تضحيه
الحلقة 8
نرمين : اتاخروا كده ليه
عمر : دول لسه قايمين وبعدين سبيهم يقربوا من بعض
نرمين : بس ي عمر فرحة مش بتحب كده
عمر : طيب خلاص ... بس انتي وحشتيني
نرمين لم ترد
عمر : عايز اقرب منك ي نرمين علشان نفهم بعض اكتر
نرمين : طيب ما احنا بنفهم بعض اهو
عمر : ايه رايك تيجي بكره مع فرحة تتفرجي علي المكتب وكمان علي شقتنا انا قولتلك انها فوق المكتب مش كده
نرمين : لا بكره عندي شغل كتير خليها يوم تاني معلش
عمر : زي ما تحبي
روحوا كلهم و عمر راح لاخته ملك كان قريب منها وبيعتبرها صديقته وجوزها(كريم ) يبقي صاحبه وبيشتغل مهندس وبيحب ملك اوي وهي كمان وكانت ملك حامل في الرابع
طرق عمر الباب عند ملك .....
ملك : حبيب قلبي وحشتني والله
عمر وهو مهموم : وانتي اكتر
ملك : تعال ادخل كريم زمانه
عمر جلس في حجره الصالون وملك بجانبه ....
ملك : مالك يا حبيبي شكلك مش عاجبني خالص
عمر : مش عارف ي ملك يمكن ده حظي ... انا طول عمري شايل قلبي للانسانه اللي هتجوزها قلبي هيكون ليها هي بس .... بس كل ما اخطب بنت احس اني عمري ما هقدر اديها قلبي
ملك بحزن : انت عارف ايه مشكلتك ي عمر ... انك من الرجاله اللي ماتت في الحرب
عمر : هههههههه... طيب الله يرحمني بقي
ملك : بعد الشر عليك ... اصل انت ي عمر لازم تحب الانسانه اللي هتجوزها يعني متروحش تخطب بنت لمزاياها فاهمني
عمر : بصي نرمين انسانه رائعه جداااا بس بحس انها مغصوبه عليا مش عارف ليه
ملك : انا في فرحكوا كنت حاسه انها مش فرحانه خالص ما تحاول تتكلم معها
عمر : هسيبها للظروف وان شاء الله اتكلم معها
دق جرس الباب وجرت ملك لتفتح ....
عمر : ههههههه براحه ي بنتي انتي حامل يخربيتك ي كريم جننت اختي
كريم : السلام عليكم
ملك و عمر : وعليكم السلام ي كيمو
كريم : ايه ي بني من يوم ما خطبت مش بنشوفك
عمر : ما هو قرك ده جايبني ورا
كريم : ليه بس
عمر قام من مكانه ..
عمر : ملك تحكيلك بقي علشان هصحي بكره بدري وعندي مذكره هكتبها معلش ي كيمو
أنت تقرأ
تضحية للكاتبة وردة
Romanceرواية جميلة اتمنى تعجبكم للكاتبة وردة انا ناقلة فقط حقوق التأليف للكاتبة ورده
