سواد العشق

نبذة عن القصة

هيام:يعني اني شلون بيه اخلص من قهر اجي لقهر ليش هيج يربي

شمسويه ويصير بيه هيج كولما اكول صبرت واي ح يجي الفرج

يصير بالعكس وينكسر كلبي وصلت لمرحله يأست يربي دخيلك

ام رعد..هياااام تعاي سلمي ع خطار وينننج

هيام..ااييي عمة جاية ..اوف يربي شعدي اسلم عليهم

يعني فوك الشفته منهم وفوك ما هذا الي اسمه رعد مدمرني بسببهم

واني الواكعه بيها  انوب فوكاها اروح اسلم عليهم الله ياخذهم لو ياخذني احسن

رعد..هييي انتي شبيج ادردمين

هيام..مابييييه شي

رعد..كضيتها من زندها وصكيت ع سنوني ..انتي شبيج تحجين بنتر

هيام..دوووخر مااحاجيه بنتر اتركنني عاد

رعد..اييي والله بنت محمد جايه تتفيك اعلينا يابة التفيك يم اهلج مو هنا

هيام..اتررركني ايدي اخ

ام رعد..ولج هيام مو اصيح ..صديت شفت رعد واكف

ها يمه شجاي تسوي هنا.. ولج هيام مو جاي اصيحللللج

رعد..نترت ايدها وشمرتها وطلعت برة

هيام..اي عمه

ام رعد..شبي هذا وياج

هيام..دمعتي جانت بعيني مسحتها مااحب ابين ضعفي لاحد

شلت صينيه الجاي ودخلت بدون مااحجي اي شي دخلت مبتسمه

لكيت الوفد كله جاي كرابتنا عود عشتو حتى ماسولي احترام ووكفن يسلمن اني هم كلت سلام عليكم وكعدت

اسمعهن يتهامسن يااا هي هاي العروس الجديده اي والله وكدرت توكعه وتاخذه

هالتركية الملعبة بعد تركيه عمي وعايشه عيشة الاتراك وهو شافها وسطرته

هيام.. تمتمت ..استغفرك ربي شحاجيهن ذني بعد كم يوم يكوللي مسويه سحر وساطرته والله عقول عليهن

عفتهم وكمت للمطبخ اسوي عشة مااريد اخدم احد بس بنفس الوقت مابيه اسمع غلطهم وفشارهم مالي خلك اتجفى الشر احسن

نكعت تمن وحطيت اللحم ع االنار حتى اسلكه بهالاثناء دك التلفون امي

الام.الو ها بنتي هيام شلونج اخبارج حبيبتي

هيام..الحمدلله يوم انتي شلونج

..والله حبيبتي زينه بس مشتاقتلج يعيوني انتي

..اني هم مشتاقلج شوكت تجين حيل ميته ع شوفتج

..يمه وين اجي واختج بطنها لحكلها

..اممم زينه شلونها هي يمج؟؟

..لا بالغرفه الثانيه تريديها

..لااا مااريدها ولاتكوليلها سالت عليج

..والله ييمه ميصير هيج اختج هاي

..يمه خليني ساكته بيمن ابدي كوليلي اذكرلج عمايلها وشسوت بيه وبسببها هسه اني عايفه بيتي وكاعده هنا

حتى الإنسان الي حبيته .._____ غمضت عيني وكتمت وجعي وسكتت

اووف يمه خليها سكته يلا اروح اني عمتي تصيحني

سديت الخط منها ومتحملت دموعي كامت تنزل من وحدها احسهن نار

ويحركن بيه احس كلبي يوجعني صعبة من اقرب الناس الك

يطعنك بضهرك ويدمر حياتك ويقلبها راسآ ع عقب كولما اذكر ناردين شسوت بيه احس سجينه ونبتت بكلبي

تركيا...

ناردين.. يمة وينج

الام..ها يمه شبيج

..مو داصيحلج وين رحتي

..جنت اخابر هيام مشتاقتلها والله

..هيام!!شلونها زينه

..دكول زينه بس صوتها معاجبني والله

..ماسالت عليه؟

...بطنج لحلكج عوفي هيام وديري بالج ع نفسج وعلى الابطنج منريد شي منج وعفتها وطلعت

ناردين..حطيت ايدي ع بطني وكعدت ع سرير وافكر بهيام وشلون ادمرت حياتها بسببي

اووف اختي هاي وهيج اني اسوي حتى خايفه ع ابني لتطلع حوبه اختي بي

اخخ ليش هيج اني سويت يربي والله ندماااانة سامحني دخيلك ياالله

كله بسبب مهند خطيتي بركبتك ياامهند ياابن شكريه بركبتك خطيتي

يونس..فتحت الباب دخلت لكيت ناردين كاعدة باوعتلها تبجي سالتها شبيج...؟

ناردين ..درت وجهي عنه وكمت مسحت دموعي ها لا مابيه شي بس احس بمغص شويه

...محتاجه دكتور؟

..لا ممحتاجه شكرا

هيام وناردين احنا الاخوات عشنا صراع سميناه سواد العشق

تابعو قصتنا حتى تعرفون شلون تحول بياض عشقنا الى سواد العشق

#للكاتبة:ايليا_محمد

بنات هاي نبذة او لمحه عن روايتي القادمه الي راح انشرها 

شنو رايكم من خلال هاي اللمحه اطوني رايكم بالقصه اتقبل كل السلبيات والايجابيات

فاانتضروووووني بقصة جديدة بعنوان سواد العشق😍