سليم ..عمل مشترك ..الكاتب ..عمرو العربى..الكاتبة.. قسمة الشبينى

6

السادس
لم ينتبها للحظات التى تمر فأصبحت اللحظات دقائق والدقائق ساعات مرت دون وعى فمهما طالت الساعات برفقة الأحبة تظل دائما لحظات من السعادة بين الواقع والخيال

شروق :يا خبر انا اتاخرت انا محستش بالوقت
سليم:هو كدا الوقت بيعدى بسرعه مع الناس اللى بنحبهم
ابتسمت شروق بحياء وقالت لسليم :يلا بينا نروح بقى بدل ما بابا يرفدك من الشغل على التاخير دا
سليم:مين دا اللى يرفدنى يا ماما هو اه الحاج سعيد والمعلم بتاعى بس احنا جامدين بردو
ضحكت شروق بصوت مرتفع ضحكه اهتزت منها السياره وتشتت سليم من جمال ضحكتها ثم قالت : طيب يلا بينا يا عم الجامد بقاا علشان اتاخرنا اوووى
انطلق سليم عائدا الى المنزل بصحبه حبيبته صعدا درجات السلم معآ انتظر خارجا الى ان دلفت الى داخل شقتهم ثم صعد هو الى غرفته فى سعاده
الام صفيه : يا جمالو يا ناس بنتى راجعه مبسوطه من بره يا ترى اى السبب
شروق: ابدا يا ماما سليم فسحنى فى البلد كلها وجابلى حاجات حلوه كتييير
الام: والله واد ابن حلال مصفى تقريبا كدا شغال مع ابوكى علشان يصرف مرتبه عليكى وبس
شروق: من حيث ابن حلال فهو ابن حلال يا ماما ويستاهل كل خير
الام : طيب يلا يا بنتى نامى ابوكى نام من بدرى علشان فى توريد جاي بكره المجزر وهيصحى الفجر

