تضحيه
الحلقة 14
فرحة : بصي انا اعرف مديره مدرسه كويسه اوي هخليكي تشتغلي عندها وتعتمدي علي نفسك ومهما حصل او رجعتيله تاني اوعي تسيبي شغلك ....
وموضوع الشقه سهل شويه عفش قديم وده عندي في البيت ايام عفش بيتنا وشقه صغيره بالمده ... ايه رايك
جميله : مش عارفه اقولك ايه انا اعتبرتك اختي انا فعلا نفسي اعمل كده بس تفتكري هيسيبني
فرحة بنرفزة : يفكر بس يقربلك وانا هعلمه الادب
جميله : ارجوكي لا مش عايزة اذي كفايه يكون كويس ومرتاح ويسيني اخلف بس كده
فرحة: بتحبي للدرجه دي !!!!
جميله : اوي اوي ونفسي نرجع لبعض
فرحة : ان شاء الله .... انا همشي في الاجرات بتاعت الخلع وسهل علي فكره نكسبها بس انا هطول شويه علشان اديله فرصه
جميله بفرح : اللي تشوفي اعمليه .....وامتي هاشتغل
فرحة: بكره ان شاء الله
جميله : تمام
فرحة : يلا بينا بقي لاحسن الكلام خدنا واتاخرت اوووي
جميله : انا اسفه اوي بس بجد ارتحت لما حكيتلك
فرحة : انا اللي اتشرفت بمعرفتك اتفضلي اوصلك
فرحة وصلتها واتاخرت اوي عن البيت ....
في بيت فرحة ......
فرحة بتفتح الباب لقيت .... الكل واقف نرمين وباباها وماماتها وكمان عمر اللي قلق جدااا بعد ما اتصلوا بي وقلهم ان فرحة روحت ....
الاب بزعيق : كنتي فين وفين تليفونك قافله ليه ي هانم
عمر : اهدي ي عمي براحه شويه ... احنا قلقنين عليكي جدا ي فرحة مش قولتيلي انك مروحه تتغدي معاهم
فرحة بقلق : ( افتكرت انها قالت كده علشان مش عايزة تتغدي معاه ولا تقرب منه ) انا اسفه ي بابا بجد التليفون فصل شحن
الاب : لما التليفون فصل شحن انتي كنتي فين ردي عليا
فرحة : كنت مع موكله برا المكتب علشان ظروفها وحشه واضطريت اروح اقعد معاها ... انا اسفه ي بابا
الاب : خلاص ي فرحة بس بعد كده متقعدنيش في القلق ده يلا اتفضلي ادخلي اودتك
عمر : بس ي فرحة اي موكل تقابلي في المكتب ملوش داعي تتعبي نفسك
فرحة : معلش دي حاله انسانيه واسفه اني قلقتك بالشكل ده
عمر استاذن ومبقاش عارف يوصف احساسه بفرحة وخوفه الزايد عليها وعصبيته لما بيشوفها بتكلم حد غريب ... بس فسر الاحساسيس دي كلها علي انها صداقه واخوه وانه بيعتبرها زي اخته وصديقته ....
بعد كام يوم وصل لعمرو جوز جميله ورقه من المحكمه بالقضيه وراح المكتب لفرحة ....
عمرو : لو سمحتي عايز اقابل استاذه فرحة
مني :ثواني بعد اذن حضرتك ابلغها
عمرو : اتفضلي
مني بلغت فرحة و فرحة كانت متاكده انه هيجي يقابلها وكانت مستنيه المقابله دي من بدري وعلا كانت زي العاده في المحكمة ....
طرق باب الغرفة ....
فرحة : اتفضل ي فندم
عمرو : عمرو الاسيوطي زوج مدام جميله موكله عند حضرتك
فرحة : اهلا بحضرتك اتفضل
عمرو : عايزك تسيبي القضيه دي وليكي اللي انتي عايزاه .......
___________________
أنت تقرأ
تضحية للكاتبة وردة
Romanceرواية جميلة اتمنى تعجبكم للكاتبة وردة انا ناقلة فقط حقوق التأليف للكاتبة ورده
