تضحيه
الحلقة 35
فرحة : عمر
(واصيبت بطلقه في القلب بدلا من عمر ووقعت بين ايدي عمر )
عمر : فرحة ردي عليا ي حبيبتي ليه ليه عملتي كده المفروض انا اللي احميكي اطلبوا الاسعاف بسررررعه
نرمين :ـــــــــــــــــ
شريف : نرمين ردي عليا ي نرمين كلميني
(ويهزها ولكن بدون اجابه تنظر لاختها فقط )
فرحة : مت خا فش ي عمر
(وغابت عن الوعي )
جت الاسعاف وخدت فرحة والجميع في حاله من الزهول ....
البوليس قدر يقبض علي الجاني وكان البودي جارد وخدوه علي السجن هو ورجل الاعمال بعد التحفظ علي امواله..........
بعد مرور ساعتين ......
قدام العمليات ....
عمر يجلس علي الارض والدموع تتساقط من عينه ....
نرمين واقفه ساكته متكلمتش من منظر اختها وهي مليانه دم ....
علا وادهم واقفين جنب بعض ....
وكمال واقف جنب رانيا .....
فجاه ....
جريت نرمين والدموع في عنيها عند عمر ومسكته من القميص بكل قوه ....
نرمين : استريحت ....رد عليا استريحت دلوقتي انتقمت مني اختي الغلبانه دي عملتلك ايه حسبي الله ونعم الوكيل فيك انت اكيد شيطان مش كده ياريتك انتقمت مني انا هي ذنبها ايه عملت كده ليه
شريف : بس ي نرمين اهدي شويه وادعيلها
نرمين : اسكت ي شريف الشخص ده لازم يسيب هنا دلوقتي ملقتش الا فرحة دي زي النسمه مبتاذيش نمله عملتلك ايه ماترد انت اتخرست ولا ايه كفاياك تمثيل بقي
شدها شريف بالقوه وطلب من عمر انه يبعد لاخر الممر ....
شريف : نرمين متخلنيش اتنرفز عليكي اسكتي بقي شويه احنا في ايه ولا في ايه
نرمين : انت صدقته يا شريف ده كداب بقولك بيمثل علينا هو السبب في كل ده عايز ينتقم مني في اختي بس اقسم بالله لو جرالها حاجه انا اللي هقتله بايدي
شريف : خلاص ي نرمين اهدي شويه انت متعبتيش ادعيلها ربنا ينجيها وبطلي توزعي اتهامات علي الناس
الدكتور خرج .....والكل جري عليه
الكل : ها ي دكتور طمنا ارجوك
الدكتور: الحاله صعبه والرصاصه جت في القلب احنا خرجنا الرصاصه بس لازم عمليه في القلب والجراح اللي بيعمل النوع ده من العمليات حاليا مسافر المانيا وجاي كمان اسبوعين هو اشطر دكتور في جراحه القلب
نرمين ببكاء: طيب نسفرها ي دكتور
الدكتور : السفر ملوش لزوم حاليا المريضه للاسف دخلت في غيبوبه ادعولها ..... والعمليه ممكن تستني المهم تفوق
أنت تقرأ
تضحية للكاتبة وردة
Romanceرواية جميلة اتمنى تعجبكم للكاتبة وردة انا ناقلة فقط حقوق التأليف للكاتبة ورده