نام الجميع ما عدا شروق استرخت على سريرها تفكر فى سليم حتى حل عليها الفجر ف اغمضت عينيها ونامت
فى الجهه الاخرى حيث الغرفتين التى يسكن بهما سليم واخوه الاصغر مؤمن
مؤمن : انت جيت حمد لله على السلامة يا سليم
سليم:الله يسلمك يا احلى اخ فى الدنيا
مؤمن:يارب يا اخويا تبقى مبسوط دايما
سليم:طول ما انتى جمبى هفضل مبسوط يا مؤمن
نظر مؤمن الى سليم وقال له بتحبها اوى كدا يا سليم
سليم بتعجب:هيا مين دى يا مؤمن ؟؟
مؤمن: شروق يا سليم شروق اللى بقيت بتسهر كل يوم علشانها اللى اشتغلت سواق ليها اللى بتسيبنى هنا لوحدى بالساعات علشان خاطرها
سليم: اه بحبها يا مؤمن
مؤمن بتعجب:بتحبها !!امال لو مكنتش حاضر الى حصلها امال لو مش جايبها من احضان راجل تانى
احمر وجه سليم وتملك الغضب منه حتى اعماه عن الرؤيه رفع يده الى السماء ثم وقعت على وجه اخيه مؤمن كوقع السوط على ظهر رجل يعذبه الكفار قائلا له :اخرررس . اياك اسمعك بتقول عليها كدا تانى كل اللى حصلها دا غصب عنها وانا بحبها من قبل اللى حصل دا بحبها وهتجوزها بحبها ومش شايف غيرها ..مؤمن انا مش عايزك تقول الكلام دا حتى بينك وبين نفسك اللى انت بتتكلم عليها كدا دى هتبقى مراتى يا مؤمن فاهم
خرج سليم من الغرفه وتوجه الى الغرفه الاخرى اغلق الباب خلفه نام على الارض واخذ يفكر فى ما قاله اخوه ...ذهب مؤمن خلف سليم ليعتذر له عما بدر منه محاولا تخفيف المشاحنات ولكن هيهات هيهات لما حدث ..لم يفتح له سليم الباب ولم يلفظ اى كلمه اخرى
فى الصباح اثناء خروج سليم من الغرفه قابله مؤمن بحضن كبير اعتذر له وقبل راسه ويده وحاول ان ينزل ليقبل قدم اخوه ولكن استغفر الاخ. الكبير ربه وامسك بيده واوقفه امامه وقال له انت اخويا مستحيل ازعل منك وخلى بالك اى حد واى بنت كانت ممكن تكون فى نفس الموقف دا ومنلحقهاش
اعتذر مؤمن من اخيه مره واخرى وخرجا سويا متوجهين الى العمل
مؤمن : على فكره يا سليم جايه شحنه لحوم النهارده متورده خلى بالك من الحسابات والدفاتر بقاا
سليم: متقلقش كل حاجه ماشيه مظبوط
وصلا الى العمل قابلهم المعلم سليم بالترحاب الشديد وصلت شحنه اللحوم ولكنهم تاخروا قليلا
قابلهم ايضا مرزوق قائلا لهم :انتوا اتاخرتوا ليه انتوا فاكرينها وكاله من غير بواب مخصو....
لم يكمل حديثه وقاطعه اباه يلا يا ولاد على الشغل علشان تعرف اللى داخل واللى طالع
انطلق الاخان كل منهم الى موقعه
استغرب مرزوق حسن معامله ابيه لسليم ومؤمن فقال له :يابا كدا مينفعش يابا الشغل هيقف بسبب تاخيرهم
المعلم سعيد:وانت تعرف اى عن الشغل يا فالح انت لولا انك بتورد اللحمه اللى بتتقفل وتتباع متلجه للمجزر مكنتش هشوف وشك هنا نهائى يعنى جاى لمصلحتك
يابا:....
قاطعه ابوه: ولا كلمه لولاهم كان زمانى قافل المجزر دا من زمان
انفعل مرزوق بسبب حسن معامله ابوه لسليم ومؤمن وغادر المجزر
شاهده سليم اثناء مغادرته فترك عمله وذهب الى المعلم وقال له :يا معلم كنت عايز حضرتك في موضوع
المعلم سعيد:خلصت اللى فى ايدك سليم
سليم: قربت اخلص يا معلم بس دا موضوع ضرورى ولازم اتكلم معاك فيه
المعلم سعيد :طيب تعالا على المكتب يا سليم
اتجه سليم بصحبه المعلم سعيد الى مكتبه فتحا الباب ثم دلفا الى الداخل واغلق سليم الباب مره اخرى
جلس المعلم سعيد على مكتبه واعطى الاذن لسليم بالجلوس شكره سليم وقال له : والله يا معلم سعيد مش عارف ابدء منين
المعلم سعيد: خير يا سليم قول يبنى فى ايه؟
سليم: والله يا معلم انا طالب ايد بنتك الانسه شروق فى الحلال
طأطأ المعلم راسه وقال له انت يا سليم بتمسكنى من ايدى اللى بتوجعنى علشان عارف اللى حصلها
سليم:ابداا والله يا معلم دا انا كنت هكلمك من فتره بس مكانش عندى جراءه اتكلم معاك
المعلم سعيد:يبنى انت راجل واى اب يتشرف بيك تبقى جوز بنته بس فين اهلك انا معرفش عنكم حاجة
سليم: وافق انت بس يا معلم وانا هجيب اهلى كلهم لحد هنا
المعلم سعيد:اوافق !!كدا على طووول مش لما اخد رايها الاول
سليم: يعنى افهم من كدا يا معلم ان لو هى وافقت انت كمان موافق
المعلم:وانا اللى هاجى اقولك نقرء الفاتحه كمان
فرح سليم فرحا شديدا قام فقبل راسه ويده ثم ذهب الى عمله مره اخرى واخبر اخوه بما حدث فرح اخوه لاجله فضمه بسعادة وبارك له
مرر اليوم مرور الكرام ذهب المعلم باكرا الى المنزل نادى على زوجته صفيه ::يا صفييه يا ام شروووق
صفيه:ايوه يا معلم ايوه يا راجل جايه اهه
المعلم سعيد:تعالى واقفلى الباب وراكى
صفيه:جرا ايه يا معلم واقفل الباب ليه انت هتتشاقى تانى ولا اى ما خلاص يا راجل كبرنا على الكلام دا ثم صحبتها ضحكه اهتزت لها ارجاء المنزل
المعلم :يا وليه تعالى هقولك حاجه امسكها من يدها واجلسها بجانبه على السرير ثم قال : بنتك جايلها عريس
صفيه:عريس ودا مين دا يا اخويا ؟؟
المعلم :سليم
صفيه :سليم مين يا معلم ..انت هترمى بنتك ولا ايه
المعلم : ارميها اى يا وليه يا خرفانه انتى ...سليم هو اللى شايل الشغل كله هو واخوه وواد مجدع وكسيب وبياكلها بحلال وانا فى يوم من الايام كنت فقير زيه والفقر مش عيب
صفيه:والله يا معلم ما عارفه اقولك ايه طيب هي البنت موافقه
المعلم : مش عارف بس هناخد رايها بردو
قامت صفيه بالنداء عليها يا شروووق
شروق :ايوه يا ماما ايوه
صفيه:تعالى يا بنتى كلمى ابوكى

