تضحية للكاتبة وردة

34

تضحيه

الحلقة 34

شريف : ايوه ي ادهم ايه الجديد

ادهم : واحد صاحبي قالي النهارده عمر اتنازل عن التوكيل اللي معمول ليه

شريف : اكيد بيضغطوا عليه مضطرين نستني لبكره في الجلسه ربنا يستر

ادهم : هنتقابل كلنا هناك انا وانت و كمال وعلا كانت عايزة تيجي بس الحمل تاعبها

شريف : لا خليها مرتاحه كفايه احنا

نرمين : انا جايه ي شريف

شريف : سلام ي ادهم .....لا ي نرمين مش هتيجي مش عارفين ممكن يحصل ايه لو سمحتي كفايه اتنين

نرمين : دي اختي علي فكره وهروح يعني هروح حتي لو لوحدي ومش بستاذنك علي فكره

شريف : براحتك ي نرمين انا عاذرك في الكلام اللي بتقولي علشان اختك

نرمين انهارت في الدموع : انا اسفه ي شريف بس انا خايفه اوي علي فرحة وقلبي مقبوض

شريف : ادعيلها ربنا ينجيها هي و عمر

نرمين : لو سمحت متجبليش سيره البني ادم ده

شريف : طيب ي نرمين انا ماشي وخدي بالك علي نفسك ولو عوزتي حاجه انا في العربيه تحت

نرمين : طيب ازاي هتنام في العربيه

شريف : اصل دول مافيا وممكن لقدر الله ياذوكي ولازم ابقي مطمن عليكي

نرمين : ربنا يخليك ليا ي شريف مش عارفه من غيرك كنت هعمل ايه

شريف : ماشي ي ستي تصبحي علي خير

نرمين : وانت من اهله

تاني يوم في المحكمه راحت نرمين مع شريف وادهم و كمال علي المحكمه والعمال والدكاتره اللي مقدمين القضيه واضايقوا لما عرفوا اللي حصل وان عمر ساب القضيه وان كل ده كان علي الفاضي ...

في الفيلا .....

البودي جارد : ها ي متر ايه الاخبار

المحامي : انا قدام قاعه المحكمه ومفيش حاجه صحابه مستنين والناس قاعدين لكن القضيه اطمن فشنك من غير الورق

البودي جارد : طيب بلغني بالجديد

المحامي : انا هقفل التليفون علشان مينفعش في القاعه هي القضيه خلصت مشي الناس اللي عندك مش عايزين مشاكل اكتر من كده علشان العين متبقاش علينا وانا هكلم الباشا وهقوله كله تمام

البودي جارد : ماشي هوصلهم لاقرب طريق وارميهم من العربيه ونشوف احنا شغلنا بقي

بعد المكالمه .....

البودي جارد : يلا ي متر افراج بس متلعبش بالنار تاني ي شاطر علشان كده كخ يلا قوموا

(فكلهم الحديد وخبي عنيهم وركبهم العربيه)

كان البودي جارد ده الدراع اليمين للباشا الكبير

وتقريبا بينفذ معاه كل الثفقات المشبوهه .......
العربيه اتحركت ورموهم عند اول الطريق و عمر خد تاكسي هو فرحة وفي طريقهم للمحكمه .....

في العربيه ......

فرحة : هنروح نعمل ايه ما خلاص بقي ي عمر

عمر : لا ي حبيبتي مش خلاص ولا حاجه هما فاكرين انهم اذكي مني لكن انا هوريكي الضربه القضيه ليهم دلوقتي وان كل الناس اللي انتي خايفه عليهم دول ان شاء الله حقهم يرجع لهم

فرحة بفرح : بجد ي عمر بجد

عمر وهو ينظر في عنيها : بجد ي روح عمر

في قاعه المحكمه دخلت شابه تحمل كثير من المستندات بعد مرور نصف ساعه من المناقشات واقول الموجودين والمحامين .....

ادهم كمال و شريف و نرمين في حاله اندهاش ......

القاضي : مين حضرتك

الشابه : المحاميه رانيا عبد الحليم حضرتك ده ورق بيثبت صحه اقوال الشهود وبيثبت تورط رجل الاعمال في قضايا فساد تمس الدوله والمواطنين

شريف : رانيا ايه اللي جابها هنا وايه الورق ده

ادهم : ده الورق اللي اتسرق من المكتب جابته منين

كمال : ياتري حصل ايه

القاضي حكم بتحفظ علي جميع امواله والقبض عليه .....

محامي : انت ي زفت انت انت مش قولت الورق اتحرق القضيه باظت والورق اتقدم الناس لسه عندك

البودي جارد : ايه ي متر انا جايلك المحكمه حالا الناس مشيوا زي ما امرتني

رانيا : عمر لسه مكلمني وقال انه جاي حالا

نرمين : و فرحة طيب

رانيا : معاه متقلقيش

نرمين : الحمد لله ي رب

كمال : انتي جبتي الورق منين ي رانيا

رانيا : عمر عدي عليه من اسبوع كده واداني نسخه من كل الورق علشان جاله تهديدات كتير وانا جيت لما ما اتصلش بيا النهارده الصبح كان المفروض هيتصل بيا علشان اطمن انه جاي لكن لما متصلش انا جيت وهو طمني قبل ما ادخل انهم سابوه وان شاء الله نطلع نلاقي

خارج القاعه فرحة و عمر كانوا واقفين برا ......

نرمين : فرحة حبيبتي وحشتيني اووي ي حبيبتي طمنيني انتي بخير حصلك حاجه كلميني

فرحة : اهدي ي بنتي طيب والله انا بخير رانيا حصل ايه

رانيا : كله تمام متقلقوش يلا نمشي بقي من هنا
شريف : عامل ايه ي صاحبي قلقتني عليك

عمر خده بالحضن : تسلم ي حبيبي متقلقش احنا ياما اتعرضنا للمشاكل

نرمين : يلا يا فرحة قدامي علي البيت

فرحة : طيب استني شويه اشوف فرحه الناس وهي منتصره علي الشر

ادهم و كمال : حمدالله علي سلامتكوا هروح اطمن علا بقي

خرجوا خارج المحكمه وبدا التصوير بالكاميرات ....وفجاه تحول وجه فرحة الي الخوف

فرحة : عمرررر

(واصيبت بطلقه في القلب بدلا من عمر ووقعت بين ايدي عمر )