكان نستراح بي وبعدها ندخل للامام نزور

جاسم:-صار يمه من هاي العين كبل هاي ......حسن بعد عمك اخذ نمر و جيبوا زوالي خل نفرشها .مثل ما تشوف الزوار ماليه المكان ..

:-اي عمي تآمر ..رحت اخذت زوليه وفرشناهه والكل كعد لان انشلت رجليهم من الوكفه ...بدون ما احس على روحي اخذتني عيوني للساكنة وسط الروح...اعاين بعيونها العسليه الي تسحر كلبي وادوخ من اشوفهن حسيت على روحي وانداريت ...
تنهدت وجريت حسرة طويله ولزمت جبيني بيدي اليسرى ومغمض عيوني واضغط عليهن والوم روحي .. بقيت اجر حسرات واتجنب نظري الها ......بس مكدرت مو بيدي كلبي تعلق بيها ..اعاين الكل ملتهي وبسولف الا انه ...اترخص منكم انتو اخذوا راحتكم وانه رايح ازور ..

ابو جابر:-زين تسوي .تعال اخذني وياك خل ازور والبقيه شوكت ما يعجبهم يزورون انه ما اكدر اتاني بعد مشتاك لابو السجاد (عليه السلام ) ..

:-هااا جاا يلا جدي امشينا.رحت ساعدته حتى يوكف ..سندته ورحنه نتمشى وجدي يدعيلي بالموفقيه و الله يرضى عني

حنين:-بقيت اباوعلهم واشوف حسن شلون يسند جدي وطوله هيبه من يمشي ..كلشي بي صار يعجبني احب تصرفاته كلهن بدون ما ادري بنفسي ابقى صافنه علي واراقب كل صفه بي ...جاا شكد ثوله ليش ما شفت كل هالصفات الحلوة بي من قبل .توني يلا حسيت شكد غبية مالت عليه 😧 ...

مع محاولاتي العديدة حتى ابعده عن افكاري الدور احبه اكثر ..وبالاشهر الي مرت تدمرت كليا ودخلت مستشفى تمنيته يجي مثل الكل ويتحمدلي ع سلامتي لكن خابت كل ظنوني وماكلف روحه ودوم متجاهلني ...وجودي من عدمه نفس الشي .....قاطع افكاري صوت عمي وهو يحجي ويا جدتي

جابر:-ها يماا تكومون تزورون لو نتانيهم على ما يجون وبعدها نروح

:-لا يما خل يجون ..

:-زين .....

حسن:-كوه دخلنه للامام نزور ...الزوار هواي وبصعوبه كدرنه نفوت بنصهم ونوصل الشباك وصلت لزمته حيل والايد الثانية لازم جدي بيها ... رفعت راسي فوك وكلت ربي انت تعلم شنو بداخلي .. ربي احلفك بالحسين وبالجاه والمقام الي اله عندك لا تحرمني من اعز الناس اليه ربي وحك انبياءك ورسلك.. كلبي ما يهوى غيرها وبعيوني ما تحلى بس هي احبها ربي احبها .....
اخذ روحي مني ..بس لا تاخذ حنين وتموتني بفراكها و تجعلها نصيب غيري .
..ربي مااريد اجبرها وافرض نفسي عليها ..الي اتمنااااااه هو تبادلني نفس المشاعر وتجمعني بيها ..ااااااه يازهرااااااااء .عليج راس الحسين لا تخليني وسط النار ادعيلي اخذ بنت عمي وتكون حلالي .. احجي وكلبي احسه مجروح جرح عميق والالم يكطع بيا ..حسيت صارت مدافع خفت على جدي .انداريت علي لكيته يدعي بهمس .ودموعه تتجارى ..ابتسمت وحجيت وي جدي حتى نمشي لان الزوار تريد تزور..وفعلا لزمته زين وطلعنه ..
........لحن الحياة