تضحيه
الحلقة 17دخلت سلمت علي علا ولقيت ادهم قاعد معاها وبيضحكوا ....وانبسطت اوي علشان كانت شايفه ان هما الاتنين لايقين علي بعض اوووي
فرحة : السلام عليكم ي اساتذه
علا وادهم : وعليكم السلام ي فرحة... اخبارك ايه
فرحة : الحمد لله تمام وانتوا اخباركوا
علا و ادهم : الحمد لله تمااام ...مش تباركيلنا
فرحة : الف مليون مبروك عليه ايه طيب
علا بخجل : ادهم طلب ايدي ووافقت
فرحة : بجد انا مبسوطه اوي ليكوا الف مليون مبروووووووك
ادهم: الله يبارك فيكي بس احنا هنتجوز كمان شهر ان شاء الله مش عايزين نضيع وقت
علا : ايه ي ادهم مش نتعرف علي بعض
ادهم : احنا بقالنا 8 سنين سوا كفايه كده تعارف
علا : بس ي ادهم
ادهم : مفيش بس ده امر بقي ي لولو (وابتسم ليها )
فرحة : احسن حاجه خير البر عاجله ربنا يتمملوكوا علي خير
دخلت ملك عمر علشان ملك تسلم عليهم .....عمر: ايه ده فرحة انتي مش قولتيلي انك جايه
فرحة : قولت اعدي اشوف المكتب شويه وبعدين ارجع لجميله تاني
عمر : اوك ي فرووحة .... انتى عارفة ملك اختي
فرحة : اهلا وسهلا ي مدام ملك
ملك بابتسامه : اهلا بيكي ي فرووحة تسمحيلي اقولك فرووحة مش كده
فرحة بابتسامه : اه طبعا اتفضلي
ملك : اخبار مغامرات المحاماه ايه
فرحة : الحمد لله ( وضحكت ليها وساعتها عمر بصلها واتحرجت جدااا )
ملك : ايه رايك تيجي انتي واختك تغدوا معايا يوم انا عايزة اتعرف علي نرمين شويه
فرحة : حاضر زي ما تحبي بس نرمين مشغوله في شغلها وبترجع متاخر معلش سامحيها شوفي الميعاد المناسب ليكي وانا هقولها
ملك : تمام اتفقنا
فرحة : عمر بارك لعلا وادهم علشان اتخطبوا
عمر : ي نمس ي ادهم كده برضو مش قولتيلي
ادهم : ي عم ده لسه النهارده واحنا ان شاء الله هنقرا فتحه والشبكه والدخله بعد شهر
عمر : بعد شهر !!!! لا ده انت مستعجل اوي يعيني
ادهم : علي راي فرووحة خير البر عاجله
عمر وقتها اضايق انه قالها فروحة زيه وقرر مش يقول كده قدام حد علشان محدش يدلعها تاني ,,,
ملك : ربنا يتمملوكوا علي خير
فرحة خدت شويه ورق كده وادت لعلا الملاحظات بتاعتها ...
فرحة : استاذن انا بقي معلش علشان عندي ظروف
عمر : استني ي فرحة انا هوصلك انا كده كده رايح اوصل ملك
فرحة : لالا مش عايزة اتعبك اتفضل انت وانا هاخد تاكسي
ملك : لا ازاي تعالي معانا وكمان علشان نتكلم سوا شويه
فرحة باستسلام : طيب تمام
نزلوا تحت و عمر اتفق معاهم انه يوصل ملك الاول وبعدين هي وقعدوا هما الاتنين سوا ورا .... طول الطريق بيبص عمر لفرحة في المرايا وهي محرجه جداااا
عمر : مخليني الشوفير بتاعكوا يعني ( وضحك ليهم )
ملك : ايون ي بني انت تطول اصلا
عمر : ي بنتي انا اطول اطول من كده كمان
ووصلت ملك البيت وسلمت علي فرحة وحبتها خالص وقالت في سرها ( ياريت كنتي انتي خطيبه اخويا انا حاسه انكوا مناسبين لبعض )
عمر خلي فرحة تقعد جانبه ......
عمر : انتي هتباتي النهارده كمان ي فروحة
فرحة : لا بابا مرديش وانا مقدرتش اقنعه
عمر : عنده حق ي فرحة خلي حد من اقاريبها يبات معاها
فرحة: انا مش عارفه هقولها ايه بس
عمر: انتي اتغديتي ي فرحة
فرحة : لا بصراحه نسيت
عمر : ليه ي فرحة الوقت اتاخر كده برضو
فرحة :هعمل ايه ما انا طول النهار بعمل حاجات ومش فضيت اكل
عمر : وانا كمان فطرت بدري وجعان تعالي نتغدي سوا
فرحة : بس يعني
عمر : مبحبش بس دي يلا بينا هوديكي مطعم تحفه
فرحة : ماشي بس هتصل بجميله اقولها
عمر : اوك
في المطعم .....
فرحة : بجد الاكل تحفه ميرسي ي عمر
عمر بحب : بالف هنا ي فرووحة
فرحة : عمر كنت عايزاك تعمل عيد ميلاد نرمين علشان تقربوا من بعض شويه
عمر ووشه اتغير مكنش عايز يفتكر نرمين : طيب شوفي مكان مناسب وقوليلي ..حلوه الفكره شكرا ي فرحة
فرحة : علي ايه بس هو هيبقي كمان اسبوع كده
عمر : طيب تمام
خدها وراح بيها عند جميله وكانت الساعه 8 بالليل ......
عمر : الوقت متاخر اوي ي فرحة كنتي روحتي البيت احسن
فرحة : لازم اطمن عليها واشوف اختها هتبات عندها ولا لا ي عمر
عمر : طيب بصي انا هروح لواحد صحبي في نفس المنطقه ولما تخلصي اتصلي بيا اوصلك علشان الوقت متاخر
فرحة : ي عمر والله عادي
عمر : يلا ي فروحة هاتصل بيكي بعد ساعه حلو كده
فرحة : تمام انا اسفه اوي اني بتعبك .......
___________
أنت تقرأ
تضحية للكاتبة وردة
Romanceرواية جميلة اتمنى تعجبكم للكاتبة وردة انا ناقلة فقط حقوق التأليف للكاتبة ورده