دخلت شروق الى غرفة والديها قائلة: نعم يا بابا حضرتك عاوزنى
المعلم سعيد: تعالى يا شروق اقعدى
تجلس شروق فى مواجهة والدها الذى ابتسم بحنان وقال : كبرتى يا شروق
شروق بمزاح: ايه ده يا بابا اخدت بالك فجأة
المعلم سعيد: شوفى يا حبيبتي أنا هتكلم معاكى فى موضوع مهم ولازم تفكرى كويس
شروق بإهتمام : خير يا بابا
المعلم سعيد: النهارده جالك عريس واحد محترم وابن حلال
شروق: عريس مين يا بابا
المعلم سعيد: سليم

شروق بخبث وذكاء :سليم يا بابا ..سليم اللى شغال عندنا ..سليم اللى بيوصلنى لاى مكان ؟؟!
المعلم سعيد:مالو بس
قاطعته شروق : واضح ان بعد اللى حصلى عايز ترمينى لاى حد وخلاص يا بابا
الام صفيه : عيب يا بنت اللى بتقوليه لابوكى دا
الحاح سعيد: يا بنتى ارميكى ازاى دا انتى حته منى لحمى ودمى بس انا شايف أنه واد كسيب ومجدع وبيحبك وبيخاف عليكى ثم اردف قائلا ..زمان لما رحت اتقدم لامك كنت زى سليم مش لاقى اكل بس جدك وثق فيا وانا كمان بديلوا نفس الثقه
شروق بسعاده: على فكرة يا بابا انا كنت موافقه على سليم بس قلت لحضرتك كدا علشان اعرف راى حضرتك فيه واسمع عنه كلمتين حلوين
صفيه : يعنى موافقه يا لمضه
شروق :-طبعا يا ماما موافقه وبعدين الكلمه الاولى والاخيره للمعلم سعيد واللى هيقوله هعمله
المعلم سعيد: الف مبروك يا بنتى الف مبروك
فى اليوم الثانى ........
نزل المعلم سعيد الى العمل فوجد سليم ومؤمن قد بدئا فى العمل باكرا
المعلم سعيد : يظهر كدا انكم نزلتوا بدرى النهارده
مؤمن : والله يا معلم ضغط الشغل كبير علينا بس بعون الله احنا قدها ..احنا خلاص وزعنا اكتر من نص الطلبيه اللى جات فى الاخر واستلمنا الفلوس
المعلم سعيد : هاتو الدفاتر وتعالوا ورايا على المكتب
اتجه المعلم سعيد الى مكتبه ومن خلفه سليم ومؤمن راجعا الحسابات وبعد ان انتهيا اردف قائلا ..الله ينور عليكم يا رجاله الشغل يوم عن يوم بيزيد وبيفرق
سليم: الحمد لله يا معلم اننا عند حسن ظنك
المعلم سعيد :بالمناسبه انا نويت ازود لكم مرتباتكم من الشهر الجاى وليكم عندى مكافاه حلوه كمان بعد ما نوزع الطلبيه كلها
رد مؤمن : مالوش لزوم يا معلم خيرك سابق
قاطعه المعلم :انتوا اللى شايلين المجزر يا ولاد وبالمناسبه بقاا يا سليم تقدر تجيب اهلك امتى ؟؟
تفاجا سليم : اجيبهم .اهلى .منين ..ليه ؟
ابتسم مؤمن وقاله اثبت يا عريس كدا ورد على المعلم
سليم: معلش يا معلم ..انا موافق فى اى وقت تختاره
ضحك المعلم سعيد ومؤمن بصوت عالى ثم قال المعلم سعيد : موافق على اى يبنى هو انا جاى اطلب ايدك دا انا بقولك هات اهلك وتعالا علشان نقرا فاتحتك على شروق
سليم: حدد اليوم والوقت يا معلم وانا هجيب والدتى واجى
المعلم :خلاص يبقى الجمعه الجايه لا اللى بعدها
سليم : تمام يا معلم تمام ..هنقوم احنا نكمل شغلنا بقاا ..اكمل سليم عمله بسعاده بالغه هو ومؤمن