تضحية للكاتبة وردة

٢٣

تضحيه

الحلقة 23

خرجوا راحوا يجيبوا فستان وطبعا فرحة صعب جدااا تختار فستان لان ليها مواصفات خاصه انه يكون محترم وبكم ومش ملفت ومش ضيق حاجات كتير وبعدين لون الفستان بقي....وفضلوا يتفرجوا سوا

فرحة : ايه ي ربي ده مفيش محترم خالص كده انا مليت ده كله عريان ومش منظر فستان الواحد يلبس عليه حجاب

نرمين : فرحة بصي في محل في فساتين للمحجبات في اخر الشارع ده بس انا تعبت بصراحه وجوعت يعني

( وابتسمت لاختها )

فرحة : في مطعم حلو اوي هناك تعالي نروح ناكل اي حاجه ونكمل ايه رايك

نرمين : موافقه طبعا يلا بسرعه لاحسن هيغمي عليا

بعد ما خلصوا اكل ....

نرمين : ي سلام الواحد كان جعان جداااا

فرحة : بالف هنا ي حبيبتي انا ليا مين غيرك علشان ادلعه بس

نرمين ابتسمت : ربنا يخليكي انتي بحسك مامتي التانيه اصلا

فرحة: ههههههههههه ي ربي انا كبيره اوي كده

نرمين : فشر ي بنتي انتي قمر مش اختي

فرحة : ي سلام

وفجاه تحول ضحك نرمين الي نظره عتاب بشوق بحززززن ... شريف دخل المطعم ومعاه موكل وخد باله من نرمين بس محبش يضايقها

فرحة في سرها : سايب مطاعم البلد وجاي هنا ده ايه الحظ ده

فرحة : تحبي نقوم

نرمين : سبيني شويه بس ونقوم بعدين بقالي كتير مشفتوش ي فرحة

فرحة : وبعدين ي نرمين

نرمين بحزن : طيب يلا بينا ...انتي اصلا متعرفيش مكتبه قريب من الشارع ده

فرحة: وعرفتي منين

نرمين : ي بنتي ما اناروحتله قبل كده... طيب هروح التوليت وهاجي نمشي

راحت التوليت علشان تظبط الطرحه وبعدين يمشوا ...قام شريف علشان يطمن عليها من اخر مره ....

شريف استناها عند الباب ولما خرجت وقفت مكانها وبصتله بس .....

شريف : نرمين طمنيني عليكي انتي كويسه

نرمين والدموع في عنيها : اها كويسه الحمد لله .... حضرتك انا اتفضحت بس والناس كلها فاكره اني خنت خطيبي بس كده يعني وكله بسبب الهانم رانيا هي تعرفني منين عايزة افهم ؟؟؟؟

شريف حكلها اللي حصل : انا اسف ي نرمين ومتخافيش مش هقرب منك تاني ومش هسمح لحد يجيب سيرتك بربع كلمه

نرمين : شكرا ي شريف انا همشي علشان فرحة لوحدها

فرحة حست بعدم وجود شريف وقامت تشوف اختها ...