تضحيه
الحلقة 24
دخلوا القاعه وكانت علا وادهم لسه مجوش وقعدوا علي ترابيزة ومرضيش يقوم يقف مع صحابه علشان ميسبهاش لوحدها ومحدش يرخم عليها ...
علا دخلت القاعه وكانت شبه الملايكه وكانت فرحانه بادهم لانه طيب جداا وحنين معاها اووي وطبعا بيحبها جدااا ....
فرحة : ماشاء الله علا جميله اوووي
عمر : فعلا ...عقبالك
فرحة : وعقبالك انت كمان
عمر : ادهم قالي انك اقنعتيها تلبس الحجاب
فرحة : لا عادي انا قولتلها ليه تاخدي ذنوب في اجمل ليله في حياتك والمفروض اننا نرضي ربنا علشان فرحنا وهي لوحدها اقتنعت
عمر : برافو عليكي ي فرحة وجزاكي الله خيرا ي رب
جيه عليهم شخص يعرف عمر وبيسلم عليه وخده علي بعيد شويه وعنياه علي فرحة .....
قرب شخص من فرحة ....
الشخص : تسمحيلي بالرقصه دي ؟؟
فرحة : اسفه حضرتك مش برقص مع حد
الشخص برخامه : ليه بس كده انا مش هضايقك ده احنا هنرقص عادي زي كل الناس دي
فرحة بجدية : قولتلك مش برقص مع حد حضرتك وبعدين مليش دعوه بالناس مش معني انهم بيعملوا كلهم حاجه تبقي صح
جيه عمر بسرعه للترابيزة وكان مضايق وغضبان جدااا ان في حد بيكلمها ,,,
عمر : خير ي استاذ في حاجه حضرتك واقف كده ليه
الشخص ببرود: انا بطلب من الانسه ترقص معايا وهي مرضتش
عمر وابتدئ يتعصب : طيب اتفضل بقي من هنا شوفلك حد تاني ارقص معاه
الشخص في منتهي البرود :مفيش حد اجمل منها بصراحه
(وبص لفرحة )
عمر اتعصب خلاص وصوته ابتدي يعلي :انت قليل الادب غور من هنا بدل ما اعلمك انا الادب
الشخص : وانت مالك انت هو انت اخوها ولا خاطبها ملكش فيه
عمر : راح ضربه بالبوكس
(مع ان هو بطبعه هادي )
الناس اتلمت عليهم وادهم جيه كمااان وبدأوا يهدوه
عمر : شخص قليل الزوق وقليل الاحترام
ادهم : اهدي ي عمر حصل خير اهو غار في داهيه وزمايلاه ماشوه
عمر : انا اسف ي ادهم عملتلك مشكله يوم فرحك
ادهم : ولايهمك ي متر ...انا اسف يا فرحة وانا هبهدله لما اشوفه
فرحة : لا ي استاذ ادهم حصل خير .. عمر انا هروح اسلم علي علا وهامشي
عمر : طيب يلا بينا
أنت تقرأ
تضحية للكاتبة وردة
عاطفيةرواية جميلة اتمنى تعجبكم للكاتبة وردة انا ناقلة فقط حقوق التأليف للكاتبة ورده
