DICE

Stage 09

ကောင်းကင်ကဲ့သို့ ပြာနှမ်းသော အန်စာတုံးလေးသည် ပတ္တမြားကဲ့သို့ နီရဲသောအသွင်ကို ပြောင်းခဲ့သည်မှာ Kun ဆီမှ Winwin လုယူခဲ့စဉ်ကတည်းကပင်ဖြစ်သည်။

ထိုအပြောင်းအလဲကို အံ့သြစွာတွေ့ပြီးနောက် Kun ရှောင်ထွက်သွားခဲ့သည်မှာ ယနေ့အချိန်အထိ။

မမေးမြန်းသလို စကားပင် မစ။

အရာအားလုံး မဖြစ်ခဲ့သလို ဟန်ဆောင်ကောင်းလွန်း လှသည်။

ယိုင်နဲ့နေသော ခြေလှမ်းများဖြင့် Winwin ၏ မိခင်ဖြစ်သူ အလုပ်မှ ပြန်လာသည်။ ထုံးစံအတိုင်း မူးလာပြီလည်း ဖြစ်သည်။ ရပ်ကွက်တကာလှည့်၍ အဝတ်လျှော်ပေးရသော ခဝါသည်ပီပီ လက်နှစ်ဖက်မှာလည်း နွမ်းလျနေပြီ။ ခါးများလည်း ကိုင်းကာ မျက်လုံးများလည်း ဆင်းနေသည်။

"မား.."

တံခါးနားသို့အလျင်အမြန်သွားလိုက်သော ခြေတံများမှာ ပိန်လှီလွန်းလှသည်။ သေးသွယ်လွန်းလှသည်။ အနည်းငယ်ရှည်သော ခြေတံနှင့် ခပ်မြန်မြန် လျှောက်သွားသော Winwin သည် အမည်းနှင့်အဖြူအကွက် ဘောင်းဘီတို အဟောင်းလေးအား ဝတ်ထားသည်။

မိခင်ကိုကြည့်ရင်း စိတ်မကောင်းဖြစ်ကာ တစ်စုံတစ်ခုကို သတိရမိလိုက်သည်။ သူ့ကို ပြောင်းလဲပေးနိုင်ခဲ့သူ X ကိုပင်။

အခန်းထဲဝင်၍ အနီရောင် Dice လေးကိုယူကာ မျှော်လင့်တကြီး ကြည့်မိသည်။ စားပွဲပေါ်မှ ဖုန်းက်ို လှမ်းယူမည်အလုပ် Notification ကရောက်နေပြီ ဖြစ်သည်။

📱 ဘာတွေစိတ်ညစ်နေတာလဲ 📱

Winwin ၏ပုံသဏ္ဏာန်ကို သူကြည့်နေသော Dice မှတစ်ဆင့် မြင်န်ိုင်သည်မို့ ဖုန်းတွင် X က လာမေးခြင်းဖြစ်သည်။

Winwin ပြုံးကာ ကြည့်မိရင်းကနေ အမြန်စာရိုက်လိုက်သည်။

📱 ကျွန်တော့်ကို ခင်ဗျား ဘာမဆို လုပ်ပေးနိုင်တယ်မလား? 📱

📱 ဒါပေါ့ 📱

Winwin ထပ်ပြုံးသည်။ လူတကာခိုင်းဖက် ဆိုသော Dong Sicheng အဖြစ်မွေးဖွားလာကတည်းက သူ့အတွက် ပျော်ရွှင်မှုဆိုတာ မရှိခဲ့ပေမယ့် အကယ်၍ သူ့အမေကိုသာ အဝတ်လျှော်သည်အဖြစ်မှ ပြောင်းလဲပေးနိုင်မည်ဆ်ိုလျှင် ဒါသူ့ဘဝအတွက် အပျော်ရွှင်ဆုံး ဖြစ်လိမ့်မည်။