تضحية للكاتبة وردة

١٣

تضحيه
الحلقه 13

فلاش باك .....

ام عمرو : انا حاسه ان ربنا بعتك لعمرو علشان تغيري عمره ما كمل في جوازه كده او اكتر من اربع شهور خدي بالك من عمرو وحمزه ي جميله

جميله في اندهاش : هو اتجوز كام مره !!!!!!!

ام عمرو : انتي متعرفيش ده كل ما تعجبه واحده يتجوزها وبعدين يطلقها بس انتي متعلق بيكي بجد يمكن علشان مطيعه وشايفك حبتي ابنه

جميله : ( دلوقتي بس ي بابا عرفت ليه كنت حزين اكيد كنت تعرف انه كده ليه ي بابا عملت كده فيا علشان كده رفض الخلفه مصيره يرميني زي غيري وانا هفضل مهدده كده ي ربي خليك معايا ... بس انا حبته من حنيته وغيرته وخوفه عليا

وعصبيته الكدابه وضعفه اللي بيخبي بتحكماته بحب كل حاجه في معقول هيسبني حتي حمزة بموووو ت في )

ربنا يستر ي ماما .... طيب هو بيعمل كده ليه علشان مراته اللي ماتت هو كان بيحبها اوي كده

ام عمرو باستغراب : ماتت !!!!! لا هي عايشه في اسكندريه هي وجوزها ايمن كان صاحب عمرو من الجامعه وكان بيشتغل معاه في الشركه بس كان مستوي المادي عادي جدااا

وفي يوم سلوي جت تشتغل في الشركه وايمن وهي حبوا بعض وبعدين عمرو ابني حبها اوووي برضو وايمن عرف وبقي مش بيحاول يبين ده وخدني وروحنا خطبنها وكانت من حي شعبي اوووي

وابوها كان وحش اوي وتقريبا غصب بنته علي الجواز عاشت مع عمرو سنه وكان بيعشق التراب اللي بتمشي عليه وعمري ما حسيت انها بتحبه ابدا بالعكس خالص لحد ما ولدت حمزه وكان عمرو غير كده

وطاير من الفرحه جات سلوي حكيت علي كل شئ وقالتله انها عايزة تتطلق وانها مش بتحبه وعايزة تسيبه ....عمرو ابني انصدم واعتبرهم خاينين لي وطرد ايمن من الشركة
وطلقها بعد ما مضت ورقه انها تسيب ابنها لي وسافرت هي وايمن ومن يومها ابني بقي يتجوز البنت اللي تعجبه ويسيبها وقت ما يعجبه وكره ابنه حمزة

جميله : بس هي اعترفت علشان متبقاش خاينه

ام عمرو : سيبك منها....انتي بتحبيه

جميله :اوي اوي ي ماما

دخل عمرو وقتها عند جملتها وباس جبينها وقالهاانه هو كمان بيحبها اوي

نرجع تاني .....

جميله :بدات احببه في ابنه حبه حبه نخرج سوا و انيمه معانا وبدا يحبه اوي واتعلق بي وبيعاملني احسن معامله وفضل رافض الشغل بعد ما اتخرجت ورافض فكره الولاد يمكن علشان سلوي سابته اول ما خلفت بعشره ايام

فرحة بزعل : وبعدين ايه اللي حصل ايه اللي محسيسك بالخوف كده

جميلة: خايفه يسبني بعد ما حبيته كده وفضلنا اربع سنين عايشين في سعاده وبصراحه عمره ما شاف بنت غيري وكا بيعاملني بمنتهي الحب لحد ما

فرحة : حصل ايه !!!!

جميله : حملت ....من ساعت معرف وهو بيعاملني وحش لحد ما وصلت للضرب وطلبت الطلاق منه وقتها مع اني مش عايزة اسيبه ابدا ولا اقدر علي كده

فلاش باك .....

عمرو بزعيق : جمــــــــــــــــــيله

جميله : نعم ي عمرو

عمرو : روحتي للدكتور

جميله : لا مش هقدر اقتل ابني بايدي ي عمرو ده ابني افهمني احنا متجوزين وفيها ايه لمل يكون عندنا بيبي بس

عمرو شدها من ايديها :انا قولت مش عايز ولاد

جميله بتحدي : لا مش هنزله واللي عندك اعمله ولا اقولك طلقني احسن

عمرو : ايون كده اظهري علي حقيقتك عايزة تتطلقي ليه انتي عارفه حد وبتحبي انطقي قولي

جميله :انت اتجننت حد مين انا عاوزة اريحك مني

عمرو (ضربها اكتر من قلم ): انا هتجوز عليكي وهسيبك كده لحدما تقولي حقي برقبتي انتي فاهمه

نرجع تاني .......

جميله وهي تبكي : لميت شنطتي و ودعت حمزه اللي كان بيعيط وماما وروحت عند اختي ولحد دلوقتي قاعده هناك

فرحة : واتجوز عليكي !!!!

جميلة بحزن شديد : اها اتجوز السكرتيره ومن غير ما يقولي ومصمم انزل البيبي او هيخليني انزله بمعرفته لو عندت معاه

فرحة : وانتي عايزة ايه ي جميله !!

جميله : انا نفسي يكون عندي اسرة ومخافش انه يسبني علشان بحبه ونفسي يرضي يخلف مني واتاكد انه بيحبني وكمان ارجعه عمرو الطيب الحنين بتاع زمان بس مش عارفه اعمل اي حاجه من دي علشان كده عايزة اطلق بس انا مش عندي عائد اربي بيه ابني .....واستمرت في البكاء

جميله صعبت علي فرحة اوي وقررت تاخدلها حقها وترجع عمرو ليها لانها حاسه ان عمرو بيحبها بس خايف يعترف بالحب ده ....