تضحية للكاتبة وردة

الفصل ١

الحلقه الاولي

استيقظت فرحة في تمام الساعة السابعه صباحا بكل نشاط .بنت جميله ذات ملامح هادئة بريئه .

الام (كريمة ):فروووحة يا حبيبتي انتي برضو هتروحي كليتك

فرحة :ايون ي ماما عندي محاضرات وحاجات كتير عايزة اسال الدكتور عليها الامتحانات قربت ي مامتي

الام :انتي عارفه ان النهارده خطوبه نرمين يرضيكي كده برضو تخرجي في اليوم ده

فرحة : احنا حضرنا كل حاجه هقعد اعمل ايه

الام:مش هتروحي الكوافير طيب

فرحة لا ي ماما هعمل ميك اب بسيط كده مليش في الحاجات الملونه دي

الام :ماشي ماشي طيب علشان خاطري مش تتاخري اتفقنا

فرحة :اتفقنا ي مامتي امشي بقي انا

الام: سلام

فرحة :سلام ي حبيبتي

(في الجامعه)

فرحة تنتظر صديقتها من الطفوله (دعاء)

فرحة :انا بعد كده مش هستناكي علي فكره

دعاء :ايه ي فرووحة بس سوري سوري اخر مره

فرحة :اخر ايه دي المره المليون يلا بقي هنتاخر
بعد المحاضره ... علي سلم الكليه

دعاء :لسه برضو بتفكري فيه ي فرحة

فرحة وهي تتصنع الجد :انا لا طبعا ايه الهبل ده ي بنتي وبعدين دي كانت اعجاب بشخصيه وانتي عارفه مليش في الحب اوي

دعاء : هي اكله ي بنتي .هتعملي ايه في الخطوبه النهارده بجد ازاي هتقدري تشوفي بيلبس اختك الشبكه

فرحة وقد ظهر الحزن عليها وعينيها قد بدات في الدموع :مش عارفه انا حاسه اني هنهار اول مره احس الاحساس والمشاعر دي ليه لما اجي احب احب خطيب اختي ليه بس

دعاء :معلش ي فروحة علشان خطري متعيطيش اجمدي شويه وان شاء الله ربنا يخليكي تنسي

فرحة : ازاي انسي وهما هيبقوا طول الوقت قدامي انتي عارفه لو حاسه انها بتحبه كنت بطلت تفكير لكن انتي عارفه هي رابطه نفسها بالماضي

دعاء :طيب يلا علشان مش تتاخري وتسيبي اختك لوحدها

ركبت الباص وفي طريقها الي المنزل وسندت براسها علي شباك الباص وهي تتذكر هذا اليوم الذي دق قلبها وخفق لاول مره بدون اي مقدمات ...

من حوالي كام اسبوع في الجامعه.......

فرحة :انا هروح لدكتور هشام اساله في الحته دي وهاجي علي طول تيجي معايا يا دودو

دعاء :لا مش عايزه انا هستناكي تحت

فرحة :اوك يا دودو مش هتاخر ان شاء الله