تضحية للكاتبة وردة

١٨

تضحيه
الحلقة 18

عند جميله .....

جميله : ي فرحة اختي هتجيلي بالنهار وطنط بالليل لحد ما اتحسن وانتي ارجعي شغلك علشان خاطري

فرحة : طيب خلاص بس هجيلك بعد الشغل ان شاء الله
جميله : ماشي ي ستي ..... بقولك ممكن تجيبي اختك في اي يوم تحبه اتكلم معاها شويه

فرحة : يمكن تضايق اني حكتلك

جميله : لا انا هحكيلها حكايتي عادي وهي اكيد هتحكيلي يعني نقعد يوم كده بنات بس

فرحة : ماشي .... بس اوعي تقوللها علي مشاعري اتجاه عمر

يرن هاتف فرحة .....

فرحة : ده عمر ... ثواني ي جوجو

فرحة : السلام عليكم .... اها .....تمام ثواني ونازله .... سلام

جميله : زي ما اتفقنا هاتي نرمين في يوم ي فرحة

فرحة : حاضر لما اروح هكلمها ان شاء الله

نزلت تحت ولاقيت عمر مستنيها ....

فرحة : اهلا ي عمر سوري لو اتاخرت

عمر : لا ي فرووحة ولا يهمك يلا بينا

فرحة : اوك يلا

وصلوا البيت ........

عمر: اشوفك بكره بقي ان شاء الله

فرحة : ان شاء الله ي عمر بس هعدي علي جميله الاول

عمر : تمام ي فرووحة

فرحة : هسلملك علي نرمين وهقولها انك عندك شغل بكره علشان كده مش قدرت تطلع

عمر وقد تغير وجه من الابتسامه الي العبوس:

طيب ...تصبحي علي خير

فرحة : وانت من اهله

سلمت علي باباها ومامتها دخلت علي طول لنرمين ....

فرحة : نيمو عايزاكي في حاجه

نرمين : قولي ي فروووحة ي حبيبتي بس ياريت ميكونش بخصوص عمر علشان انا النهارده مبسوطه خالص

فرحة : يارب دايما .... بس ليه بقي

نرمين بتوتر : اصلي شوفت شريف النهارده

فرحة : ايه !!وشوفتي فين بقي مش اتفقنا مش هتقابليه خالص

نرمين : اصل ... بنت زملتي كانت محتاجه محامي وانا روحت معاها لشريف علشان يمسكلها القضيه

فرحة : طيب ما عمر محامي برضو ي نرمين لو عرف هيحصل ايه بقا

نرمين : مين اللي هيقوله ي بنتي .... انتي عارفه حسيت ان شريف انبسط اني شوفته بس في الاخر قالي مش هينفع نقابل بعض حتي لو صدفه بس برضو مبسوطه

فرحة : وبعدين معاكي بدل ما تقربي من خطيبك

نرمين : طيب بس متقوليش خطيبك دي انتي عارفه انها حكايه مؤقته اساسا وانا مش عارفه افسخ الخطبوبه دي بسبب بابا وهو .... صحيح كنتي عايزاني ليه بقي

فرحة : بنت اعرفها اسمها جميله صحبتي عايزة تتعرف عليكي عازمنا عندها شوفي يوم كده وقوليلي

نرمين : طيب ماشي اهو نغير جو برضو

فرحة : اوك ايه رايك بعد بكره ان شاء الله

نرمين : تمام ان شاء الله وهو يكون اجازة

تاني يوم صحيت فرحة نشيطه وبتستعد لليوم اللي بيكون مليان مشاوير تروح الصبح لجميله وبعدين المكتب وبعدين لجميله وبعدها البيت

وطبعا عمر كان بيصر يوصلها دايمااااا

نرمين في شغلها .... بيرن الهاتف

نرمين : السلام عليكم ... ازيك ي سموحه وحشاااني

سماح : الحمد لله ي حبي انتي اخبارك طمنيني

نرمين : الحمد لله تمام هترجعي امتي بقي

سماح : انا رجعت بقي لسه النهارده ما تجيلي شويه

نرمين : اوك هتصل ببابا واجي اقضي معاكي طول النهار وتحكيلي عملتي ايه اتفقنا

سماح : اوك ي حبي هستناكي ..... سلام

في المكتب......

علا : بس ده تعب عليكي ي فرحة اوي

فرحة : معلش بقي اديني باخد ثواب ....مش عارفه اجيب لاختي ايه في عيد ميلادها

علا : في بوتيك جميل اوي اعرفه هديكي العنوان

فرحة : ميرسي اوي ي لولو ربنا يخليكي ليا

ادهم : ويخليها ليا

علا بكسوف : يو ي ادهم خضتني بقي

فرحة : كده برضو ي استاذ ادهم خضتها

ادهم : انا اقدر برضو دي زوجتي العزيزة

علا : لسه كمان 3 اسابيع ي ادهم

ادهم : لا من دلوقتي انا مش عارف ليه استنينا شهر كنا خلنها بعد اسبوع

علا : ما نخليها النهارده احسن ايه رايك

ادهم : بجد ي علا طيب يلا بينا نقول لعمو

علا : ادهم انت سخن ولا حاجه النهارده ايه بس روح شوف وراك ايه قال النهارده قال

طرق عمر الباب ......

عمر : معلش ي علا استحميلي بقي

علا : والله مستحمله بس هو صبر 8 سنين مش قادر يصبر 3 اسابيع

ادهم : لا بصراحه

فرحة : معلش ي علا استاذ ادهم بيحبك علشان كده عايزكوا تتجوزوا بسرعه

علا اتكسفت اووي..... وكانت بدات تحس بمشاعر ناحيه ادهم بس لسه مش قالتله حست انه هو قدرها وحبها الوحيد وقد ايه هو بيخاف عليها وعمره ما فكر يخونها ابدا ولا يزعلها .....

وفجاااه ....