تضحية للكاتبة وردة

36

تضحية

الحلقة 36

نرمين بدات تبكي : فرحة ي ماما فرحة

الام : مالها ردي عليا

نرمين : اضربت بالنار ي ماما واحنا في المستشفي دلوقتي

الام ببكاء : كنت حاسه كان قلبي واكلني علي بنتي ليه ي نرمين مخبيه عليه حرام عليكي هي طيب عامله اديني اكلمها

نرمين : في العنايه ي ماما في غيبوبه ادعيلها ي ماما

الام : مين اللي عمل كده ي نرمين

نرمين : لما تيجي هاحكيلك ي ماما

الام : انا هنزل القاهره حالا ومش هاقول لابوكي دلوقتي هقوله ان البنات قاعدين لوحدهم وعمك الحمد لله بقي احسن يعني كلها يومين ويحصلني طيب ي نرمين الدكتور قال ايه طيب

نرمين : ان شاء الله تتحسن ي ماما فرحة قويه ومش هتسبنا

الام : ي رب ي بنتي

شريف : نرمين انا اتحايلت علي الممرضه وقولتلها هتدخلى شويه وتخرجى علي طول

نرمين : بجد هشوفها ربنا يخليك ليا ي شريف

شريف اتحرج وفرح في نفس الوقت لانه حس ان نرمين حبيبته رجعتله تاني ...

شريف : بسرعه بس علشان منعملهاش مشاكل

نرمين : حاضر حاضر

(دخلت نرمين بعد ما لبست علشان العنايه المركزه )

قرب شريف من عمر .....

شريف : قولتلها تدخلك انت كمان بس قالت مينفعش وقالتلي بكره ممكن شويه صغيرين

عمر وتساقطت من عيناه دموع : تسلم ي صاحبي ....انا بحبها اوي ي شريف انت متعرفش ازاي انا اتغيرت اوي من بعد ما عرفت اني بحبها ونفسي نرمين تصدقني

شريف : متخافش انا معاك ومعاها وان شاء الله كل ده هيتحل باذن الله بس انت قول ي رب وقدر وضعها اختها الوحيده برضو

عمر : ياااارب ...انا عارف ومقدر والله

دخلت نرمين وقبلتها في جبينها ....مسكت ايديها ...

نرمين والدموع في عنيها : فرحة حبيبتي بقالي كتير متكلمتش معاكي صحيح كام يوم بس كانهم سنين

(سكتت ثواني وبعدين بنبره عتاب )

قوليلي صحيح انتي فعلا بتحبي عمر لدرجه انك تموتي بداله ...انتي عارفه لما وقعتي والدم ملئ هدومك حسيت كانك روحتي مني خلاص بس انا عارفه انك قويه وهتكوني احسن وترجعي زي الاول ولو بتحبي عمر اوي كده انا هخلي بابا يجوزكوا مش هزعل المهم تقومي ي حبيبتي

الممرضه : لو سمحتي ي انسه هتعمليلي مشكله كفايه كده بقي

نرمين : حاضر هخرج خلي بالك عليها ارجوكي

الممرضه : في عنيا هي شبه الملايكه ربنا يقومها بالسلامه

تاني يوم الصبح والده فرحة وصلت وكانت بتجري في الممر علشان تشوف بنتها .....

الام : بنتي فين ي نرمين عايزة ادخلها

نرمين : اهدي ي ماما ممنوع الدخول للاسف بس حالتها مستقره

الام : مين السبب قوليلي

نرمين : هيكون مين ي يعني الشخص اللي مش وراه غير انه يخلينا تعساء علي طول الاستاذ عمر ..........

الام : انت ايه اللي جابك هنا وايه دخلك ببنتي

شريف : طيب ي طنط ممكن تقعدي حضرتك واحنا هنفهمك براحه

الام : وانت كمان جاي ليه هنا

جلست الام وقصت لها نرمين و شريف كل ما حدث و عمر مازال يقف امام الغرفه يدعو الي الله ان ينجيها .....

والدتهم بعد ما سمعت كل ده سكتت متكلمتش نهائي .....

بعد كام ساعه جت جميله وجوزها لما اتصلت كتير بفرحة وكان مغلق اتصلت بنرمين وحكتلها .....

جميله : الدكتور قال ايه هتفضل كده

عمرو : انا ممكن اسفرها برا في اي مكان وبسرعه

نرمين : الدكاتره هنا كويسين بس مستنين تفوق والدكتور هيجي ان شاء الله كمان اسبوع وده جراح كبير

جميله : ربنا يقومها بالسلامه .... عمر شكله تعبان اووي ي نرمين ربنا معاه

نرمين : انتي بتقولي ايه ده يمثل واختي الغلبانه صدقته

جميله : بس ي نرمين ايه اللي بتقولي ده حرام عليكي دول بيحبوا بعض من بدري وبيخاف عليها اووي اوووي صدقيني هو كمان بيحبها مش شايفه حالته ده مش داري باي حاجه

نرمين : هو طول النهار والليل واقف الوقفه دي بس فرحة ازاي تخبي عليا

جميله : هي مكانتش تعرف اصلا وكان المفروض هيقولها في الرحله

عمرو : جميله ي حبيبتي احنا اتاخرنا يلا نروح ونيجي بكره ان شاء الله

جميله : حاضر ي عمرو ...الف سلامه عليها ي نرمين شدي حيلك وادعيلها

عمرو : ان شاء الله تقوم بالسلامه

نرمين : يارب ان شاء الله

الساعه 12 بالليل في المستشفي وكانوا كلهم تعبانين وقاعدين علي الكراسي ..

نرمين سانده علي كتف مامتها ونايمه ومامتها ماسكه المصحف ....

و شريف كان نايم ومرجع راسه لورا و عمر كان قاعد بيقرالها قران وواقف قدام الغرفه .....

فجااااااااااااااه .....